တရုတ်ပြည်ရဲ့ စတား ဟာအိုက ယောကျာ်းလေးအချစ်ဇာတ်လမ်းတွဲကို ရိုက်မယ်ဆိုတဲ့ ကောလဟာလသတင်းကို တောင်မလွှင့်ထားသေးပဲ ဇာတ်လမ်းရိုက်ခါနီးကျမှ ဗြုန်းစား ကြေညာမယ်လို့ နှစ်ဖက် ကုမ္ပဏီက သဘောတူထားသည်။
အရင်ဆုံး သရုပ်ဆောင်မယ့်မင်းသားနှစ်ယောက်လုံးက workshopကို ငှါးထားတဲ့ ကွန်ဒိုမှာလုပ်ရမှာ။
ဟာအို့ရဲ့ ပါတနာကလဲ ကိုးရီးယားမှာ လူကြိုက်များတဲ့ ပျိုတိုင်းကြိုက်နှင်းဆီခိုင် ဂွန်းနုဆိုတဲ့ သတင်းပါ ထွက်ကြည့်ပါလား ရှယ်ယာတွေ တက်ကုန်လို့ ကျပါလို့ပြောရင်တောင် ကျမှာမဟုတ်ဘူး။
ပရိတ်သတ်တွေကို အံ့ဩအောင်လုပ်တယ်ဆိုလဲ မမှားပါ။
ကွန်ဒိုမှာ ဟာအိုကတော့ ဂွန်းနုနဲ့ တစ်ရင်းတစ်နှီးနေဖို့ကြိုးစားရမည်ဆိုတာကြောင့် ၊ပြီးတော့ ကိုယ့်ညီလေးတစ်ယောက်လို သဘောထားပြီး သင်ပြပေးဖို့ လိုတယ် ဆိုတာကို တေးထားသည်။
ဒီတစ်လအတွင်း ရင်းနှီးဖို့ကောင်းပါရဲ့။
ဂွန်းနုအကြောင်းပြောနေရင်း တစ်ဖြတ် မန်နေဂျာရှန်ချွမ်းရွေ့အကြောင်း အတင်းတုတ်ရမယ်ဆိုရင် သူဌေးသားမန်နေဂျာက လူတွေအများကြီးနဲ့ အတူမနေနိုင်ဘူးတဲ့။
ကွန်ဒိုထဲမှာ ဟာအိုရယ်၊ချွမ်းရွေ့ရယ်၊ ဂွန်းနု ..ပြီးတော့ သူ့မန်နေဂျာ ထယ်ရယ်ဆိုတဲ့ ကောင်လေး စုစုပေါင်း လေးယောက်တည်းနေမှာကို ...။ အဲ့တော့ ချွမ်းရွေ့က ဘေးအခန်းမှာ သီးသန့်တစ်ယောက်တည်းငှါးနေလိုက်သည်။
အိပ်တဲ့အချိန်ရယ် ရေချိုးတဲ့ အချိန်လွဲရင် ကျန်တဲ့အချိန် ဟာအိုတို့ အခန်းမှာ လာနေမည်ဟုဆိုတာကြောင့်။
ကိုကြီးကျယ်လေးက ဘာလို့မန်နေဂျာလုပ်သလဲဆိုရင် သူဌေးသားပေမဲ့ ဝါသနာပါလို့တဲ့လေ။
ဒါတွေထားပါတော့..ဒီနေ့ workshop ပထမဆုံးစမယ့်နေ့ဖြစ်တာကြောင့် အခြားဇာတ်လမ်းရိုက်ကူးတုန်းကထက်တောင် အဆမတန်စိတ်လှုပ်ရှားနေမိတာဟာ တစ်ခါမှ မရိုက်ဖူးတဲ့ ဇာတ်လမ်းတွဲကြောင့် ဖြစ်ပါလိမ့်မယ်။
