ARora (سلسلة حراس القمر )ج1

البارت الثالث

«إكفينا شر المستخبي فـ النفوس والعقول ياالله»

____________________

كان يجلس طلعت وابنه حسام من زوجته الأولي حول المائده يتناولون ما أمامهم بنهم حتي قاطعهم دخول ارورا المنهجه بشده
وهي تغلق الباب بقوه من فعل الهواء لتسمع صراخه الحاد بسبها
"براحه ياجموسه مش هيجي ابوكي يصلحولي لما يتكسر"

زفرت اروره بخنق من حديثه اللاذع دائما مع خروج عمتها منال من المطبخ عندما علمت بوجودها
لتجيب عليه اروره ببسمة ساخره رغم الم قلبها من حديثه الكاره تجاها
"وانت طيب ياجوز عمتي"

أردف طلعت بكره وهو يعود لتناول الطعام
"اهو ده اللي انتي فالحه فيه، ردودك البرده شبهك"

لتهتف ارورا بنبره أكثر استفزاز:
"طلعت متقولش كده احنا اهل ياراجل"

هتفت عمتها بقلق
" اتأخرتي كده ليه يارورا .. ومكنتيش بتردي على موبايلك ليه"

"كنت فالقسم"

لتضرب منال صدرها بحركه شعبيه دليل على الخضه التي شعرت بها
"يالهووووي عملتي ايه، الحقني ياطلعت"

طلعت ساخراً:
"وانتي عايزها تدخل عليكي بايه غير مصيبه شبها"

ارورا بهدوء لعمتها
"انا هدخل استريح شويه لاني فصلت خالص"

"طيب مش هتاكلي يابنتي ده انتي طالعه من الصبح"

"لا مليش نفس، عن اذنكم"

طلعت بهمس كاره
" نوم الظالم عباده ياختي"

منال بحزن وهمس لزوجها
" في ايه ياطلعت، مش كده يااخي، انت مش شايف البنت عامله ازاي، براحه عليها"

ترك الطعام من يداه بعصبيه:
" لا مش شايف، وبعدين فين اخوكي من كل ده، رميها عندنا ليـه، ...... ٢٣سنه وانا مستحمل وساكت وده بس عشان هو اللي بيصرف عليها، .. لكن لحد كده وكفايه يامنال، مش هو يخلف واحنا نربي مش قد الخلفه بيخلفو ليه، ...... اسمعي يابت الناس انتي تكلمي المحروس اخوكي وتقوليلو لأمه ياخدها عنده، أو نرمهالو فالشارع، هي كبرت كفايه أنها تاخد بالها من نفسها، فاهماني يامنال"

لتذهب ارورا من خلف باب غرفتها بابتسامه أقسمت أن لا تختفي من وجهها يوماً
وهي تواسي نفسها قائله:
"مش هيتغير الراجل ده، بيحبني اعمل ايه"

_____________________

صباح يوم جديد

كان يتسلل لغرفتها وهو يغلق الباب خلفه بحذر شديد حتي لا يسمع أحد من بالمنزل أو تستيقظ هذه الجميله النائم كما يحب أن يطلق عليها