جا الفجر وطلع الصباح .. كانت عود الريحان فبيتهااا
نعساات موجعة
نهاية الفلاش بااك
فصبااح بكريي وفجناح قوت القلووووب .. كان الغوات حامي السوق ... شي داخل وشي خارج
كااانت السلطانة رحمة الله جاية ومعاها السلطانة زينب الكبيرة والاميرات ..
دخلو الجناح وكان سيف الدين شاد فيد قوت القلوب
ودم هابط معاها
الحكيمة كاتسعفها وهي موجعة
لالة رحمة : شنوووو مالها بنتييي ياك مغاتولد
جات عندها الشريفة: لا الالة البنت الله فشهرها السابع ولكن راها نزفااات ..
حبس الصوت ديال قوت القلوب فخطرة وصياح سيف غادي وكايتعالا
سيف : قوت القلوووب فيقي فيقيييييي
الحكيمة حبسات النزيف وهدرات معاه: مولاي راه حبسنا الدم دابا الولد بخير ولكن هي
سيف: شنووو
لالة رحمة: شنو مالها
الحكيمة: راه نعساات ومغاتفيق غيير بدعاويكم .. طاحت كومة الالة .. دابا ماعليها خاطار ولكن الى مافاقتش قبل ماتولد .. رااه.. رااه .. مايقدروش انجاو بجوج
الشريفة: دعاويكم هي اللي غاتنفع معاها دابا وصافي
لالة رحمة سخفات وسيف باقي مصدووم فالدم
لالة زينب والشريفة مشاو عند لالة رحمة اهزوها والاميرات حاميينها بكا وغوات.....
////////////////////////////////////////////////////////
فاقت على صوت البكا والنواح ....
ماعرفانش اش واقع وشنو طراا
مشات للكشينة تعمر كريشتها وتبركك شوية
فلكشينة
ع ر: ياك لاباس شنو واقع
هنية: عود الريحان واش مافراسك وااالو؟؟؟
ع ر: لا علاه شنو واقع
هنية: اهئ ايوا لالة رحمة سخفات حيت بنتها الحاملة طاحت كومة وماعليهم غير الدعاوي قبل لولادة ولايموتو هي وولدها ومسكين راجلها مصدوم وساد عليه معاها ماباغي اخرج ولا يتململ من حداها
ع ر: علاه جات ياك مشات هي وراجلها هادي شحاال
هنية: وارجعات لبارح وليوم مسكينة نزفاات واقيلا مع الطريق الطويلة اللي ضربو ومارتاحوش باش اوصلو دغيا وزيد عليها الموت ديال بات راجلها مسكينة بقات في هي سيدي باه مات وهاهي مراتو دابا فهاد الحالة علم الله بحالتو
ع ر: اكون خير انشاء الله الله اكون فعونهوم
هنيةياميين.. مسكينة .. ضريفة الله اعمرها داار .. ماتستاهلش اللي وقع ليها
ع ر: انا غانمشي ناكل ماكليت والو من البارح ...
///////////////
كان جاي بشوية علييه .. دخل من باب القصر وكولشي معجب من حالتو ولكن تاحد ماقدر اهضر معاه
مشا لجناحو بدل حالتو وغسل مزيان عاد خرج ومشا لجناح باه اسول فييه حتىى قالوليه شنو طراا
......
كان غادي زربان لجناح ختووووو
مني وصل بغى ادخل ورجع.. هي دابا ماغاتسمعوش ماغاتشوفوش .. غايتلاقا غير سيف الدين.. ومن الاحسن بلاش
رجع فحالو لطريقو وماتلاش دخل ...
مشا جيهت الجنينة ... بقا غادييي كايريح فراسو حتى شافها
ااه هي وشكون من غيرها
مشا جيهتها واخا معارفش علاش...
وقف وراها وقال: اش كاديري هنا
قفزها بصوتو حيت كانت ساهية ...
شافت فييه شوفة غريبة .. هاد المرة ماشي معصبة وماشي حاقدة وماشي تا منكاسرة وماشي فرحانة ..شوفة اقرب للعادية ولكن حس بيها ماشي عادية
بقاات هكاك كاتشوف فييه حتى توتور وعاود قال: شنوو ياك ماعجبتك تال ديك الدرجة باش تبقاي تشوفي فيا
ع ر: لا غير كانشوف حقارة الانسان اللي حبيييت كيف داير وانا كيف كنت كانتخايلو داير.. فرق كبيير ..سبحان الله
بغات تمشي فحالها وشدهاا رجعها وشاف فيها شوفة فهمات مقصودو ولكن هي ماتغيراتش شوفتها ليه
مادزعدزعاتش ..
المير: انا عارف راسي غلط معاك ونتي ماشي من حريمي ولكن تادابا نقدرو نصلحوه رجعي .. رجعي للحريم اعود الريحان
شافت فيه كيف نطق سميتها وقالت: سمحلي امولاي انا غير وصيفة وكانبقا وصيفة ماشي من سهمك حتى نتجاوب معاك فوسط قصرك .. اللي شافنا هاكا غايفهمنا غ...
ماخلاهاش تكمل شدها وجرها لييه معنقهااا
جرات راسها منو ولكن عاود دخلها ..
المير: خلييك
ع ر:حاشا امولاي .. مانبغيكش تقول عليا مرة وخرا ماشي بنت الناس ووحدة رخيصة
بعدات منو وشافت فيه : سمحلي امولاي ولكن ماكانبغيش نعاود نفس الخطية جوج مرات
المير:بغيتك ولكن مقامي مايسمحش ليا .. كنت متمسك بقراري وجيتي نتي وقلبتي ليا كولشي .. ماكنتش عارف شنو نديير.. وزيد عليها لسانك سلليط بسبابو شي نهار ايتقطع ليك داك الراس
عود الريحان : الله لا يوقف ليمين على اليسار
المير: هههههه يااك الالة
عود الريحان: لاالة!!
المير: ترجعي لجناح الحريم!
عود الريحان: ماعرفتش .. مانقدر نقول والو لالة دابا
المير: عرفت .. انا غانهضر معاها
شدها وعنقها وهي تكاات على صدرووو ولكن ردة فعلها كانت جامدة
واخييرا عتاارف بقلبو ومانكرش داكشي اللي كايحس بيه واخا ماقالش شي حاجة كادل عليه ولكن بان لعود الريحان من عينيه....
دازو اياام .....
وقوت القلوب باقي مافاقت كولشي مخلوع ولكن ماشي بحال اللول .. دابا الامور تهدنات شوية.. وناس لقصر ولفو الجو الجديد ...
..... وفليلة من ليالي كانت غادا من بيتها لجناحو ..
وصلات لبابو وخلاوها لجنود تدخل .. بحالا كانو عارفين
بللي غاتجي ولا مولفيين!!!
أنت تقرأ
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
