ابتسمي لعل الحرب تخجل

28

.....فالقصر .....
صبح الصباااح وناض الامير يتجهز لتتويج اما عود الريحان كانت ناعسة مجايبة للدنيا خبار . مورا ماتجهز وكمل خرج يفطر مع العائلة وخلا عود الريحان ناعسة ففراشو ..داز الصباح وفاقت اميرتنا مع الظهر ..مشات غسلات ولبسات .. فاش كانت باغا تخرج شداتها التقية ومشات كاتجري للحمام ترض ..رضات وتفرغات حتى جوفها خوا .. غسلات وشلات فمها ومني بغات تخرج سمعات صوت قوي .... تسمرات حيت عرفتهم شكون كان المير وباه السلطان ..
عود الريحان: ناري شنو ندير دابا يكون سحابليه مكايناش ناري قفرتها غايسحابليه كانتجسس عليه ..ناري شنو ندير.. صافففففيي غانخرج ولي ليها ليها
الله بغات تخرج وهي تسمع كلمة صمكاتها
السلطان: الوصية ديال با الله ارحمو فين هي
المير: تسنى
تمشى المير خطوات وهزها من صندوق كان حدا البلاصة فاش كاينعسو
كانت كاتشوف بصدمة مخبية لايشوفوها
المير: هاهي
السلطان: حرقها
المير: كيفاش!!!
السلطان: البنت ماتت وصلاح الدين مات وختي غبرات كون قدرات تجي كون جات هادي سنين وبما انك غادي توج ليوم مكاين لاش نخليو شي خطر ولا برهان علينا
المير: ولكن ابا
السلطان: شنووو باغي مرا هي اللي تحكم فبلاسطك باغي البلدان يضحكو علينا وتهبط قيمتنا وهيبتنا بين الملوك والسلاطين ويقولو مرا وحاكمة فينا
المير: لا على جثتي وماتكنوش ماشي فاش نكون انا حي تحكم مرا فبلاصتي مانتقبلهاش ابا
السلطان: ودابا حرقهاااا
المير: واخا غانحرقها ولكن ماشي دابا حتى يدوز التتويج بيخير ونتاكدوا
السلطان: واخا يالله سربي جيب الخاتم وجي
المير: واخا
خرج السلطان وبقا المير
قلبها بقا كايدق كايدق والخلعة شوية وتفضحها حبسات النفس بحالا غايسمعو حتى قالت صافي هادي اللخرة ليها الى مماتش على يدو تموت مخنوقة
مشا جاب الخاتم المذهب من صندوق كان حدا صندوق الوصية ورجع الوصية لبلاصتها وخرج عاد هي تنفسات
عود الريحان: اووف ااه اه تخنقت .. كيفاش زعما حتى هو فراسو وموافق حتى هو عارف بلي كان باغي يقتل مي وختي وحتى انا هي انا ماكنتش كانعني ليه والو بصفتي اميرة كان كاكرهني حيت اناخد ليه الحكام .. الى عرفني واش انا هي ديك البنت واش غابقا يبغيني
ااااه سكتي اعود الريحان هوما عدبوك وباقي كاتسولي واش غابقى يبغيك .. ااه ياربي اهئ اهئ قلبي كايحرقني
اشهادشي ياربي علاش هو بالضبط علاش الرجل اللي بغيت صدق غدار وباغي ياخد لي حقي وباغي يقتلني من لفوق اهئ اهئ
تجمعات دغيا ومشات هزات الوصية وشافتها وقراتها عرفاتها واش هي بالخاتم المطبوع عليها .. الخاتم داه معاه بقات غير الوصية ..دابا هو غايتتوج شنو غادي دير
خصها تمنعهوم ولكن كيفاش غادي تدخل لقاعة مليانة رجال .. خصها تتحدى راسها كيفاش لا ماتقدرش
هادشي اللي كانت كاتقول عود الريحان فراسها هي فالاخير مرا وداكشي اللي قالو كولو بصح
واش تسكت وتخليه يحكم وحقها ياخدوه وتسمح فيه
هي واميرة وماقدراتش تاخد حقها كمراة وشنو كايديرو دوك النسوة التانيين اللي ماهم لا اميرة لا سلطانة
كيفاش تاخد حقها الى كان الراجل اللي هو راجل بلاصت مايضمن ليها حقها خايدو ليها شكون غايدافع على المراة ..كيفاش كتوقع من سلطان خدا الحكم من مراة اللي هي ختو من شحمو ودمو ومعلم ولادو ياخدو حق المراة بلاصت مايعطيوه ليها كيفاش بغيتيه يحكم بالعدل بين المراة والراجل كيفاش بغاتو يعطي الحق لديك المرا .. الحل الوحيد هي اللي خصها تحكم
وبصح جدها مادارش داك القرار غير وهو عارف علاش غير وهو شاف جشع ولدو وظلمو وحكم بنتو وطيبتها ........
واخا مرا انا تغلبت على خويا وتغلبت على المير حتى انا بصفتي مرا نقدر نحارب ونوقف مع الرجال حيت كانبقا بنادم من لحم وعظم وعندي نفس العقل اللي عندهوم شنو كايميزهوم علينا .. تشجعات ومشات لجيهة قاعة التتويج وفتحتها بجهد كبيير
تسمعاات على ودنها هل من معارض ..
وماحسات حتى قالت انااااااا بجهدها كولو
كلشي تصدم من الرجال اللي فالقاعة والنسا اللي كايطلو من الفوق والجاريات اللي منهم مصدوم ومنهم اللي عرف باللي اليوما غاتعدم قبل غدا
شاف فيها السلطان بصدمة وغضب واما المير مادار حتى تعبير على وجهو
الشيخ: اشكاديري ابنتي واشدخل وحدة من الحريم بين الرجال .. هادشي راه حرام اللي كاديري
شافت فيه عود الريحان بغضب: شنووو اللي حرام انني رفعت صوتي ولا حيتاش انا مرا .. راني مرا وعندي صوت وعندي عقل وانا انسان بحالي بحالكم قبل منشوفو واش راجل ومرا
السلطان: الحرااااس شدوها ودوها لحبس من بعد ونشوفو حسابها
عود الريحان: هههههههههه شتك ولفتي الحكام ونسيتي راسك بللي راك خايدو غير بالغش وبالغدر شكوون نتااا حتى تحاسب لالاااااك عود الريحان بنت لاللللاك روح الندى بنت مولاك السلطان لقمااااان
كولشي شهق وتصدم
عود الريحان: زورتي الوصية وخديتي الحكام وحاولتي تقتل مي وختي وانا فلت ليك .. انا هي اللي خاصني نحكم بلاصت ولدك ومي هي اللي كان خاصها تحكم بلاصتك
الوزراء : شكاتقولي ابنتي اشهادالمنكر
عود الريحان: شنوو هو المنكر فكلامي عمركم شفتو المرا حاكمة بلاد انا نقوليكم ياااااشيييخ نتا اللي كاتسمي راسك  رجل دين فاش طلب سيدنا النبي سليمان باحضار العرش كما قال تعالى في سورة النمل :
قَالَ يَا أَيُّهَا الْمَلَأُ أَيُّكُمْ يَأْتِينِى بِعَرْشِهَا قَبْلَ أَنْ يَأْتُونِى مُسْلِمِينَ
مقالش عرشه قال عرشها وهنا قصد بيه عرش الملكة بلقيس
وهنا كانشوفو بلي القران وكلام الله مكان فيه حتى عنصرية حشى لله اتجاه المراة بخلافكم انتووو اللي كاتمثلو ريوسكم ماشي الدين الدييييين اعطى قيمة للمراة اللي شاركات فالحروب وكانو ملكات وشاوروهم فالحكم وحكمو بلدان نتوماااا مثلتو نفسكم وطمعكم ماشي حيت مابغيتوش تخلو مراة اولا مارضيتوش مراة تحكم بلادكم ماعندكم حتى حجة ووصية جدي كاتقول بللي الحكم قسري ماشي طوعي داكشي علااااش اللي مابغاش حكامي يخرج عليا من قصرييييي وبلاادي انااااا
هذا كلامي بصفتي ولية العهد
عطات الوصية للشيخ وشافها وقال كلامها صحيييح بشرىىىىى كلامها صحيح ياناس والله شاهد هاذي وصية السلطان لقمان وصية وصاني عليها وانا خذلتو ودخلت فمعصية الله وغطيت على الحقيقة ياربي تغفر لي ياربي تغفر لي
عود الريحان شافت فالمير بنظرة غريبة بحالا كاتقوليه مامسامحاكش وفنفس الوقت كاتقىليه سمحليا

كولشي تصدم ووالوزراء مكان عندهم حتى خيار اخر
غير انهم يقبلو
السلطان مارضاش وخرج غضبان من حداها
وقفاتو بصوت بارد وقالت: فيين كايسحاب ليك غادي
مازال ماسالينا اخالي
مشات بشوية عليها وهزات الخاتم ولبساتو فيديها بهدوء وكولشي كايشوف جرأتها ..كلسات على العرش
وقالت بهدوء : دابا وقدام الملا بدات محاكمتك
السلطان:كيفاااااااش كيفاش كاتجرئي وباش من حقق
عود الريحان تكات بهدوء وقالت : بحق انني ولية العهد
وان مكاينش سلطان مستقر حاليا فانا الوحيدة القادرة على محاكمة الافعال اللي درتي من تزوير الوصية الى الكذب ومحاولة القتل والتهديد
السلطان: باشمن دليل
عود الريحان: كاينين شهود .. شافت فالسلطانة اللي اشارت ليها بلا ..ولكن نقولو بلاش والتزوير الدليل امامك اللي هي الوصية الحقيقية شنو سبب لي خلاك دير هاكا من غير طمعك فالعرش وبلي راك ماراضيش تاخد ختك الحكام بلاصتك لانو هاد السببين ماكافيينش لتبرئتك
..................
كان المير حداها مصدوم شخصيتها تبدلات ودابا كاتحاول تغرق فباه قدامو عارفها غاتكون كارهاه وحتى هو كارها دابا ولكن واخا هكاك باقي مامتيقش بلي راه هادي اللي حداه هي حب حياتو باقي كايشوف ديك البنت الخوافة اللي كاتسمع كلامو وتقدر دير اي حاجة على قبلو فواحد اللحظة طاح على رجليه راكع ليها
كولشي شهقققق وتصدم كولشي ماصدقش بلي المير بقامتو وشهامتو ركع لمرا على رجليها
شافت فيه بملامح جامدة وناضت بهدوء وقالت تلغات المحاكمة والسلطان تعفى من جارئمو وغايكفر عليهم بحجة فالحرمين بالاضافة الى انه تم انتزاع لقب السلطان منو وغايتم تتوويج الامير معتصم سلطان فبلاصتو
بالنسبة ليا انا ..هزات يديها وشافو الخاتم ..السلطااانة عود الريحان ابنة السلطانة روح الندى ابنة السلطان لقمان وزوجة السلطان معتصم بالله بن الامير نعمان بن السلطان لقمان
كولشي شاف مصدوم من هاد الزربة وحتى المير ناض مصدوم ..كحزات حداه وهدرات فودنو .. غير على قبل هاد الولد اللي فكرشي وحيت انا سلطانة مانزضاش لراسي ولد الحرام حيت انا ماشي جارية كيما كان فراسك امولاي
مشات وخلاتو وشدها بديه
المير: كيفاش زعما درتي مزية بهادشي اللي درتي ..ماعندك ماتقادي حيت سمعتك توسخات
عود الريحان: علات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم
مشات وخلات فقبلو سهم من كلامها المسموم
عرفها باللي ماغادي ترحم حد وعرف باللي غاتبدا بيهم واحد واحد وماهدرااتش غير من الخوا الخاوي

دازو ياام وتزوجات بييه وخا القلوب كانو محابين ولكن داك الحب مشا وتغطى وجا فوقو واحد الكره والحقد
كان جناحها هو جناحو وفراشها هو فراشو تجمعو تحت سقف واحد ولكن القلوب تبدلات وولاو كايتفاداو يشوفو بعضياتهم .. القلوب بعادت والحنين كثر ولكن الكرامة ماخلات حد يتنازل .. الوحم داز عليها صعيب  وماكان اللي يفهمها .. حيت داك الشخص اللي جاها الوحم عليه كانت كاتكرهو وفنفس الوقت كاتبغيه .. كاتخليه حتى يخرج وتمشي تشم فحوايجو عارفة بلي كاتهين كرامتها ولكن مصبرة راسها بالوحم ولكن ماعرفاتش بلي راها كاترضي جزء من قلبها كان مغطي ومحجوب ......

انتهاء الفصل الاول من الرواية
غادي نرجعو بعد شهرين ففصل ثاني نكملو في احداثنا
ونتعرفو على شخصيات من عصر ثاني وحكاية ثانية ❤️