(Unicode)
" တီချယ် ပင်ပန်းနေပြီလား ။ နားချင်သေးလား "
" ရပါတယ် သမီးရယ် ။ လေယာဉ်ပေါ်မှာ သိပ်မစားခဲ့တော့ ဗိုက်ဆာနေပြီ ။ ညစာအရင်စားကြရအောင်လေ "
" ဟုတ်ပြီ တီချယ် "
မြတ် Booking တင်ထားသည့် စားသောက်ဆိုင်သို့ တန်းမောင်းလာခဲ့သည် ။
" Reservation for Amelie Clarkson "
" Right this way ma'am "
ခရီးအဝေးကြီးကလာရ၍ ခပ်နွမ်းနွမ်းဖြစ်နေသည့်တိုင် တီချယ်က လှနေသေးသည် ။ မြင်နေကျ ဝတ်စုံကို ဝတ်ထားတာမဟုတ်သောကြောင့်လည်းကောင်း ၊ တီချယ့် အလှကြောင့်လည်းကောင်း အတော်များများ၏ အာရုံစိုက်ခြင်းကို ခံလိုက်ရသည် ။
" ဘာမှာမလဲ မဒမ် "
" တီချယ် ဘာစားချင်လဲ "
မကြားဖူးသည့် ဘာသာစကားတစ်ခုကြောင့် Waitress ကောင်မလေး အနည်းငယ် အံ့ဩသွားသည် ။ မြတ်ကတော့ ရှိရှိသမျှ အာရုံတို့ကို တီချယ့်ဆီသာ ပို့ထားသည် ။
" တီချယ်က ခုမှရောက်ဖူးတာလေ ။ အဲတော့ မြတ်ပဲ စားကောင်းမယ်ထင်တာ ကြည့်မှာလိုက်ပါ ။ တီချယ်က အစားမရွေးဘူး "
မှန်ပါသည် ။ တီချယ်က အစားမရွေးပါ ။ တကယ်တမ်း အစားကြေးများတာက မြတ်ဖြစ်သည် ။
" Steak ၂ ပွဲရယ် Salad တစ်ပွဲရယ် ပေးပါ "
" သောက်စရာအတွက် ဘာများလိုချင်လဲ မဒမ် "
" အာ ... "
ဝိုင် ၊ ဘီယာ ၊ Tequila စတဲ့ alcohol တွေက မြတ်နှင့် ရင်းနှီးနေပြီဖြစ်သော်လည်း တီချယ်က ထိုအရာတွေ တစ်ခုမှ မသောက်ဖူးသည့်အပြင် မြတ်ကိုပါ မသောက်ခိုင်းသည်ကို မှတ်မိနေသည် ။
၁၀ တန်းဖြေပြီး သူငယ်ချင်းတွေနှင့် စုကာ ဝိုင်သောက်ကြစဉ်က တိုက်တိုက်ဆိုင်ဆိုင် တီချယ်ဖုန်းဆက်သည်နှင့်တိုးသွားသဖြင့် ဝိုင်တန်ခိုးဖြင့် အာလေးလျှာလေး ပြောနေသည့် မြတ် အဆူခံရဖူးသည် ။ မနက်မိုးလင်းတော့ တီချယ့်ကို ဘာတွေပြောခဲ့မိမှန်း မြတ် မမှတ်မိတော့ ။ တီချယ်ကတော့ ထိုကတည်းက မြတ်ဆီကနေ ဘယ်တော့မှ ထပ်မသောက်ပါဘူးဆိုသည့် ကတိတောင်းသွားသည် ။ မြတ် ကတိမတည်ခဲ့သည်မှာတော့ အသေအချာပင် ။
YOU ARE READING
Yesterday, Today, Forever
Romance{ Teacher × Student } " ဘယ်လောက်ပဲဝေးဝေး မြတ်နှလုံးသားထဲမှာ တီချယ်ရှိနေရင် မြတ်နဲ့တီချယ်က နီးနီးလေးပါပဲကွယ် " " ဘယ္ေလာက္ပဲေဝးေဝး ျမတ္ႏွလုံးသားထဲမွာ တီခ်ယ္ရွိေနရင္ ျမတ္နဲ႔တီခ်ယ္က နီးနီးေလးပါပဲကြယ္ " Unicode + ZawGyi
