ثلاثيــني
أثنـى عشر 🔥
______________________
( قبـل 5 سـاعات )
..
( شقـة مهيبه )
نور :: لا هيا قالت بتمشي بسيـارتها اليوم بتخطم على حوشهم بتجيب حوايج وبتسبقـني للمستشفى
يزن :: رضا سافر ؟
نور :: اي امس في ليل .. ( شبحت لي سارة ) شنو سرو نطلعو توا ؟
يزن :: ( شبح لي سارة )
سارة :: اي تمام هي ..
يزن :: اسمعوني في زوز ولاد حاطهم صهيب ع غرفة البنت . نقوللكم باش ماتخافوش لما تشوفوهم
سارة :: تمام .
نور :: هي خلي نجيب شنطي وتلفوني ( ومشت لي دار )
يزن :: ( تلفت لي سارة ) سرو ردو بالكـ على روحكم مانبيش نقعد نوصي وبـالي يقعد مشغول ..
سارة :: حاضر .♥️.
يزن :: واي حاجة تصير تتصلي بيا طول . وتلفونك عام وشحنه فلل تمام ؟
سارة :: قوله لي روحك .. انى الي نتصل بيك نحصلك مش انت الي توصي فيا 😒
يزن :: ( شدلها خشمــها بالطـافة ) كل واحد فينا عنده ماســاده درتيــها مره ودرتها مره .. ومعاش تتكررر . تمام ياحلوة ♥️😂
سارة :: ( نحتلـه ايده وتتكلم بتسهويك ) اي ياحلو تمام ..🙂
يزن :: ( ضحكـها .. باسها ع خدها ) محلاكـ ♥️
سارة :: ( خبطاته ع كتفه ) خخخديت ع جو انت تحشم ♥️😂
يزن :: تي راجلك شن بنتحشم 😒♥️. ( ضحك وشبح يمينه ) ياااانور .. هيا عاد
نور :: هي . ( طلعت )
......................................................................
( بعـد سـاعتيـــن )
( المُستـشفى )
ليلى :: والله ماعارفـه كيف نشكركم . جيتكم عندي بالدنيـا والله ..
نور :: عيب عليك عاد .. ( وقفت ) هي نخليكم توا شويه لانه عندي شغل في لمستشفى بعدين نجيكم
سارة :: تمام ..
ليلى :: ( أبتسـمتلها )
سارة :: ( شبحت لي ليلى مبتسمه ) انتي كيف حاسه توا ؟ ان شاء الله احسن
ليلى :: بخير الحمد لله .. طبعا لانه ديما راقده ف معاش حسيت بدخه .. مرخيه ومش حاسه بعضامي بس
أمل :: حتى قلة ماكله ليها دور ( شبحت لي سارة ) والله ماتاكل الا بشياط ريق
سارة :: هذا طبيعي شهية بتنعدم . بس بأذن الله بعد العلاج ح ترجعي احسن من قبل ...
( شويـة وطق البـاب )
سارة :: ( تبصـت راسها ) تفضـل !!
صهيب :: ( فتح الباب قابلاته سـارة ) في حد ؟
سارة :: لا انى وامل بس .. خش
ليلى :: ( سمعت صوته نزلت راسها طول 💔)
أمل :: ( وقفت لما صهيب خش )
صهيب :: خير ! .. ( شبــح لي ليلى بعدين رفع عيـونه لي أمـل 💔) في ضابط برا بيرفعكـ للمكان الي قتلك عليـه . انت بس توا تقدري تمشي لانـه صاحبتكـ مريضه ولازمها فترة العلاج تقعـد هنا .. هيا ماتعطليشي
أمل :: وين بيرفعني باه ؟! وكيف بنخلي ليلى بروحها ؟
صهيب :: أول حاجة ح تقعدي في فندق مؤقت لين تم مجرى القضية . وتانياً هيا مش بروحها أحنـى معاها
ليلى :: لا انى نبي امل معاي .. ( قالتـها وتشبح لي أمل عيونها دموع 💔)
صهيب :: ( شبح لي ليلى .. ويتكلم ) قتلك اطلعي ماتعطليـشي ..
ليلى :: ( شبحتـله وعيونها دموع )
صهيب :: ( نحى عيـونه طول وطلع ) نراجي فيك برا
أمل :: ( شبحت لي ليلى ) حببيبتي مدام بعتني معناها اكيد مداير احطياط ماتقعديش بروحك .. خليني توا نمشي واكيد ح نتصل بيك مش ح نخليك وتو نخليهم يجيبوني ليك .. تمام ؟!♥️
ليلى : 😞 شدت ايد أمـل ) اوعديني انك ماترجعيش للوساخه الي طلعنا منها تاني وانى معاش نبي شي 💔
سارة :: ( مبتســمة لي عمق الحب الي في صُحبتهم برغم ظروف الي كونتـها💓 )
أمل :: حاضر وعد .. وانتي أوعديــني تهتمي بي روحك ياسركـ اهمال وراس ليلى ♥️.. (باستها ع راسها وسلمت ع سارة وطلعت )
سارة :: ( شدت ايد ليلى ) ماتخافيـش احنى مش ح نخلوك وأمل اكيد ح تزورك .. تمام ♥️؟
ليلى :: ( شدتلها ايدها ومسحت دموعها )
صهيب :: ( تبص راسه ) سارة تعالي شوية ...
ليلى :: ( نحت ايديها )
سارة :: هي شوية ونجيك .. ( وطلعتله )
...
سارة :: ( صكرت باب الغرفه ) نعم ؟!
صهيب :: تخلـيكـ هنا شوية ... نبي نكلمها قبل مانطلع
سارة :: أي اكيد .. يالله خش
صهيب :: ( أبتسم ) منورة ♥️... ( وخش )
سارة :: ( شبحت للكرسـي الي كان جنب الغرفه قعمزت عليه )
...
ليلى :: ( أولـ ماطلعت سارة ناضــت من مكـانها بتجيب شالهـا الي كان ع صالـون لانها صقعت .. حـاولت توقف بس ماقـدرتش )
صهيب :: هوب هوب ... شن اديري (وجي جنبها )
ليلى :: ش شي .. .نبي شالي ع صالون ( ومقعمزة حـاطه ايديها ع رأسها )
صهيب :: باه خليك تو نجيبهولك ( خداها وجابه حطهولها ع كتافهـها ) ♥️
ليلى :: ( ســاوت شالها .. ) شكرا ..
صهيب :: ( تنهــد .. قعمز تحت رجليــها وقايـم راسـه يشبحلها ) انتي كويسـه ؟ !♥️
ليلى :: ( شبحتله ) الحمد لله
صهيب :: معاش تحسـي بي وجع ؟؟ العلاج بيبداء من يوم الاحد جاي ..
ليلى :: ان شاء الله .. ( جت بتسـاوي روحها بترقد )
صهيب :: ( شدها من أيديـها ) أستني ماترقديش نبيك شوية .. ♥️
ليلى :: صهيب بالله عليك .. لو بتحكي ف الي حكاته أمل انى والله ماعندي لا جهد ولا وجه نتكلم عليه .. انسااه بكل ومعاش تهتم بالموضوع خلوني هنا لو عالجوني باهي لو مايبوش ربي ارحم من كل حد 💔..
صهيب :: أدوي باهي شن تقولي انتي ... وبعدين شن ماعنديـش وجه نتكلم عليه هيا ؟؟ ... انتي ماادخلكـش في الي صار حسابــنا مع الكلب هذاكــا .. انتي براه الموضوع
ليلى :: ( تبكـــي ) باه لو انى مادخليـش ف الموضوع علاش ممن يوم الي خشـيت المستشفـى ماجيـتش شفتني ولا سألت عليا .. ؟؟💔
صهيب :: كنت تاعب شوية ومشغول ف لقضيـة مش ع خاطر الي تفكـري فيه ..
ليلى :: لا انت تغيرت نضرتكـ ليا وهذا الي خلاكـ معاش تشوفني ..
صهيب :: ( أبتســم ع جنب أبتساامة تجنن ) علاش كيف كانت نضرتي ليكـ ؟؟♥️🔥
ليلى :: ( خدودها ولــو حُمر ) مم مانعرفش . يعني كنت عادي هكي قصدي
صهيب :: لا مش عادي .. ( قالـها ويشبحلها وشــاد ايديها ) ماكنتش نضرتي عاديه .. انتي زي ماشفتكـ اول مره قاعده نضرتي ليكـ نفسها ♥️..
ليلى :: ( تشبـحله وساكته )
صهيب :: نظيفـة . وهاديـة . بنت تجنن بكـل معنى الكلمة هكي عرفتكـ وهكي ح نقعد نعرفكـ ♥️....
ليلى :: ( تشبـــحله وعيونها ماوقفـوش دمـــوع )
صهيب :: صح .. الي خلاني معاش نخشلكـ ومعاش نشوفكـ في موضوع مش مشغـول زي ماقتلكـ .. كنت نبي نعرف انتي تهميــني ولا لا .. والي حسيـــته لما لقيتـكـ طايحه ودم طالع من خشمكـ شن هوا ؟ .. ♥️
ليلى :: ( مسحت دموعها ) وعرفتـه ؟!
صهيب :: وياريتنــي ماعرفته .. ( قعمز جنبها وككــان قرريب) ياريتني ماجربت نبعد ونشــوف .. الي عرفته والي شوفتته مخليني زي المهبـول لا عارف نخدم ولا عارف ناكل ولا نرقد .. بديتي شاااغلـــه مليييون زاويــــة في رأسي مش مخليــه ولا فراغ .. بعدت باش نفكـر لقيت روحي نســتاحش فيكـ بس ونجي كُل يوم نبات قدام دار ومانخشــش . أمـل هيا الي كانت تحكيلي ع حالكـ .. ولما ترقـدي نخش نشوف فيكـ ونطلع 🔥♥️
ليلى :: ( تبكي ) علاش ماكنتش تنوضني . علاش كنت مخليــني نفكر انكـ كرهتني .. وانكـ معاش تبي تشبحـلي ولا تكلمنـــي كرهت روحي لما عرفت انه امل حكتلكم💔
صهيب :: انى نكرهكــ ؟؟ هههه ياريت والله .. كان نكرهك راه مش هذا حالي .. قلبتيني انتي . انى كان جوي ديما تفاهه وضحك وبصاره وتهدريز وسهريات والخدمه ديما شكاوي .. توا حتى ضحكه يشرو فيها مني شري ... تطلع مني لما نخش نشوف فيكـ راقده ومرتاحه هذااكا وين نضحك انى بس ♥️...
ليلى :: يعني دمرتلكـ حياتتتك ؟ ( حطت ايديها ع وجهه وتبكي ) اصلا كنت عارفه وجهي وجه فقر نخش لي حياة شخص نخربها وخلاص 💔😭
صهيب :: انتي حماره 🙄؟ ( نحالـها ايديها ) انى نحبك 🔥ماعندك علاش بدرميلي حياتي .. هوا الي يحبك معناها بتخرب حياته ؟؟؟ باه امالا خليها تخرب ♥️..
ليلى :: نن ن شنو ؟؟؟؟😳
صهيب :: (حط ايديه ع بعضها ويضحك ) ترا قوليها انتي ههه🔥😂
ليلى :: ( ضحكت ع منظره ) هههههه 😂
صهيب :: ( ضحكـ ) اسمعيني .. انى مانعرفش جو الحب والكلام هوا صدقيني نشوف فيه بس .. لكن لما حسيــته توا فهمته . ماتسألينيش علاش وامتى وكيف . لانه اقسم بالله يابنت ناس مانعرف . غير انه من يوم الي شفتكـ فيه وانتي تخطري ع بالي ولو ماخطرتيش نفكـر فيك انى باش تخطري . نستاحــش فيكـ ومخلــي مكان فاضي في حياتي وهلبا المــده الي فاتت مابطلتش من جيــان لكن مابيتش نخش ونكلمك وانى عارف روحي مدام مش فاهم شي ح نتلكمس ومـانعرفش شن ندوي .. ف حبيني ماعندكش حل تاني ♥️
ليلى :: ( بعد فتـرة من وجع ليلى اول مره تضحكـ من وسط خاطرها ) هههههههههههههههه😂
صهيب :: ( مبتسم وســـارح فيها♥️ )
ليلى :: حاضر ح نفكر ههههـ ... بس اوعــدني قبل .
صهيب :: شنو ؟!♥️
ليلى :: نبيكـ اول ماتجيــني هنا تخش طول ولما تبي تشوفني تنوضني .. نبي نحس انكـ ديما معاي زي ماكنت نحس أيامــات لما كنت ترقد تحت العمــارة في شقه ♥️
صهيب :: حاضر .. لكن حتى انتي نبي منك وعد ..
ليلى :: ( بأستغراب ) شنو ؟
صهيب :: تستمري ع علاجكـ وحتى لو كلفكـ الموضوع سفركـ . ؟♥️
ليلى :: ( تفكـرت امها )
صهيب :: تسمعي فيا .. ؟ انى امك غير تكمل القضيه بس وماشيلها بنحكيلها وبنفض فيكـ وبنسافر انى وياك وهيا .. تم؟!♥️
ليلى :: ( لما حســت بي هدوء وسلاســـه كلام صهيــب بي سهولة تفكيــره وراحته وكأنه يحكي ع ام وبنت ماتفارقوش نهائي ♥️) حاضر ..
صهيب :: هيا ارقــدي شوية .. وبطلي دوة هلبا ياسر امل عرفت مش ضروري حد تاني يعرف ..
ليلى :: شن عرفت ؟!
صهيب :: نرقد تحت العمارة ..... فضحتينا 😒( وطلع )
ليلى :: هههههههـ 😂( وسـاوت روحها )
...........
( في المكـــتب )
