ကျန်းလီသည် မျက်လုံးများမှိတ်လိုက်သည်။ သူ့မျက်ဝန်းထောင့်မှ စီးကျလာသော မျက်ရည်စီးကြောင်းများဖြင့်အိပ်ရာခင်းသည် ရေစိုကွက်များဖြင့် စွန်းထင်းသွားသည်။
" အဖိုးတန်ယောင်ဆောင်မနေပါနဲ့"
ကျန်းလီသည် တစ်ဖက်လူ၏ စကားသံကိုကြားချင်စိတ်မရှိလှသည်ဖြစ်ရာ ခေါင်းကိုသာ အခြားတစ်ဖက်သို့ ဖြစ်နိုင်သမျှလှည့်ထားလိုက်သည်။
" ကောင်းပြီလေ။ မင်းဘယ်လောက်ထိ ခေါင်းမာနိုင်မလဲ ကြည့်ကြတာပေါ့"
နင်ရှီးယွမ် ကပြောလိုက်သည်။
အစောပိုင်းကာလတွေတုန်းက နင်ရှီးယွမ်ရဲ့ အနိုင်ကျင့်မှုတွေကို သူအစွမ်းကုန်ငြင်းဆန်ခဲ့သည်။ သို့သော် နင်ရှီးယွမ်က သူ၏ငြင်းဆန်မှုများကို တွေးထင်မထားနိုင်သော ဆိုးယုတ်မှုများဖြင့် သူ့ကိုအနိုင်ယူခဲ့သည်။
နောက်တော့ ကျန်းလီသည် သူ၏ငြင်းဆန်မှုများမှာ အသုံးမဝင်ကြောင်းသိလာခဲ့ပြီး နင်ရှီးယွမ်၏ အနိုင်ယူမှုများကိုခါးစည်းခံခဲ့ရသည်။
နင်ရှီးယွမ်သည် တံခါးခေါက်သံကြောင့် bathrobe ကို ဝတ်ဆင်လိုက်ပြီး တံခါးသွားဖွင့်လိုက်သည်။ နင်ရှီးယွမ်ပြန်လာချိန် လက်ထဲတွင် ယူဆောင်လာခဲ့သော ပစ္စည်းကိုတွေ့လိုက်ရချိန်တွင်တော့ ကျန်းလီတစ်ကိုယ်လုံး ကြောက်ရွံ့မှုကြောင့် တုန်ယင်လာခဲ့လေသည်။
........
ပြတင်းခန်းဆီးလိုက်ကာကြားမှ နေရောင်ခြည်အလင်းအခန်းထဲသို့ ဖြာကျလာချိန်တွင် ကျန်းလီ၏ မျက်လုံးတို့ဖြည်းညှင်းစွာပွင့်လာကြသည်။
မနေ့ညက နင်ရှီးယွမ်၏ ရယူထားမှုကြောင့် ခန္ဓာကိုယ်တစ်ခုလုံးသာမက အတွင်းပိုင်းများအထိပါနာကျင်မှုကိုခံစားလိုက်ရသည်။
ကျန်းလီသည် သူ၏ခန္ဓာကိုယ်တွင်းမှ ထူးဆန်းမှုကိုခံစားလိုက်ရသည်။ နင်ရှီးယွမ်က သူကိုယ်ထဲ ဆေးကျောက်စိမ်း ထည့်ထားခဲ့တာဖြစ်သည်။ ထိုသူက(နင်ရှီးယွမ်) သူ့ကို နာကျင်မှုတွေပေးပြီး သူ့အပေါ် ကရုစိုက်သယောင်ပြန်လည်ပြုမူလေ့ရှိသည်။ ကျန်းလီအတွက်မှာမူ နင်ရှီးယွမ်၏ ထိုအပြုအမူများက ပို၍သူ့ကို ပို၍အရှက်ရစေခဲ့သည်။
ကျန်းလီသည် စိတ်အားတင်းပြီး ထနိုင်ရန်ကြိုးစားလိုက်သည်။
လက်ရှိအချိန်မှာတော့ သူ မလွတ်မြောက်နိုင်သေးပါ။ သူ့အမေ၏ ကျန်းမာရေးမှာ ပို၍ဆိုးရွားလာခဲ့ပြီး နေ့စဉ်ခီမိုဆေးသွင်းခနှင့် အခြားသောဆေးရုံစရိတ်များမှာ သူ့လို ငွေကြေးချို့တဲ့သောကျောင်းသားတစ်ယောက်အဖို့ မတတ်နိုင်သော အခြေအနေတွင်ဖြစ်သည်။
ဒါ့အပြင် လက်ရှိအချိန်တွင်လည်းသူက ဆင်းရဲသောကျောင်းသားတစ်ယောက်ဖြစ်နေဆဲပင်။ သူ့အမေ၏ အကြီးမားဆုံးမျှော်လင့်ချက်မှာ သူဘွဲ့ရပညာ တတ်တစ်ယောက်ဖြစ်လာရန်ပင်ဖြစ်သည်။
ကျန်းလီသည် သူ၏ခန္ဓာကိုယ်တွင်းမှ အရာကိုဆွဲထုတ်ရန်ပြင်ဆင်ချိန် နင်ရှီးယွမ်ထံမှ ဖုန်းဝင်လာခဲ့သည်။ ကျန်းလီ ခဏတာ တုံ့ဆိုင်းပြီးမှ ဖုန်းလက်ခံလိုက်သည်။
ESTÁS LEYENDO
Attack and occupy
RomanceHello Ding Ding ပါနော်။ Ding ရဲ့ ပထမဆုံးဘာသာပြန်တာလေးမို့ လွဲချော်မှုရှိရင် နားလည်ပေးပါနော်။ လိုအပ်တာလေးတွေလည်းထောက်ပြပေးနိုင်ပါတယ်။ ဒါလေးက Chinese ကနေပြန်ထားတာမဟုတ်ဘဲ English ကနေပြန်ထားတာပါရှင်။ ခွင့်ပြုချက်တောင်းထားပေးမဲ့ reply တော့မရသေးပါဘူး။ တခြ...
