صباح يوم جديد... استيقظت بطلتنا الجميله من نومها...ادت فرضها ثم امسكت هاتفها واتصلت بصديقتها الوحيده...
وعد: الو صباح الورد ي لولو..
علياء بنعاس: صباح النور ي دودو عامله اي دلوقتي..
وعد: انا الحمدلله بخير اي انتي لسه نايمه قومي كدا عشان عندي ليكي خبر تحفه وخبر يزعل...
علياء وهي تقوم من سريرها: قولي الوحش الاول وبعدين الحلو عشان تحلي ف الاخر... خير يارب..
وعد بحزن: الوحش ان تقريبا كدا ادهم عرف الحقيقه واني مش بنت عمه....
علياء بشهقه: يخربيتك... عرف ازاي لالا مستحيل..
وعد: مش عارفه بقا ي علياء بس هو قالي انتي كدابه يبقا عرف..
علياء: ما يمكن قصده علي حاجه تانيه هو يعني لو عرف الحقيقه كان زمانك لسه ف القصر اكيد لا..
وعد: تفتكري...
علياء: اكيد قصده حاجه تانيه بس اي هي..
وعد: مش عارفه بصراحه ي علياء..
علياء: طيب اي الي حصل بنكم وبعدين قالك ي كدابه...
حكت وعد علياء الذي حدث...
علياء: انتي قولتيله دا تاريخ وفاه مامتك وهو شاف التاريخ وانتي بتكتبيه صح..
وعد: اه ليه...
علياء: ي غبيه تاريخ دا قديم اوي من يوم مانتي اتولدتي يعني بكلامك مامتك ماتت وهي بتولدك مثلا او بعد ولادتك بكام يوم وعمك قاله انها ماتت من قريب عشان كدا جابك تعيشي معاه صح...
وعد بفهم اخيرا: ينهاااار ملوش ملامح ايوه عشان كدا قالي انتي كدابه... يلهووي طب انا هعمل اي دلوقتي.. اي الحل... اكيد دلوقتي عمال يفكر دا تاريخ اي ولو عرف الحقيقه مش هيسامحني ابدا علي كدبتين مش واحده...
علياء: مش عارفه بصراحه بس لازم تبرري الي حصل دا ي وعد اتصرفي قولي اي حاجه...
وعد: مانا لو كدبت تاني وحصل حاجه عرف الحقيقه هيبقا الوضع اسوا انا تعبت والله من العذاب دا..
علياء: اهدي طيب والله كل حاجه هتكون كويسه س وعد انتي بس صلي وادعي ربنا...
وعد: ان شاء الله خير.
علياء: طب يلا قوليلي الخبر الحلو بقا..
وعد بحماس: تمام يلا مستعده...
علياء: يلا بقاااا هموت من الفضول...
وعد: انا قررت اغير لبسي كله واتحجب... 😂
هنا صرخت علياء علي الهاتف من الفرحه...
علياء: اعااااااااااااا بجد قولي والله لالا مش مصدقه اخيراااااااا
وعد بضحك: بس ي هبله بس وداني باظت خلااااص
علياء: بس اي دا انا هموت من الفرح لاالا مش مصدقه بجد وعد هتتحجب اخيرا وعن اقتناع...
وعد: اه تخيلي بقا بجد اقتنعت بكلامك ولما تيجي هقولك السبب يلا معاكي عشر دقايق تكوني جاهزه عشان هننزل نشتري لبس جديد بقا...
علياء: خمس دقايق وهبقا جاهزه..
وعد بضحك: اه عرفاهم الخمس دقايق بتوعك دول دا غير بلبس الكوتشي وانتي لسه ف السرير ي كدابه😂😂😂😂
علياء: طب هتشوفي يلا بقا وتحدي...
وعد بمزاح: ماشي هنشوف لو وصلت وانتي لسه مجهزتيش هتعذميني علي الغذا ف مطعم غالي كدا..
علياء: نعم ي اختي لا المرتب هيروح كدا انا لسه عندي حاجات كتيره وهشتري لبس معاكي...
وعد: عشان بس تعرفي انك بؤء علي الفاضي يلا اجهزي علي ما اجي... ، اه صح علياء هي النتيجه هتظهر امتي...
علياء: قالو يومين كدا وتطلع وانا هموت من الخوف ربنا يسترها بقا...
وعد: خير ان شاء الله.. يلا سلام...
ارتدت وعد ملابسها بنطال ابيض ضيق وبلوزه بينكي هادئه وكوتشي ابيض وعدلت شعرها ونزلت الي اسفل لتخبر ادهم بخروجها... وكان بتفكيرها ان يراها هكذا حتي يتفاجئ بها عندما تعود الي القصر باستايل جديد رائع..
أنت تقرأ
"وعدي انتٍ "للكاتبه Shahd Ayman
Romanceلكل منا حكايه مختلفه عن الاخر وبعضنا تتشابه حكايه مع الاخر ولكن بعض الاقدار تربطنا وتجمع بيننا دون ان نشعر تمر الايام ومع كل صباح جديد احداث جديده وحقائق جديده❤
