طغيان للكاتبة/شهد السيد"مُكتملة"

البارت الثاني عشر.

البارت الثاني عشر_ الجزء الثاني "_طغيان_"«سلسلة عشق الرجال».

وتحت مقولة أختر لقلبك ما يليق به أخترتك .

همت بإغلاق باب الغرفة خلفها لتبديل ملابس السباحه المبتلة لكنها تفاجئت بالباب يفتح بعنـ.ـف بواسطة جودى واغلقته خلفها تقبض على خصلات شعر شمس تحادثها بشراسة:
_قسمًا بالله لو شوفتك مقربة ناحيته تانى لكون مورمالك وشك اللى عماله تلطخى فيه أحمر وأصفر ده، الشويتين دول مش عليا يابت سامعة ولا لأ.

رفعت شمس يديها تحاول تخليص خصلات شعرها من يد جودى تجـ.ـرح يديها بعنـ.ـف بأظافرها تدفعها عنها تصيح غاضبة:
_انتِ هبلة يابت ما انتِ لو ماليه عينه مكنش بصلى ياحبيبتي.

ومن هى لتصمت.؟
إندفعت نحوها تقبض على خصلات شعرها بعنـ.ـف وشراسة تدفعها لتستلقى فوق الفراش وجودى تعتليها تضع يدي شمس أسفل ركبتيها حتى لا تقاومها تقبض فوك فكها بأغتياظ:
_بت انتِ شغل الحرابيق ده مياكلش معايا أنا واثقه فيه أوي لمى نفسك بقى مش شوية عمو جاسر وشوية زياد ده شكل أمك موصياكِ ترجعى بعريس، غورى جتك القرف.

تركتها بإزدراء وغادرت الغرفة تنظر ليديها المجروحة تسب شمس بصوت منخفض حتى وجدته أمامها يمسك بيدها يتفحصها يتسأل:
_من اى ده.

زفرت بضيق شديد تشيح بنظرها عنه:
_بنت المبقعة اللى فوق دى، نارى مهديتش غير ما ضر..بتها.

توسعت أعينه قليلًا بعدم تصديق يضحك رغمًا عنه يقبل قمة رأسها يجيبها بفخر:
_تربيتي.

ضحكت تدفعه بعيدًا تجيبه بجدية مصتنعة:
_حافظ المسافات بينا.

إقترب منها بمشاكسة يغمز بيساره يدغدغها بجانب معدتها:
_روح قلب بابا الشرس ده.

جعدت وجهها تجيبه باشمئزاز مصتنع:
_بابا مين ما تبطل محن عصافير.!

دفعها للأمام ببعض القوة يجيبها بنفاذ صبر:
_غورى من وشي يابت ابقى أبن كلب لو عاملتك كده تانى انتِ مبتمشيش غير بشد الشعر، غورى غيري هدومك يلا..يــــــــــلا.

صرخ غاضبًا مصتنع لتركض للأعلي سريعًا، غلغل يده بخصلات شعره المبتلة يعيدها للخلف يحادث نفسه وهو يتقدم نحو المرحاض:
_الرجولة مواقف برضو.

_________________________________________

همت بإغلاق الحقيبة أستعداد للعودة لكنها وجدت هاتفها يصدح بمكالمة صوتية واردة من إحدى مواقع التواصل الاجتماعي، أجابت تلقى التحيه ليأتيها صوت فتاة رقيق تعرف عن نفسها:
_أنا روميساء صاحبت شمس.

-اهلًا ياحبيبتي...
قاطعتها الفتاة سريعًا قبل ان تكمل حديثها:
_لو شمس جمبك ياريت متوضحيش أنا مين أنا متصلة اقول لحضرتك حاجه من باب التحذير واقفل.

عقدت سارة حاجبيها تنظر حولها قبل أن تجيبها بهدوء:
_شمس بتاخد شاور، فى حاجه.؟

شعرت بتردد الفتاة قبل ان تجيبها بأرتباك:
_شمس معجبة بـ أنكل جاسر جوز حضرتك وبتحاول انها تلفت نظره ناحيتها، أنا والله حذرتها كتير بس هى مش مقتنعه بكلامي وعملتلي بلوك، أنا كل غرضى أنصحك عشان ميحصلش مشاكل حضرتك فى غنى عنها.