ثلاثيـني
تـسعة عشــر 🔥
_____________________
( يــوم جـديد )
..
( المـركز )
توفيـق :: نحسـابه حكـالكـ .. معاش تلاقيتو ولا شن ؟
يزن :: لا امـس متغـدي عندنـا .. لا كان ماجـابليش سيـره .. وامتى جابوها ؟
توفيـق :: مزال ماجابوهاش .. دوريـة صبح طلعت ومشولها لي توا ماروحوش ..
يزن :: ( جبد الكـرسي وقعمز ) ربك يستـر ...
صهيب :: متجمــعين عند نبـي .. ( شبح لي يزن ) شن في ؟!
يزن :: انت مشيت لي عم نسـرين ؟
صهيب :: تقريبا . .علاش ؟
يزن :: مشيت ولا تقريبا ؟ ...
صهيب :: مشيت .. شن في خيرك ؟
يزن :: جي سحب ضمان .. وسلم ملف يخص نسرين ويدينها ف لقضيـة ..
صهيب :: باه حلو .. ( شبح لي توفيق ) شدوها ؟
توفيق :: لي توا مافيـش اخبار ..
يزن :: وقفـله .. علاش ماحكيتليش ؟
صهيب :: عادي الموضوع مش ح يهمك لي درجة انه نقولك .. يعني شي وشغلكـ بالكـ وانى نهيته .. شن تبي تعرف ؟
يزن :: ( تنهـد )
توفيق :: ( شبح لي باب المركز ومشـي ) اهم جو ...
(يزن وصهيب مشو وراه )
ضابط :: مافيـش ولا واحد في العنوان الي عطيتهولنا ..
توفيق :: كيف .. هذا حوشهم يعني عمها قاله واصلا احنى نعرفوه من قبل
ضابط2 :: الجيران قالو انهم سيبو الحوش من يومين .. والله اعلم وين مشو . من راي أستدعي عمها شكله يلعب
صهيب :: (شبح لي يزن ) من راي انت شوف العويله وخلي سارة ماتطلعش من الحوش .. مش مطمن للموضوع
يزن :: ( شبح لي صهيب بعدين شبح لي توفيق ) انت استدعي عمها . وماترجعش دورية الا وهوا معاهم .. وانت تعالى معاي
توفيق :: تم .. ( ومشي للمكتب ) منووورين شباب
....................................................
(شقـة مُهيبـــة )
تغريـد :: ( خشت لي صاله ومشت قعمزة جنب عمتها ) .. عمي جمال كان يكلم فيا توا ..
مُفيدة :: ااي شن صار ؟
تغريد :: (مبتســمة ) بابا وافق لكن شرط انه نروح للحوش لين يتـم العرس .. وقال اليوم بيجي بيروح بيا
نجاة :: لولولولولولولولولي يالله الف نهار مبروك .. ( تبوس فيها ) ربي يتمملكم ع خير ويفرحني بيكم ياارب العالمين ..
ليلى :: ( راقدة و متغطيــة شبحتلــها بوجهه شاحب وتاعب و مبتسـمة ) الف مبروكـ تغريد ربي يكمل فرحتك على خير يارب
تغريد :: العقبه لي فرحتي بيك وبي شفاكـ يارب ..
مُهيبه :: تعالي هنا يافرخه ..
تغريد :: ( مشت جنبها ) نعم حنينه
مُهيبه :: بوك قال باهي ؟؟
تغريد :: ههه اي ..
مُهيبه :: خديتيه خديتيه ياااداهيه
العيله :: هههههههههههههههههـ
نجاة :: والله الي ماعند ام زي امي الا فاته نص عمره ههههههـ
مُفيدة :: هههههـ ..
تغريد :: ( متحشم وتضحك وهيا ساكته )
ملاكـ :: ( تنـزل فيها سارة بشوية وخطواتها بطيئة )
سارة :: سلام عليكم .. ( وخشت )
العيلـة :: وعليكم سلام
ملاكـ :: ( خشت قعمزت ع سرير جنب حناها ) سرو حطيلي تلفوني في شحن
سارة :: حاضر ياروحي ...
نجاة :: شن ماما اليوم تحسي في روحكـ احسن ؟
ملاكـ :: اي الحمد لله ..
مُفيدة :: معاش بتمشي للعلاج ؟
ملاكـ :: لا بنمشو بعد شوية . تجي نور قبل ...
سارة :: ( كيف خشت لي دار وسمعت الباب ) تو نفتح ...
_______________
