ثلاثيـني .
الثـامنه 🔥
____________________
( المستشـفى )
نور :: ياااسلام .. لا هاذي هبلت بكل امالا ؟
يزن :: هبلت ماهبلتش مش موضوعي .. انى هيا معاش تهمني
نور :: ( ضحكت ونزلت رجلها ) هههه لا ؟؟ تبصر هههه فرحني وقول والله
يزن :: بلا تفزليك توا .. ركزي معاي
نور :: انى كللياً مركزه معاك ,,
يزن :: امس لما صار نقاش بيني وبين سارة . بدت تتكلم وكأنها تعرفني ليها سنين تقولي متعامل معاها من مده تحس بي كل حرف وتعرفه قبل مانقوله . حتى طريقة تفكيري زابطتها ..
نور :: هههه هيا سارة هكي . تفهم في كل شخص وتعرفك من غير حتى ماتتكلم معاها .. بنت غريبه ههه
يزن :: باه نبي نعرفها .. نبي نفهمها البنت مافهمتهاش . بعد الي صار توقعتها تنزل لي حوش خالي وتصكر راسها ع موضوع طلاق ..
نور :: اااه .. انت جـاي تبي تغش يعني هههه .. لا ياسيدي صعب انى مانحبش الغش .. لكن نقدر نبعتك لي واحد غشاش ماهر
يزن :: هههه منو ؟
نور :: فراس .. فراس اقرب واحد لي سارة في العيله يعرف حتى الي ماتعرفاش ملاك ..
يزن :: فراس خوي ؟
نور :: لا فراس ولد جيرانه .. تي فراس خوك امالا منو ..
يزن :: باه قوليلي .. هيا كانت مرتبطه قبل ؟
نور :: ح تصدقني لو قتلك عمرها ماحبت ؟
يزن :: مستحيل ..
نور :: هههههه توقعت .. بس سارة فعلا عمرها مادارت علاقه ولا حبت ..
يزن :: ( سكت )
نور :: يزن ممكن نسألك انى سؤال ؟
يزن :: شنو ؟
نور :: عجباتك؟
يزن :: ( سكت .. قعد يتفكر في ســارة وكل تفصيـل فيها ضحكتها ونظرتـها عيونـها وشعرـها طولـها ونازاكـتها .. ) احتمال ..
نور :: ( أبتسمت )
يزن :: ( سرح بخــياله بعيد .. )
.......................................
( شقـة نجاة )
سارة :: بس .. هذا كل شي ...
فراس :: عمري ماشفت بنت حقيره زيها ..
سارة :: غريب . كنت تبي يزن يتزوجها عادي ..
فراس :: (تفكر كلام ليلى عليها ) كرهتها من تصرفاتها معااك .. لكن تو نعرف كيف نحطها عند حدها .. وبالنسبه لي يزن حسابه معاي
سارة :: لا وراس فراس .. مش نحكيلك باش تصير بيناتكم نقاش فوته خلاص انى نعرف كيف نتعامل معاه ..
فراس :: لكن وعد تجيني كانه عفنها اكتر من هكي ..
سارة :: عيب عاد . هوا انى من ليا غيرك ههههـ .. يالله خلي ننزل لي حناك بندير دوره ع الحوش جايه تغريد اليوم بتببات معانا لين يروح عمي من سفر
فراس :: باه بري .. ردي بالك ع روحك ماعنديش الا سرو وحده انى راه
سارة :: ختسلللمهولي وخيي الغالي ...
فراس :: ههههه بري اقلبي وجهك .. ( خدي تلفونه ودخانه مشي لي داره )
____________________________
( طلعت انى وملاكـ وعمتي وماما ونزلنا لي حناي . ضمينا الحوش ودرنا كيكه والاء جابت معاها حاجات حلوة . بدينا نجهزو ف لغدي درنا حاجات خفيفة وفصوليـا وسلايط .. شوية وجت نور بعدين وصلت تغريد بعدها درنا شاهي قعمزنا هدرزنـا لين مــاسدنا ع صفرة وبعدينا نوضنا نجهزو ف صفرة لغدي .. )
::
( كـان في زي جنان صغير في شقة مهيبه من تاالي وهذا كان شرطها ف تصميم العماره مسقف ومعبي بالورد ومنظره يجنن فيه رواشن صغار يدخلو في الهواء فرشو وبدو يحطو ف لغدي .)
مفيـدة :: وين فراس ويزن ؟
ملاكـ :: يزن توا لما جت نور خش هوا وياها ركب فوق ..
نور :: خلوه يتغدى لما ينوض .. بري شوفي فراس ينزل يتغدى معانا ملوكي ..
ملاكـ :: حاضر هي .. ( وركبت )
_
تغريـد :: ( وقفت جنبها الاء ) وين ليث؟
الاء :: بيجيبه بعدين عندهم فاتحه اليـوم ,,
تغريـد :: ربي يدوم الفرح .. عرس منو ؟
الاء :: ولد خال صاحب امجد . هههههه وانى معزومه
تغريد :: لما بتمشي غادي قوليلهم شفتو امجد ولد اخت بو لعريس انى مرته ههههههههههـ
الاء :: مبردك ياصحيححه ههههه .. تعالى جاي وماتغيريش الموضوع
تغريد :: نعم ؟
الاء :: شن صار ف سليمان ؟ لقوه !
تغريد :: ( أخـيــه هلبا لما يسألوكـ ع شخص المفروض يكون خوكـ بطريقـة كأنهم يسـألو ع مجرم .. والمصيبـه انه مجرم مش كذب ) لا
الاء :: الله يكسر ايديه الي مدهم عليك هالحيوان ...
تغريـد :: ( شبحت لي جيهة تانيه توتي ف طواسي )
_
نور :: ( خبطت سارة ع ايدها ) اانتي
سارة :: نعم ؟!
نور :: ( جبدتها جنبها وتتكلم بشويه ) احكيلي . شن جوك وشن مدايره مع يزن؟
سارة :: اه .. تمام كلــ شي تمام الحمد لله
نور :: مايضايقـش فيـكـ ..؟ نعرفه اسلوبه زي خليقته راه اشكي لي حماتك عادي ههههـ
سارة :: هههه . لا سلامته ماعمره ضايقني الجو ماشي تمام الحمدلله .. غير مزال ماتعودناش هلبا ع بعض جو يبي تأقلم اكتر بس
نور :: ( زادت نعجبت بسـارة الي مارضتـش تجيب سيـرة تخصها هيا ويزن لي حد ) المهم انى موجـوده تبي أي حـاجه عيوني ليكـ ..
سارة :: سلملي عيـونهــا يارب ..
نور :: ( ضحكت وشبحت للعيله ) تتتي هي شنو يااااعيله جوعت انى راه ...
ملاكـ :: ( خشت عليهم ) ماما فراس قالك ابعتيلي صفرتي فوق ..
تغريـد :: ( شبحت لي نور والاء ) ك كـانه متحشم مني . نن نخش عادي لي دار
نور :: لا علاش شن بيحشمه منك مش من العيله ولا مش من العيله .. مافيش غدي فوق الي يبي يااكل ينزل لوطـا ..
نجـاة :: لا شن يتحشم منك بنيتي شن برانيه انتي .. تو نركبله ..
تغريـد :: خليـه ع راحته عمتي تو ناكل لداخل عادي قوليله ينزل
نجـاة :: ( تنهدت ومشت لي فراس )
سارة :: ( سخفتها تغريد وفي نفس الوقت كان الحق يرجع لي فراس اولا )
ملاكـ :: مادوريش عادي ماتنكدييش ..
مفيدة :: ( جت جنب تغريد وتحضن فيها بتسهويك ) يااسري مش تزعلي تعرفيه فراس حتى معانا والله ماينزل مش عليك انتي ماتحطيش حاجة ف راسك بنيتي ..
مهيبـة :: ( طلعتلهم ) خيركم واقفين حداها .؟ خيرك تغريد متوجعه بنيتي ؟
تغريـد :: لالا حنينه مافيا شي ...
( لوكــان ع وجع تغريد الي في جسمها ف لا مش حاسه بيه . اما لوكـان على وجع تغريد من فراس فـ اايه حاساتته وهلبـا . تغريـد الي ماكنتش تهتم ولا تفصيل في فراس . فجأة حست بأنها تخسر في شي غـالي ومش اي حد يملكــه )
الاء :: ( بتغيـر جو ) ياابنات شن رايكم غدوا نديرو غدانا بيتزا ع لحطب ؟؟
نور :: اي انى مااانوخرش عادي ..
ملاكـ :: لالالالا غدوا لا .. غدوا عندي كورس انى وسارة
سارة :: ساعه كم هوا ؟! ..
ملاكـ :: من 2 لي 6 ...
سارة :: ايح .. خلوها يوم لخميس . غيدو قاعده للخميس ولا ؟
تغريد :: اي قاعده ...
الاء :: خلاص معناها تو نجي لخميس من صبح ..
نور :: ( جت جنب تغريد ) ااضحكي عاد
تغريد :: ( ابتسمت )
_____________________________
( شقـة نجاة )
نجاة :: قاعد شايل من بنت خالك ؟
فراس :: مش شايل من حد انى . قلتلها تجيبلي غداي فوق لانه نبي نت لوطا تغطيه ضعيفه ..
نجـاة :: وشن بدير بيه نت وانت تتغدى .. عيب عليك راه يافراس البنت حستها وليدي
فراس :: تي شن هيا الي حستها ماقلت شي انى . قلتلها تجيبلي غداي فوق عادي يعني مش اول مره
نجاة :: اسمع فراس وليدي قولي . قاعد عينك منها بنيـت خالك ؟
فراس :: ااايح علينا عاد .. لا .. خلاص امي صكريه الموضوع معاش نبي نتغدى باااهي ( وخش للحمام وقربع الباب )
نجاة :: تي باهي باه بتفوته عليا يااولد نجاة . انى تو نعرف مزال عينك منها ولالا .. ( ونزلت )
______________________________________
( بعد ماكملـنا لغدـي .. درنا طاوله في جنان وكراسي وحطينا قهوة وحلويات .. وقعمزنـا نهدرزو ... كل وحده تهدرز في موضوع . )
