ثـلاثيني
الخمسـة عشر 🔥
______________________
.
أخ ليـلى :: ( حطـ صفرة . وقعمـز ع صـالون ) تفضـلو ..
صهيب :: ( كان يشبحـله من فوق للـوطا كان منظره مُريب شويـة ..
في نـاس انى نحتـرم أختيـارهم لي قيافـة معينه يعني زي سوريـة طويله لي غايـة كعب القدم من تحت . ولحيــة طولـها مش هلبـا ومش قصـيرة بحيث تعطي منظر لائق . ورائحة المسـكـ فيهم . من غير نظافـة الي تكون واضحه عليهم ونقولو عليهم شكلهم من سُنـه ...
بس أخ ليلى ماكـانش هكي كان لابـس اشياء على اساس انه متجه للسُنة . من ناس الـي يقولكـ قال الله وقال رسول صلى الله عليه وسلم وهوا ماليـشي سنة متعرف على القبـله .. يعني الي يفتي ويحرم ويحلل على كيفه وهوا اصلا من يومين بس فاتح مصحف ومش عارف من وين يبداء .
ياعـالم اتقو الله . انتم تحاسبو بالمنظر والهيـئة تُحسب ع سُنة . يعني لو شـاب لابس جينز وسورية ولحيـة خفيفه هذا كافر ؟ ماهوا مرات شاب هـذا مُتجــه لي دين اكتر منك يصلي كل صلاة في وقتها .. في جامع ومايفوتـش في قراءة القرآن . مُتفيد بي دينـه بالروح والقلب ومحبـة ولسان . وفعلا في ناس والله يلبـسو في سواري ومتقيد باللبس سُني زي ماسمه مجتمعنا . بس لبسهم صح يعني سورية مش طويله تكركر ولا قصيرة زي قفطان سهرة زي بعض ناس مدايرينها .. لابسـين سورية ولحية طويلة ويصلو ويقرو في القرآن وكافي خيره شره .
أم اخ ليلى ف كان لابس سورية قصيرة تحت ركبة بشوية ولحيـة تقريبا ح توصل لي طول سورية . وشاد سواكـ وفاهم معناه غلط ومنظره غير لائق نهائي انه ينقال عليه سُنه اصلا . بس اهو ناس تخاف مني وتحترمني هذا شعاره وشعار الي زيه .. )
يزن :: ( حط فنـجان القهوه وشبح لي صهيب الي سارح في خوها ) عموما . احني جاين ناوين الخيـر والـي بنتكلمو فيه بأذن الله ح يرضـي طرفين
أخ ليلى :: ان شاء الله خير ..
يزن :: ( شبح لي صهيب ويرجع يشبح لي خوها ) احني جاين بنتكلمو بخصوص اختك...
أخ ليلى :: نعم ؟ انى ماعنديـش اخت اصلا
صهيب :: لا عندكـ ( قالها وهوا قايم حواجبه ) عندكـ اخت شن ماعندكـش
أخ ليلى :: شن يااخ صهيب بتعرف اكتر مني ..
صهيب :: لا يااخ العرب مش قصة نعرف اكتر منك .. قصة انه في اخت وانت متبري منها هكي ناس تدوي ..
يزن :: ( يشبح لي صهيب كيف يتكلم وشاد ضحكته )
اخ ليلى :: لا انتم شكلكم جيتو للعنوان الغلط . انى اصلا ماعنديش اخت باش نتبرى منها
يزن :: وليلى من تكون ؟
اخ ليلى :: (تغيرت ملامحه ) هذا وحده ماتشرفناش تك(قص عليه صهيب )
صهيب :: ( طلع سلاحه حطه ع طاوله وشبح لي خوها ) كمل كمل غير ضايقني قلت نهويه ...
أخ ليلى :: ( شبح لي سلاح وبلع ريقه ) الي جايين تتكلمو فيه شن هوا بضبط ؟؟ شن دارت تاني
صهيب :: ايوه هكي لكلام ينفهم .. ع الاقل اعترفت انها اختك .
اخ ليلى :: نسمع فيكم تفضلو ..
يزن :: اختك عندنا . ومريـضه ومش مرض عادي . الي صار انه اختك انظلمت وظلم واعر . يعني الي قالولك عليه من سنين ع اختك ولزيتها وكنت ناوي تقتلها اختك مادارتش . اختك تعرضت للاغتصاب ومن قهرتها وصدمتها بيكم مرضت وهيا توا بادية في علاجها .. مش ح تقعد هنا هلبا ح تسافر لي تركيا الاسبوع جاي .. واحني جايين وناوين الخير
اخ ليلى :: ( يشبحلهم ) كيف يعني ناوين الخير ..
صهيب :: ( قام حاجبه ) هذا الي انت ركزت فيه بس .. كيف ناوين الخير ؟
يزن :: ( خبط صهيب ع رجله ) نبو ليلى تتلاقى مع امها ومع عيلتها وتسافرو معاها . اختك مريضه هلبا مش بصاره
اخ ليلى :: ( وجهه تغير بلع ريقه ومعاش عرف شن يرد )
صهيب :: ونبي نخطبـها . وبأذن الله اول ماتتعالج هيا والدتك برا ان شاء الله نروحو ع خير ونتم فيها ..
أخ ليلى :: لكن .. انى والدتي عطتكم عمرها ..
صهيب :: ( شبح لي يزن عيونه مفتوحات ومعاش حس بي جسمه من سخونت الموقف )
( المــوقف ممكن نحاول نوصفه لانه حاولت نحط روحـي مكان صهيب ..
مكــان شخـص وعد حد انـه بيردلـه حياته زي ماكـانت . جـاي وايده على قلبـه وراضـي انه يرفضو بس كان متوقـع اقل شـي يفرح امـها ويفرح البنت بشوفت امـها بعد هاسنيــن ..
عــارف شعـور أنكـ تكون ماشـــي وايديكـ يدعـو وقلبكـ يتمنى انه امـها توافق وتطلع معاكـ . تكون فرحان من داخلكـ وتبـي تشوف ردة فعل ليلى .. ليلى الي كــانت مش مخليـه امها محتــاجه حاجـة حتى من البُــعد الي بينــهم .
كانت موفرتلها كل شي . أكل تبعت وتقول جمعيــات خيريه دواء نفس شي .. الحـاجة الوحيـده الي ماقـدرتش توفرها انه تشوفها امها .. تشوف بنتها الي كانت تتحصر كل ليله على حضنها . الام الي كانت تدعي في كل فجر ربي يردلها بنتها كانت تتمنى في كل لحظة تغمض عيونها وتسمع ليلى خاشه تضحك هيا وخوها وتجي ترقد تحت رجليها زي كل مره وامها تلعبـلها بي شعرها لين ترقد ..
علاش الوقت صعب على كل شخص هكي ؟؟
علاش العيله اول خطوة تكسركـ ؟؟ العيلة الي مفروض وقفو جنب ليلى وحموها وحافظو عليها .. معقوله ماحـدش عنده ثقه في تربيــة صغاره ؟؟
انت مربي اختك احس تربيه وطول عمرها ماقالتش حتى كلمة غلط .. يوم الي يجو يقولولك لقيناها ف بيت دعاره . تم خلاص تصدقها ؟؟ معقوله ماخطرش في بالها انها كذبه . اشاعه . تهديد .
شرف .. تفو ع شرف الي مخلـــي ناس كلها تحبه اكتر من صغارهم .. طبعا البنت تنعاب علاش لا .. البنت لو حد مس شرفها بكلمة . خلاص تنحرق تمتلها ..
اما الولد ف علاش .. هذا ولد شن يدير يدير عادي ...
خــزي على المجتمع الي يحرق قلب ام على بنتها كانت واثقه انها اشرف من شرف . بس الاخ الي كان ع اساس سنه ويعرف ربي حرمها منها ومن ريحتها .. رأس بنت ضاعت منها وماتت قلبها محروق عليها ..
فــراس رأسه نار .. تخايل وجهه ليلى وصدمتها وموقفها شن بيكون تخايل روحه في مكانها ....
يزن : 😞 حط ايده ع رأسه طول معاش عرف شن يرد )
صهيب :: ( رجع شبح لي خوها ) م مماتت ؟؟ ... امتى . انى من شهر شفتها كنت متأكده انها تاخد في علاجها
أخ ليلى :: من شهر ؟ امي توفت بداية شهر الي فات .. ودرنا لي لعزي في قريتنا****** .. وماليـاش اسبوع مروح
صهيب :: (نــاض وشده من سوريته يتكلم وسنونه في بعضهم وعيـونه دمعو ) ااانت من ياكلب انت باااش تتحرم بنت من امممممها وماتقوللهاش انها ماااتتت ..
يزن :: ( يجبد في صهيب ومافيشي حيل يقول حرف ) صههيب وخرر ارخيه
أخ ليلى :: ( شاد ايدين صهيب ) انى ماكنتش نعرف عليها شي . ماكنتش نعرف اصلا حية ولا ميته .. كيف بنقوللها امك ماتت
صهيب :: ( يتكلم ووجهه احمر ويخبط فيه بأيده ) ماااك لو رااااجل راك دورتها اااختك وقلتتلها يااااخامر .. لكن ورحمة بوووي في تراابه ماااح نخليك في عضمه تسبح لله ...
يزن :: ااااارخيه ******* يااااصهيب فوووته .
صهيب :: ااامشي ( ويجبد فيه من سوريته لين طلعو لي باب الحوش )
يزن :: ( يجبد في ايدين صهيب ) ياااااصهيب اااعقل زفتتت ارخيييييه
صهيب :: ( ماشــي ومافيـشي حاسه تتشـتغل الا العصبيـه . ركبـه في سسييارة وصكر الباب بالقوة ) حوووول يييزن اخطيني .
يزن :: ( وقف حط ايديه ع رأسه ومشي لي سيارته ركبها ولحق صهيب )
_________________________________
( شقـة مهيبه )
