ابتسمي لعل الحرب تخجل

بارت 22

المير: بغيت غير نعرف علاش طبعك تبدل بزاف كنتي بحال المشيشة ودابا وليتي داك الذيب اللي خاصو غير معامن ..
ع ر: نتا السباب امولاي .. كنت بحال المشة والدنيا رداتني ذيب.. فتحت قلبي وندمت حيت ولا كحل
كانت كانسحاب راسي مطورة صدقت نية مانعرف الطير من الذيب .. حبك ردني هاكا امولاي .. الذل اللي عشت فقصرك ردني هاكا امولاي.. نزيدك ..
المير: لا صافي بلاش
بقااو ساكتين حتى هضر عاوتاني: كنتي عارفة نقدر نغلبك فاش سهيتي ولا لا
شافت فيه بحدة وقالت: ااه عرفت وماتسولنيش علاش ماقلت والو حيت ديك ساع كون لقيت نربح وخا بغش مايهمنيش
المير: هي دابا تعادلنا
شافت فييه وضحكات: هه واخا اسيدي مايكون غير خاطرك
المير: صافي تصفاو القلوبة
ع ر: تصفاو ... ولكن .. ولكن علاش طلبتي السلة بلا عندب ونتا عارفني مغانقتلكش
تبسم وقال: حيت كنت باغي نكفر على مادرت لك .. وبغيتك تنفسي على مافقلبك..ماكنتش عارفك هازة هادشي كولو
تخشات فيه كيف المشة وهدرات: وانا .. انا ماعجبنيش الحال كيف كيف غوتي عليا
المير: ونتي اللي غوتي على سيدك .. المرى الى مشات تاهزات صوتها على الراجل مابقا عندو وجه بين الناس.. وسيد الناس الى علا صوت مرا على صوتو مابقى عندو حق فحكام الناس ولا يدير وجهو بينهم
ع ر: واخا .. انا مني الغلاط ..ولكن ..
المير: ششش صافي نساي ..
بقا يشووف فيها والبرد خلاهوم يزيدو اتخشاو فبعضياتهم .. عجبهم الحال..وزاد الحال على حدو .. ولات الشهوة تحكم فالمير.. عيا مايصبر فراسو ولكن ماقدرش .. هز ليها راسها وشاف عينيها
ماقال والو من غير سمحي ليا
وبدا فخدمتو حتى هي مامنعاتوش امكن ماعفاتش اش دير  ولا امكن كانت محتاجة هكاك فديك الوقيتة .. تاحد ماعرف
.....................
فاق المير على صوت بكاها ، تخلع وقال هادي مالها غير تكلم شافت بعيون دامعة نادمة غاضبة ، احاسيس مختالطة الم عتاب ... هادشي اللي قدر اقراه، ولكن قصوحية قلبها كانت واضحة

داكشي اللي بغيتيه وصلتي لييه .. صدقتي ماشي راااجل ..
قبل ماتكمل فهاد الكلمة حبسها بطرشة طيراتها ..
تصدمات وتصمكات كانت اصلا موجعة من تحتها زاد وجع حنكها .. بقات هكاك ماتحركاتش مصدومة ولا كاتفكر ماعرفناش
المير كان صافي صبرو تقاضا ماقدرش اصبر كتر على هبالها وكلامها اللي كيف السم
المير: انا اللي هبييل جايبك باغي نطلب السماحة، انااا بشاني ومرشاني تذللني وسخة بحالك ااااا .. الى كنت انا ماشي راااجل نتي ماشي بنت الناس .. حيت بنات الناس مكايعطيوش ريوسهم بالرخيس يالرخيسة.. غير انا كنت فهاد اللحظة معاك .. ولكن كون كان شي راجل معاك هنا فبلاصتي كنتي غاديري نفس الحاجة .. بلا ماتجي تمثلي عليا العفة ديالك حيت بان عودك وخفاف ميزانك
اسحابلييك بهادشي غادي نتزوجك .. هههههه ماتحلميييش .. كنت كانفكر رجعك لجناح الحريم ونردك وحدة من جارياتي .. ولكن اسحابليك بهادشي غانتزوجك وديريني خاتم بين اديك .. ههههه راك كاتحلمي حيت انا مغانتزوج غير بوحدة من سهمي ..ومن الدم الصافي
شد كيس صغير من التوب كانو فيه فلوس من الذهب ولاحهوم عليها .. هاكي ها ماتستاهلي
مشا وخلاها .....
لحقات علييه وشداتو من يدييه
شافت فييه نظرة غاضبة نظرة حقد عمرو شافها فيهها: كون كنتي بصح رااجل تصوني .. ماشي تسمع جوج كلمات تصمكمني، حيت عارفني انا غير ولية ضعيفة مافيدي حيلة بين ايديك .. الراجل عمرو يضرب مرا ولايقيسها فكرامتها..هادشي علاش كانسميوه راجل سيد الرجال ،، ماتسميش على راسك راجل ..حيت مكاتشبه ليهم فحتى حاجة .