ثلاثينـــي
الثـانيه 🔥
____________________________
( في صـالة تماريـن )
صُهيب :: ( جي لي يزن الي يدرب وقدامه المدرب متعه ) خيرك ماتردش ؟
يزن :: ( شبح لي صُهيب بي نص عين )
صُهيب :: ( حط ايده ع كتف المدرب ) منووور خلود . بالله شويه
المدرب :: تمام .. ندير لفتي ونرجعلك .. ( ومشي )
صُهيب :: ووين تلفونك خيرك ماتردش ؟
يزن :: ( وقف يمسح في كتافه مم لعرـق ) شن تبي ؟!
صُهيب :: شن صااير . كلمتني مرت خالي ( ولد عمة يزن ) اتصلت بيك الف مره مشغول بالها امك عيب عليك
يزن :: الي تبيهه وووبنديره لاش تتصل ...
صُهيب :: علاش شن هوا الي بديرره
يزن :: ( يشرب في مياااه ويتكلم بي برود ) بنتزوج باش تتفضل
صُهيب :: شن هواااا ؟؟؟
يزن :: الي سمعته ...
صُهيب :: منو ؟! ( بي خوف ) ن نسرين ؟!
يزن :: ( خبطه ع كتفه ) نقص حسك .. لا ..
صُهيب :: ( ارتاح تقولي من صب عليه مياه بارده ) منوو امالا
يزن :: وحده حتى اسمها ناسيه .. مش مووضوعنا هذا .. ومانبيش ندوي فيه . هي شد طريق خلي نكمل تماريني
صُهيب :: ( عرف انه دوة معاه مش ح تجيب نتيجة وهوا ف الوضع هذا فا غير الموضوع ) .. شن بيصير ف غدوا ؟
يزن :: تو نتكالمو .. ( وعطاه بظهر ومشي كمل تمارينه )
._____________________________.
فراس :: فهميني شن في .. ماتقعديش تبكي هكي
نور :: والله ماعارفه .. قعدت نتصل بيها مشغوله عليها شن صار معاها . ردت عليا وواضح من صوتها جوها مش تمام . قتلي تعالي مشيتلها فتحتلي الباب وقاعده ماتكلمتش طاحت
فراس :: على شن مشغوله عليه ف شنو شن بيصير معاها ؟؟؟
نور :: ( تفركست ومعاش عرفت شن ترد )
فراس :: ادووووي زفففت نور ..
نور :: تغريد طلعت ماتجيبش في صغار واليوم حكت لي نبيل واتصلت نبي نعرف شن قاللها
( زعمـا بنقدر نوصلكـم شعور شخص الي يموت في حد وهوا مش ليه وبعد سنين يوجع قلبـه عليه وكأنه هوا هوا الوقت ماتغيـرش . فعلاً المسافات ماتنقصش الحب بالعكس تزيـده ..
وجع قلب فـراس على تغريد انـها مش ح تكون امــ خلاه ينســى كل الي صار زمــان . نخصــه خلاتـه يحس انـه ناقصااته نفسه ونااقصــه مليون حاجة .. )
_________________________________
( بعد فترة من زمــان فاقت تغريد . وطلعوها من المستشفى روح بيها فراس لي حوش اماليها زي ماطلبت وبيموت ويعرف شن كان رد نبيل وعلاش هكي صارلها .. )
نور :: كلميني صبح باهي ؟
تغريد :: ( عيونـها مشوشات وبتفتح الباب مش قادره كيف وايدها ترعش ) ح حح حاضر ..💔
فراس :: ( يشبحلها من لمرايا الجانبيه )
نور :: ماقدرتيش تفتحي ؟!
تغريد :: ( حطت ايدها ع راسها ) لا تو تو نفتح
فراس :: ( فتح الباب ونزلها .. فتحلــها الباب )
تغريد :: ( نزلت ورجليها مش قادرة توقف عليهم .. مدت ايدها لي فراس بي كل براءة ) ع عع عادي ت تت تش تشدني ؟🔥💔
فراس :: (مش قادر يقيم عينه ليها مايبيش يشوفها . مد ايده ) تعالي 💓 .
تغريـد :: ( شدت ايده )
نور :: ( قلبها كان يتقطع عليهم و وضعهم فكرها بي كل شي صار قبل 3 سنين 💔)
فراس :: ( حس بيها مش قادره توقف شد ايدها وزاد قرب للباب 🔥♥️)
تغريد :: ( حطت رجليها ع الارض وجت بتوقف )
فراس :: ( شافها حطت رجليها ع الارض و وقفت جي بيسحب ايده حسها فقدت توازن شدها من خصرها وسندها طوول ) شدي روحك 🔥♥️
تغريد :: ( كنت قريبــة منه بشكل مش طبيعي .. قريبـة اكتر من اي وقت فات ايدي ليــسار كانت ع كتفه وليمين في ايده وايده ليســار كانت محاوطه خصري ♥️.. ريحته كانت قريبه برغم من عيوني الي كانو ضباب بس لمحت لحيته الي ماتغيرتش بكل🥺 .. عيوني دمعو سحبت ايدي ليمين ونحك فيهم وحاولت نوخر .. ) 🔥♥️
فراس :: (مش قــادر ياخد نفسه طبيعي كان كاتم كل شي . نفسه ونظرته وقلبه الي نبضااته بتفضحه .. ♥️) نور تعالي ..
تغريد :: ( رفعت راسي ليه ) خ خخ خلاص نق نقدر نوقف💔
فراس :: ( زاد شدها من خصرها يتكلم بصوته الواطي ) ااصببري ♥️🔥
تغريد :: ( كنت نشبحله وهوا يتكلم وعيونه بعيد .. ماكنتش تعرف انه عيونه فيها وحافظ كل تفصيل فيها بدون مايشوفها )
نور :: ( شدتها من خصرها وايدها ودادش فيها للباب وطقطقت ..)
( اما فراس ف ركب سيارة وخبط بي ايده ع ستيرسوو 🔥🔥.. مش عارفه ؟ يا ترا في شن كان يلوم ... يلوم في الوقت ولا في نصيب ولا في وضعها الي قطع قلبه ولا في حياتها الي قطعها في ثلاثه سنين ولا في نفسه الي سمح لي برائتها تخطف قلبه تاني وتقربه منها زي قبل ولا يلوم في شعور الي حسه المره هاذي اقوه من كل مره فاتت .. باه لنفترض يلوم في كل هذا .. زعما يفيد انك تلوم ثلاثين حاجة بينك وبين نفسك ؟؟ ح تنحل هكي ؟ ولا محتاج تلوم الي سببلك شعور بينك وبينه ؟ 🔥💔)
____
نور :: دخلها توا ياسليمان مش وقتها دووة ...
سليمان :: انتي اااسكتي مووضوع عائلي مايخصكش ..
نور :: لا ورااس امك .. سألت عليها اختك ولادورت باش يبداء موضوعك عائلي
