ابتسمي لعل الحرب تخجل

البارت 1

كان يا مكان في قديم الزمان، كان الخير فكل مكان كانت الريشة تقهر الميزان، وكان الاعمي يتخطى الحيطان وكان الشيخ يقطح الوديان ، والعرصة (البستان الصغير) كانت تغدي القبيلة وتزيد الجيران
كان وكان حتى كان وفبلاد بعييدة طريقها شديدة ، الركبان الى قصدوها يعياو،والى ماقصدوها يتمناو ،حيت الاخيار لي توصل عليها والخير لي فيها ماتخلي حد فدار
وفمدينة السلطان مدينة تسودها الحشما والمرا تخرج منقبة وفدار تاجر من التجار الكبار عيالات مجمعات فوسعة كبيرة وسط الدار دايرين بيها الحيوط من كل جيهة وسقفها عريان الشمس فوقهم يقولو جيران مونساهم ومدفياهم من البرد والشتا اللي قرب يجي مفرشين حصيرة فيها الزرع ضاربة فيها الشمس وكل وحدة وشنو الدير
هاللي تنقي الزرع هاللي تدق فالمهراز هاللي تعمر اتاي هاللي تنقش وهاللي تبخر وتقول مابخرت
صفية:ماعرت لالا عود الريحان طعطلات ماموالفاش ليها
هنية:ياك صيفطي العبيد يجهزوها
صفية:اه راه مشاو
قوت القلوب:ايوا خلوها دابا دجي ونتي افاطمة كبي ليا كويس داتاي راني عيانة
فاطمة:هي اللولة الالة
تسمع الخلخال من الفوق هابط مع الدروج المفرشة بزربية حمرا من لفوق لتحت كانت لابسة شربيل خضر ملكي مذهب بالصم الحر هازة بيديها قفطانها المطروز بالصقلي الحر بشوية عليها كاتحسب خطواتها من الشوفة تعرفها ماتعري رجليها وماتحط ايديها فما بتسمات وقالت :صباح الخير عليكم
قوت القلوب:صباح الخير والرباح على سلامتك يالخامرة زيدي تفطري
الخدامات:صباح النور الالة
عودالريحان:صفية سيري قولي للعبيد يجهزو اللبسة ونتي اهنية اجي بخريلي شعري دغيا نكلس نفطر ونمشي نبدل خويا قالي غايتسناني اليوم فسطاح دار ادربني
قوت القلوب:بغيت غير نعرف واش نتي بنت ولا عزري يا هاد الموصيبة البنات اتعلمو المسمن والبغرير ونتي تهزي السيوف وتحاربي مع الرجال
عود الريحان:ايوا انا هاديك ماشي اي بنت انا عود الريحان وداكشي اللي كاندير كايعجبني وهو اللي باغيا
قوت القلوب:واقوليلي غير فاش ايفيدك ونتي طال النهار ولا قصار فهاد الدار وهايجي داك النهار اللي تمشي لدار راجلك تكملي فيها مابقامن عمرك اشنو طيبيليه ولا تمضليليه السيوفة وقوليه هاك طيب بلاصتي وانا نمشي نحارب بلاصتك والله احتا يطلقك فنهارك وحتى داك البغل تاع خوك مسايرك
عود الريحان:ايوا جمعي فمك خويا الى بيتي دكريه شلي فمك بالسمن والعسل واصلا هانتي جيتي لهنا وتزوجتي كالسا كيف الوصية ماكاتهزي يد وماتحطي رجل فاش فادتك حداكتك دابا ماكاطيبي مكاتشقاي جيتي من دار باك معززة مكرمة وبقيتي كيف ما نتي وكتر
قوت القلوب:يالهبيلة ماتنسايش خوك راجلي واب ولادي وكايبغي ماكلت يدي ونلبسو بيدي ونجمعليه فراشو بيدي ولا نسيتي
‎عود الريحان:اييه ايه عرفت صافي اوف باراكا ياربي ماتخلو حد ياكل فراحتو
‎ناضت بغات تمشي وهي درو مستغربة
‎عود الريحان:تعالي بعدا اش كلتي ياهاد الموصيبة اب ولادك انا مازال ماشت شي ولاد فيناهوما بانوليك انا ماباليا واول بايتا تحلمي من دابا
‎بتاسمات قوت القلوب وقالت : انا حاملة يالهبيلة
‎شهقات عود الريحان بصدمة وفرح:اشنو بصح اويلي ياممتي واش خويا عارف ولد الحرام مكالهاش ليا
‎قوت القلوب:سكتي سكتي فضحتينا ولا يلالة مازال ماعراف بغيت ندير هاليه هدية الليلة ههه
‎ضحكات عود الريحان:ههههه ليوما ، غدا تصبحي والدة وبعدو يجي لاخر ههه واشمن ليلة غادوز
‎ضحكات قوت القلوب:ههه ياك يالمصيبة مابقيتي تحشمي والله لابقات فيك تسناي
‎جرات عود الريحان ومشات لبسات لبستها وطلعات للسطح الكبير كان خوها كايتسناها وتبسمات ليه،بادلها نفس الابتسامة وبداو التدريب حتا سلاو بعد مدة
‎كان طايح على الارض وهي هازة سيفها فوق وجهو وسيفو هو بعيد عليها بامتار وكان شعرها مطلوق وهي كاتنهج
‎سيف الدين:هههه ايوا تكلبات القفة على مولاتها ولات المتعلمة تهزم معلمها
‎عود الريحان:خمس سنين ديال التعليم وشحال كنت مشوقة لهاد النهار نهار نشوفك طايح ومهزوم بين ايدي هههه
‎سيف الدين:يااك احبيبت خوها وليتي تقواي على خوك اللي علمك
‎عود الريحان:حاشا ولكن مافيها باس ناخدو هاد النهار عبرة ههههه
‎سيف الدين:هههه واخا يالالا خوديها جاتك ايوا يلاه نهبطو لتحت نتغداو ايكون وجد الغدا توحشت طياب مراتي العزيزة
‎عود الريحان:غير سير انا انبدل عليا هاد اللبس وقول لصفية توجدلي الحمام وشي عبيد يدلكوني راني سخفت
‎سيف الدين:جاتك الالة ماتنسايش اليوم بالليل جاي با ماتخمريش كيف ديما
‎عود الريحان:ههه لا ماناسياش
‎هبطات عود الريحان للحمام ولقات كولشي موجد غسلات وتنقات ودلكوها ورجع لحمها بيض وكيشعل كتر ماكان
‎لبسات وتقادات بحال الاميرات
‎اللي شافها من الرجال ادوخ وهادي حقيقة ماشي كدوب حتا من العيالات الى شافو زينها اتصدمو
‎هي ماشي بحال كاع الورود هي وردة نادرة اللي شافها ابغيها
‎هذا هو سر عود الريحان وسر اللي خلا رجليها عمرهم مايفوتو عتبت الباب
‎وزينها عمرو شافو شي ذكر من غير باها وخوها
‎مشات هبطات للصالة تتغدا مع خوها ومراتو ......