ثلاثيـني ..
الاولـه 🔥
..........................
_____________________________
( المعنى طبيعي او الوصف او المصطلح طبيعــي الي لائق في اوقات شتاء هوا راحه .. زي كُل مره في كُل رواية نحاول نوصف كُل حوش وكُل عيله وكُل العلاقات .. بس مش عارفه .. انى شايفه انه روايتي هذي مختلفه نحكي ع بعض العقول في ثلاثين وبعض الاخر شن يعني ثلاثين في الحب .. ممكن تكون علاقات مختلفه وبعيده كل البعد ع بعض .. بس نبي نوصف بعض الحاجات الي مضمونها مش زي شكلها الخـــارجي .. يارب تعجبكم ♥️ ...)
,,,,,,,,,,,,,,,,,,
( فــي شقة صغيرة .. تحديــدا جنب الباب )
نور :: وامتـى ناويه تمشي ؟!
تغريد :: هذا الي انى جاياتك ع خاطره .. نور ماعنديـش غيركـ نبيكـ انتي ترفعيني .. مانبيـش نبيل يسمع .
نور :: ( تتنفخ ) اوووف .. طالمـا انتي عايشه في رُعب هذا معـاه ماه من الاوـل رفضتيه وريحتــيني ..
تغريد :: مش رُعب ولا حـاجة والله .. انى بس مانبيشي يضايق انتي عارفه انه بالسيف مشي معاي . ولو نقوله توا برا معاي تاني يضايق .
نور :: تمام اووكـ ,,
______________________________
( في عمـارة صغيرة عبارة على 4 دوار .. أول دور هوا شقـة كبيرة فيها عجوز كبيرة في العمر أسمها مُهيبه .. تاني دور شقـة ع ليمين هيا شقة مفيده الي عاشت طول عمرـها هيا وبناتها زوز و راجلها فيها وتصون في عزوزتها مُهيبه وتحبهـا .. في نفس دور شقه لي ع ليسار هيا شقة نجـاة الي خُسرت راجلها في ثورة وعاشت مع عيلتها ومرت خوها مفيده وامها مهيبه هيا و زوز ولاد و بنتين♥️ ... )
مفيـدة :: الاء .. راجلك برا ياماما
الاء :: ( طلعت من دار ) اي هي طالعه .. انتم خلاص صبح نجي نلقاكم واتيين
ملاكـ :: اي تمام
سارة :: مش تعطلي .. عندنا قرايه مانبيش نفوتوها ..
الاء :: ياسوس انتي .. حااضر مش ح نعطل ...للليث يالله ماما
ليث :: والله انتم ديما هككي تسوفوني بديت نستييح دولولي هيا 😒
ملاكـ :: ( شبحت لي سارة ) شن يدير ولد اختك ؟
سارة :: يستريح😂 هههههههه.. يالله حبيبي غدوا تو نطلعو مع بعض
( نزلو وصلوها وركبت ملاك وخشت سارة لي حناها )
...
سارة :: حنينه ..
مهيبة :: تعالي انى ف الكوجينه بنتي
سارة :: شن اديري ! .. ( باستــها على راسها )
مهيبة :: عشاي يابنيتي شن بندير ..
سارة :: ( خدت منها كيسة لمكرونه تربط فيها ) الله يهديك ياحنينه ديما نقولك تعشي معانا .. اهو عميمة نجاة مدايره طبيخة بطاطه تحبيها ولا
مهيبة :: والله ماعندي نية ليها .. جت نية ف مكيرينه ..
سارة :: ارتاحي تو نكملها عليك ..
فراس :: ( طق ع لباب ) في حد براااني ؟!
سارة :: لا فيرو خش
فراس :: او سريوه .. خييييير حناي ( وباسها ع راسها )
مهيبه :: خير ياباهي .. وين الغيبه ليلتين بايت برا
سارة :: ( تضحك )
فراس :: باه هاذي حاجة كويسه ولا لا ( جبد كرسي وقعمز جنب حناه ) عادي حناي باهي الي نروح انى .. في الي يبات برا بسنتين
سارة :: وانت ماخاطركش عاد ههههههه😂
فراس :: بكـل ههههه😂 ... حق حناي خطم عليك يزن ؟
سارة :: ( تلفتت القدام ) 💔
مهيبة :: لا ياوليدي .. هذاكا وين نري فيه انى .. ف العيد بس يتفكرني
فراس :: لا خلاص اهو تفاهم معاه عمي جمال وبيولي .. لين تملي منا
سارة :: ( لين ايدها بدت ترعش وحطت الكاشيك 💔)
مهيبة :: قول والله ؟
فراس :: ( ركز ع سارة توترت ) والله
سارة :: حنينه .. ان اننى بنركب تو نجيك ( وطلعت ) 💔
فراس :: ( شبحلها لين طلعت بعدين تلفت يكلم في حناه )
_____________________________________
