( امس من صيـام تعبت شوية وماقـدرتش انزلها بكري وبعدين ضي هرب وماجـاش للفجر من تعب رقدت ، يالله لو في تفاعـل حلو انزل وحده تانيه اضافيه 🕊💓 )
—-
ثلاثيـني
ثلاثة عشر 🔥
_______________________
( غُرفـة تغريـد )
تغريـد :: انى مانبيـش نعرف شي الا حاجـة وحده .. علاش كنت تعرف وماقلتليـش .؟ شن الي منعكـ تحكيلي وانى اصلا كنت نشوف فيكـ اكتر من مره في العمـارة ؟
فـراس :: انتي شايفـة انه المـوضوع سـاهل عادي!؟ .. نجي نقولكـ بتصدقيني ؟ ..
تغريـد :: ( سكـتت قعدت تشبحـله )
فراس :: خلينــا واقعيـن شويـة تغريد .. وخلينا نراجعو المـوضوع من الاول .. انى لما حبيتكـ وخطبتكـ كانت نيتي تكوني مرتي وحلالـي وحتى ماحاولتـش لا نكلمكـ ولا نقولكـ اي حاجة لين تصيـر حاجة رسميـة .. وماكـنتش نعرف انكـ على علاقـة بي نبيـل ولا كنت نحسـاب انكـ تعرفيـه اصلا .. لما بعتت امـي . لما خشت حوشكـم وناويكـ .. انى كنت واقف برا ونراجـي فــي رد زي المهبـول نلف يمين ويسـار وخايـف .. لما طلعت وركبـت سيـارة وقالتلي انكـ وافقتـي .. ماستغربتش بالعكـس فرحت وهـذي غلطي . المفروض استغربت وقلت شن الي يخليـها توافق عليا طول ماخدتـش حتى وقت تفكـر فيه .. ومع هذا نحيــت كل شي من رأسـي والفرحـة ماكـانتش سايعتني .. وبديت نرتب في شقـة وكلمتك اول مره ع تلفـون .. انى كنت معاكـ صريــح وماعمـري لا كذبـت ولا دسيـت عليكـ حاجـة .. مشت الايــام وقعدنا مخطوبيــن سنـــة . سنـة كاملة كنت خايـــف عليكـ من كُل حاجة وبذات بعد موضــوع عزو وصور . وهنا نقطــة . لما خشيت حوشكــم وحكيت لي بوكـ وسليمان . تتفكري شن قالولــي .. قالولي بنتنا شريفة والي انت تقول فيه تهمـة باطله وخلاص . حاولت نوضح انه انى مش جاي باش ندينكـ انتي ولا كانت عندي شكـ اصلا انكـ مش شريفـة بالعكــس . كنت جاي نوضح نيــة صاحب خوكـ الكلب بس .. صارت قصة وع اساس تحلت وروحت وليل ماجــانيش فيه نوم . أتصلت بيك مره وأثنين وثالثه . وقلت اكيد قالولــها شي غلط باش ماتردش .. بس انتي كنتي في وقتها حليتــي مشكلة الي بينكـ وبين نبيــل . الي خلاتكـ توافقي عليــا .. صح ؟!
تغريـد :: ( دمـوعها ينزلـو وساكــته 💔)
فراس :: انتي ماصدقتيـش بوكـ لما قالكـ فراس دوي عليكـ .. لما بعتي امكـ ثاني يوم بالدبـله وفسختي انتي مش مصدقه بوك . لا .. انتي كنتــي أدوري فيـها في سمـاء لقيـتها في لوطـا .. بعد أسبوع بس سمعت بيكـ انخطبـتي لي نبيـل . ونور حكتلي انكـ اصلا تحبي نبيـل وتبيــه وموافقتكـ عليا كنتي تبي تقهري نبيل بس ..
وتوا جـايه تسألي فيا علاش ماقلتليـش ؟ .. تغريد بتصدقيني لو قتلكـ راجلك الي تحبيـه ماضيـه اسود ؟
تغريـد :: ( كانت تاخد في نفسـها بصعوبــة💔 )
فـراس :: وبعدين ماكـانش همي تصدقي او لا .. انى كــان همي لو نقولكـ وتقوليله .. شن ممكن يدير فيكـ . شوفتي شن دار ؟ شوفتي كيف خطفكـ وبتجار بيكـ مع عزو عادي ولا همه الموضوع ..
تغريـد :: ( تبـصت رأسها وتبكي ) اا انى مم معقولـة حقيرة لي درجـة هاذي ؟؟
فراس :: لا انـتي مش حقيرة .. انتــي كنتي انانيــة كان همكـ نفسكـ . لي درجة مافكرتيش فيا انى شن صار معاي مشيتي تزوجتي وبعتي كرت تعزمي وعادي .. عندكـ علم حضرت فاتحتكـ ؟؟ نحضر فيها ونسمع في اسمكـ وكنت نتخايل في روحي انى لعريـس واخيي ع الوقت الي خلانـي نحضر عرس البنت الي نحبها والي كنت خاطبها ..
تغريـد :: ( تنفست بالقوة ) بالله عليكـ خـلاص والله ماعاد قادره نتحمل حاجة ... علاش بعد كل شي درته معاكـ قاعد جنبي .. خليني بالله عليكـ انى كل مانشوفكـ تكلم فيا عادي وكل مانحتاجك معاي نحس في روحي اخخخي هلبا ..
فراس :: (ابتســامة هزوة ) ياريت .. والله ياريت نقدر نخليكـ ياريت نقدر نفوتكـ وننساكـ . ياريت نقدر نعيش من غير مايجي لحظة ونفكـر فيها فيكـ . .ياريته قلبـي معاش يتوجع عليك ياريتني معاش نخاف عليك ولا تهميني في يوم .. راه مش هذا حالي
تغريد :: ( حطت ايديها ع وجهه وتبكي )
فراس :: ( سكـــت شوية ) انى اسف . انى الي وصلتكـ للموضوع هذا مفــروض من الاول حكيتلكـ ,, سامحيني
تغريـد :: ( زادت تبكـــي وحاطـه ايديها ع وجهه )
فـراس :: ( مسح بأيده ع وجهه وطلع من دار ونزل من المستشفــى )
( الأســف .. عارفين شن يعني كلمة أسف . او سامحنـي . او ماكانـش قصدي . سـوري . ماخديتــش بالي . ماركزــتش ..
عــلاش في نـاس هلبا يشوفو في كلمــة أسف مصطلح من المصطلحـات الصعبــة . صعبـة في نطق وفي القــول . علاش ديمـا نحطـو في تبرير للاسف ونقولو مش هذا شخص الي يتسـاهل نتأسفـو منه . او يستاهل الي داره مايستحـقش الاعتــذار ؟
ياجمـــاعه علاش شايفيــن انه ساهل هلبا نوجعــوهم الي في حيــاتنا وصعب نتأسفو منهم ..
علاش في نــاس عايشيــن يدوســو على اي حاجة قدامــهم وكأنه مافيش غيـرهم يستـاهلو يعيـشو فيها دنيا هاذي ..
فـراس ماكـانش صعب عليه انه يتأسف بـرغم من أنه مش غالط .. بس تأسف لانه حس انه يبي يتأسف كـان حاسس بي وجـع تغريـد وشاف دموعهـا .. فـراس ماتعبـش وهوا يقول فيها . ولا زعـل لما قالها .. بالعكــس قالـها وهوا كان يبي يقـولها فعلا ..
بس تغـريد ؟ .. تغـريد برغم من الاخطـاء لكبيــرة الي سببتها لي اكتر من شخص ماتأسفتش ... وفعــلا .. كلام نبيـل صح حتى لو لي مره وحده ..
هيا غلطـة لما حسســاته لي لحظه انه عاجز . ماكــانش ليها الحق تقوله كذبة كبيرة وبعدين تقوله انت الي ماتجيـبش في صغار . ماتقولش انها تبي تعاقبــه لا .. هيا مني باش تعاقب ؟ احنى مش في غابة احنى في ارض وحده تحت سماء وحـده لينـا ربّ واحد ياجمـاعه .. هوا يعاقب وهوا ياخد الحـق مش انتم .. لهذا من حقه يطلب منها تتأسف ..
نجــاة أم.. ام تحس وتحب .. الله اعلـم على كم ليلـة عاشت فيها متعذــبة على ولدها الي كان يروحلها بعد الفجــر ودخان مايفارقــش فمه . كان تشوف في فراس ديما سارح ديما ساكت ديما حزين ومضــايق .. تعبت وتعذبت .. ممكن ماضايقتــش من تغريد بس لانها بنت خوهــا وحبتها في يوم من الايام .. لانها ام .. ومن حقهــا انه تغريد تتأسف منها ..
نور .. نور أخت والاخت لكبيــرة بحنيــة الام وخوفها . نور حبها لكبيـر على خواتها أكبـر من حبها لي نفسـها .. كانت كل ليلة تتصل بي فراس ويزن باش تطمن بس انهم روحو ورقدو ومرتاحين .. تعبت زي تعب فراس ممكن اكتر . لما تشوف تغريد مروحه مع راجلها وفرحانه وتتفكر خوهاا الي مايرقدش الليل . كانت مطره تضحك في وجه تغريد وتوقف جنبها لانها صاحبتها . باه وخوها الي كانت واقفه بين نارين ومتحمله . مش من حقها تتأسفـي منها ؟
العيــلة .. العيـلة الي جتهم قاضيــه زواجكـ بعد أسبوع واحد من فسخ خطوبتكـ بفراس .. مش من حقها تحطيلها تبرير وتتأسفي ؟
الوقت الي خداته تغريـد شايفه لي نفسها وبس ومكملــه . هيا كانت تحرق في قلب حبـها بجديات . حبــها لي درجة الموت ويمكن اكتر . وهذا الي مخلــي فراس وسـارة أصحـاب . فاهمين بعض وحبهم شبه بعض .. فـراس كان مستعد يكون جنب تغريـد في اي لحظه المهم ماتحسـش انها بروحـها ..
وتوا . بعد كل الي درتيـه في فراس . مش شايفه انه المفروض انتي الي تتأســفي مش هـوا ؟! ...
