ابتسمي لعل الحرب تخجل

بارت 8

ابنتي نتي خليقت ربي وخصك تحمديه وتشكريه على النعمة اللي عطاك كايتمناها الف واحد ومالقاها
اه ابنتي نتي زينك فتنة بين كل مرا وراجل ولكن الى عرفتي تخدمي عقلك وقلبك غادي تغلبي على لعنتك
عود الريحان:شكرا الالة الله اكتر خيرك ومن امتالك ولهلا يحرمني منك نتي اللي كانرتاح ليها ومعاها
انا داباا انمشي عندي حل لهدشي يالله الله يعاون
الشريفة:الله يعاون
مشات عود الريحان لعند الوصيفة
الوصيفة:جيتي ايوا يالله نجهزوك دغياا العشا قرب ونتي خسكي تمشي عندو مور المغرب
عود الريحان :مانقدرش جاتني حق الشهر
الوصيفة:شنو ويليي ويليي مالقات فين تجيك غير دابا شنو نقول للسلطانة الكبيرةاليوم نهاري اللخر ياربي دير شي تاويل هاد النهار
مشات الوصيفة تخبر السلطانة
بعد مدة جات وقاتليها سيري غانديو لوخرا
مشات دخلات لجناح الحريم تكات ونعسات المهم تهنات من هاد المصيبة وبعدات عليها الامير لليوم
ايوا تعاشات العشية ومشات الجارية لعند الامير صدق ردها ومابغا نتوة تعتب بيتو
بات يخمم ويفكر فمن وشكون من غيرها مولات العنين المغنبرة اللي ماخلا فين قلب عليها مورا ماهربات بين يديه 
فلاش باك:بقا الامير كايشوف فيها حتى سلات وفتحات عنيها ،تصدم مني شاف عينيها وستغرب بزاف حيت كانت كاتقاتل بلاما تحل عينيها وهاد السلالة كاينة غير عند خالو صلاح الدين وحتى سيف الدين ولدو ماقدر يتعلمها ؛هبط من جناحو بالزربة للساحة ولكن لقاها مشات وفلتات من بين يدو..)
عودة للحاضر
رجع لجناحو وجلس كايخمم ...
جمع الجلسة وقال غدا نمشي لنفس لبلاصة
ايوا نعسو غاع اللي فلقصر وهو ماشاف نعاس حتى ودن الفجر ناضو بجوج صلاو واخا التاني ماكايشوف الاخر
واحد مع الجواري والاخر سيد الجواري
صبح الحال على القصر ناض جناح الحريم بحال غاع يماتو مبهج هاللي تنقش وهاللي تغني
ايوا ناضت لالاتنا عود الريحان فطرات ومشات لبسات وخرجات للساحة
مشات للقبة وبدلات وهزات سيوف من السياف وللساحة خرجات والقتال بداات
ماحسات الوقت امتى دازت حتى جا الامير وعليه وقفات
كاتنهج مغنبرة كايبانو غير عينيها كيف تعوداات
قال الامير لعود الريحان وهي واقفة مبندرة
الامير:حطي السيف للارض
عوجات عود الريحان سيفتها وقالت:وعلاش
الامير:شكون دفعك للسيوفة تحاربي مع الرجال
عود الريحان:حبي ليه
الامير:النسا عمرهم هزو السيف شغلهم هو يقابلو رجالهم
عود الريحان:انا ماشي بحال النسا
الامير:وشكون تكوني
تبسمات عود الريحان تحت غنبارها وقالت: شنو كايعني السيف
الامير : اممم السيف روح المحارب
عود الريحان: والمراية روح المرى
الامير:هانتي هدرتي داكشي علاش غتحطي السيف وترجعي عند باقي جنسك ومانبقاش نسمع باقي حسك هنا
عود الريحان: مرايتي فسيفي فيه نقدر نشوف وجهي ونحمي روحي
تبسم وقال:الهدرة فالساحة ماشي هنا
دورات وجهها وشافت فالساحة وفهمات قصدو تبسمات وقالت:واخا
مشا غادي جهت السيوفة بشوية عليه هز السيف ورجع عندها كايشوف
قال:وريني شطارتك
هزاات السيف تحسساتو وباستو كيف متعودة ديير غمضات عنيها ودوزات حافتو على صباع اديها
تعجب منها وعرفها قادة وبقدودها
تحولات لوضعية القتال وهجمات ماخلاتوش يتحرك حتى هو بدا يدافع على راسو
حتى يقول غفلها وتصدق هي اللي غافلاه وهادشي كولو وعينيها مسدودين ماتسرطاتش ليه حلف حتى يغلبها
اول مرة يخاف اه خاف
خاااف لاتهزمو نتوة مابغاش ومارضاش
بقاو مني لييك حتى طيح ليها سيف وتبسم حلات عينيها وقالت خمسيام ونغلبك بعينيا مغمضين اما الى فتحت عيني شهد على روحك من دابا
جمع تبسيمتو وقال شعرك
دورات راسها وشافت شعرها مطلوق على طولتو
قال:هو اللي عنكشك اما كون غلبتيني . ماقلتليش شكون نتي وعلاش ماتحيدي الغنبار اللي على وجهك
عود الريحان:انا جارية من جاريات مولاي الامير
الامير:نتي وحدة من جارياتي
تصدمات :نتا نتا... هو ..مولاي الامير
قال:اه ماعرفتنيش
قالت:لا انا جديدة عمري شتك
قال:من ايمتا جيتي
قالت:من يوماين
تحنات وقالت:سمحلي على صداعي امولاي ماقصدتش
تبسم وقال:حيدي غنبارك بغيت نشوفك عيونك بحر فيهم غرقت بغيت نعرف واش نتي اللي كنتي فالواد شعرك بحال شعرها
تصدمات وماعرفات باش تبلات :اا..اه انا
قال:باقي عندي شربيلك الليلة بغيتك عندي
قالت:خمسيام موراه الى غلبتيني نكون عندك
قال:كتعصاي امري بغيتك الليلة
مشا وخلاها
عود الريحان:شنو ندير ياربي مابغيتش مازال مابغيت ااه نسيت بلي قلتلهم جاتني حق الشهر ااوف الحمدالله 
دخلات للقصر ومشات تبدل
ايوا بدلات وراحت لجناح الحريم وخا ماحملاه ماقبلاه ...
عند السلطان والامير
السلطان:مازال مالقيناها
الامير:ااااه علاش علاش انا زهري عوج قتلوووو الامير صلاح الديين دابا راسو يكون عندي
السلطان:هداااا،،،،، صلاح الدين مريض بزاف حتى هو مابغاش بنتو توضر ماعرفاها واش واكلا ولاشاربا واش حية ولا ميتة
الامير: غير حيت هو راجل عمتي المرحومة غانخليه عايش تالدابا
السلطان:انا عياان ومابقاوليش بزاف دليام ...