ثلاثيـني
العشرون .... الأخيـــرة 🔥
________________________________
( زي كُـل مره عــاشـو فيها عائلة ثلاثيني المشـاعر مع بعض وقدرو انهم يتباعدو على مشاكل ويحلوهـا مع بعــض .. أساس عمارة ثلاثيني كـان الحُب الي تربو عليه وكبـرو عليه وعـاشو طول عمرهم يسقــو في احاسيسهم بين بعض بالودَ والكرم والحنيـة .. من الجدة للبنت لي مرت الولد لي صغارهم لي صغار صغارهم الي جايـن ع طريــق ... محبة الكل كبرت وتكونت على المبادئ صح .. وع صدق والامــانه .. خوفهم على بعضهم وشعورهم بالرحمة بينهم خلاهم يتغلبــو على اكتر من شخص كانت نيته سودء ليهم ... نهاية ثلاثيني مش عبرة ولا نصيحة .. نهاية ثلاثيني واقع واليــوم أسسس الواقع .....♟🔥
_______________________
( بعد مُرور شهـــر )
( شـقة مُهيبــة )
( زي في كل مره من كل حلقــة شرحت فيها زوايا هــذي شقـة .. شقـة الي جمعت العيله وتــعلى فيها صوت ضحكتهم . وصارت فيها قصص وتكونت فيها العلاقــات .. اليوم جمعتهــم تاني زي كُل مره 💗.. )
..
تغريـد :: شوفي هــذي ( فاتحه الايبــاد )
نور :: تجنن هــذي .. لكن بتقعدي هكي تشوفـي حاجـة تنسي حاجة بتتلخبطي ..
تغريـد :: والله ماعاد فهمت كلهم حلوين ههههـ😂
..
الاء :: ليث ماتشيطليش ريقي برا مع حنينه تتتبدلك ماعنديش ليك جهد .. ( راقده واخده برده )
سارة :: ( خـاشه بي طاسة زهُرات ) ليث حبيبي برا حنينه تنادي فيكـ .. نوضي لولي اشربي هذي شوية باش تاخدي دواك 💗..
الاء :: مش قتلك معاش تتحركي انتي ( تسند ف روحها وقعمزت ) يااسرك تو تتعبي
ملاكـ :: ( خشت ) سرو نبيك تعالي شوية ... كيف حالك توا لولي ؟
الاء :: ان شاء الله احسن 💗.. زكمة علقت مبردها
تغريد :: ( خشت هيا ونور ) يابنات بنوريكم حاجة ...
سارة :: ( ناضت مشت لي ملاكـ )
_______
( المربــوعه )
رضا :: ايه ايه العب بالغش وقول اقدرني .. ترا حط الي عندكك من غير ماتلفهم ..
يزن :: ههههههه الخال بيفلسع شكله .
جمال :: تي خليه خليه . من يوم يومه يلعب غلط ويقول مبيوعه هههه
فراس :: ( خش بسفرة ) هيا حطو الي في ايديكم وخدو شاهي عالة حناي ... مش عارف كيف تشربو فيه
يزن :: (وقف ) لا صحتين انى والله ماعاد عندي نيه .. بنطلع شوية عندي ماندير ..
( وطلــع ...)
فراس :: ( طلع وراه ) ..
___________
يزن :: لا مش معطل .. علاش تبي حاجة ؟
فراس :: انت ماشي للمركز ؟
يزن :: اي . ف مداهمه اليوم ..
فراس :: مش قلنا ريحنا شوية من دوشه هاذي ..
يزن :: تي مش طالع معاهم . بنمشي نسلم لي توفيق وبناخد اجازة ومروح ..
فراس :: باهي تمام . طالع معاك امالا بنشوف سيارة ف لورشة شن صار فيها ..
يزن :: تم ... نراجيك ف سيارة ( وطلع )
________________________
(الغُرفــــة )
سارة :: علاش مافهمتش ؟
ملاكـ :: مانعرفـش .. اول مارديت والله مالحقت نقول كلمة بدي يكشخ . اول مره يكلمني بنبرة هيا
سارة :: غريبه ... باه انتي سألتيه ع حاجة مش ضروري اليوم امس او اول امس .؟
ملاكـ :: لا .. اقسم بالله ماسألته ع حاجة ... من خلاف قالـي امي تكلمت معاها ف موضوع نجمة وقالت مش ح دير بس
سارة :: وانتي شن رديتي ؟
ملاكـ :: قتله انى عادي خليها هيا تتفاهم مع امي وتمت ..
سارة :: معناها وااضح ياروحي .. بري شوفي نجيوة اتصلت بيها عزوزتك ولا لا ..
ملاكـ :: لا مستحيل ماما تقوللها حاجة اخيي ..
سارة :: بري شوفيها .. في الاخير هذي مش امه مرت بوه وهوا مدايرلها شان ع خاطر بوه مرات قالت حاجة لي امك نرفزتها ..
ملاكـ :: تي وحق ربي كان يطلع الي تقولي فيه صح .. اقسم بالله الا ماانوريها نجوم ف عزززز ظظهر ( ومشت )
سارة :: لا انى واثقه انك اديريها واديري اكبر 😑( ورجعت لي دار )
______________________
(المطبــخ )
..
نجاة :: ااسمعي .. معاش تزيدي معاااي دوة . انى عندي بنت وحده وحقي نفرح بيها . وهما مش ناقصهم شي علاش ماتبيش ااادير نجمة .. هما مايبوش في حوشهم هما حرين لكن انى هنا 7 ايام بي لياليهم ..
ملاكـ :: ( واقفه جنب مفيده ) . نقاش كبير كان ؟
نجاة :: ( حطت الي في ايديها وشبحتلها ) خخخير دعوته .شن مقايلك باش جايه تحققي معاي ؟
مفيدة :: اهدي يانجاة مش هكي لكلام .. في الاخير هما مادخلهمش اديرو لمشاكل هكي عاد
نجاة :: انى ماادرت مشكله مع حد .. انى قلتلها انتي حره ماتبيش اديري موضوعك لكن انى بندير .. شن الي في كلامي غلط ؟
ملاكـ :: ( شبحت لي مفيده وطلعت ركبت لي شقتهم )
مفيدة :: يانجاة ياحبيبتي عارفه بنت وحده وعارفه انك تتمنيلها زي بنات العيله لكن مايجيش هكي اهدي عليها شوية راهي صغيرة والي في خاطرها مايندري عليه والي .. اسمعي منها مش من هذيكا
نجاة :: يخززرط فيها ع شنو عريس لقهرة .. شن مشكله صارت بيني وبين مرت بوه يكلم ملاك ؟؟( ورجعت تقرض ف الخضرء بالقوة )
__________________________
