ثلاثيـني ...
السـادسه 🔥
_________________________
( تـــاني يوم ... )
سارة :: ( نوضت من 7 ولقيته مقعمز ع صالون وفاتح لاب ويدخن . نبي نكلمه ع لكليه ومش قادره كان مسببلي رعب في حياتي موضوع انه نحكي معاه برغم من كلامي معاه احيانا بطريقه مستفزه . بعد جهد تفكير طلعتله )
سارة :: فاضي نكلمك شوية ؟
يزن :: ( من غير مايشبحلي ) صباح نور ...
سارة :: صباح الخير ... فاضي ؟
يزن :: شن في ؟
سارة :: ( قعمزت ع صالون ) انى امتى بنرجع للكليه ؟
يزن :: امتى تبي ؟
سارة :: اليوم ..
يزن :: تمام ...
سارة :: شن تمام ؟!
يزن :: تمام بري ..
( ماكنتش حابه طريقه الكلمة وقص مع يزن . كنت نبي الموضوع يصير فيه نقاش احسن من الاسلوب البارد هذا )
( قداش ماكنت نبي الموضوع يطوال وتقعمز تتكلم معاي اكتر وماكنتش نبيها تنوض وتقول اي حاجة باش نتكلم معاها ومانعرفش علاش ♥️)
سارة :: بنمشي مع ملاك وفراس ..
يزن :: لا ... انى تو نرفعك
سارة :: تمام ..
يزن :: بري وتي روحك .. ( صكر لاب وناض )
سارة :: لو نكلم في siri مش ح يكون هكي .. ( تنفخت ونوضت نوتي في روحي )
_____________
( حـوش رضـا )
تغريـد :: يعني قـداش بتقعد ؟
رضـا :: لو ماصارتش مشاكـل وتأخرت اسبوعين بس
تغريد :: اسبوعين بنقعد بروحي ؟
رضـا :: لا مش بروحك بنتي سليمان يقعد معاكـ انتي في نهار بتمشي للمستشفى وفي ليل تتلاقي مع خوك . انى تو نوصيه روحلك بكري
تغريد :: يابابا انت عارف سليمان كان تتكلم معاه لي غدوا صبح مش ح يفهم وانى مانعتمدش عليه يقعد معاي .. وبصراحه انى نخاف
رضـا :: مش شني بنتي ؟ كلمك تاني !
تغريد :: لا مش قصة كلمني .. بس انى قعاد بروحي او انى معاه مانبيش .. خليني نمشي حوش حنينه مهيبه ع الاقل مع عمتي و بنات العيله والحوش مليان
رضـا :: (تنهد وشد ريموت وبدي يغير في قنوات )
تغريد :: وراس بابا حبيبي .. والله غادي نفسيتي ترتاح وحتى تطمن ع موضوع المستشفى ..
رضـا :: حاضر ياستي .. اصلا انى هكي بالي يرتاح اكتر .. لكن انى نجيبهالك من الاخير ماااتتخالطيش بي ولاد عمتك . خشو قعمزو تخشي لي دار . يكلموك ماترديش انى سيرتهم مانبيش نسمعها
تغريد :: ( بي قلة حيله ) حاضر ...
رضـا :: نوضي وتي حوايجك غدوا بعد مانطلع للمطار بري انتي طول .
تغريد :: تمام .. ( ناضت تغريد وفرحتها مش عاطيتها لي حد كانت تفكر انه فترة الاسبوعين هاذي كويسه انها ترجع علاقتها بي عمتها نجاة احسن من قبل بعد الي صار زمان وتغير نظرة ناس ليها وتتقرب بنات عيلتها اكتر )
_______________________________
( في سيـارة )
يزن :: انت وين توا ؟!
توفيق :: كيف طالع توا .. دوريه الاول مشت وتانيه معاي . انت تعالى للمقر نقيب يبيك
يزن :: وكم الحموله ؟
توفيق :: بالهبببل يااصاحبي . تي كانت بتتتووزع في لحدود ..
يزن :: جمعلي المجموعه ع ساعه 10 ونبي عينه . في قضية جديده واحتمال نستخدمو مخابرات فيها . ناقصه ادله والعنصر الي جاب المعلومه مايقدرش يرجع يجيب دليل شبه انكشف
سارة :: ( كنت سارحه في كل حرف يطـلع منه . حلم حيـاتي نشوفه يخدم وشوفته .. قـداش كان حلو وهادي برغم مافهمت شي من خدمتهم بس كان منظره يجنن .. كان اولـ مره يلبس بدله عسكريه ومافهمتش علاش . لانه كل يوم يطلع بي بدله عاديه ويخدم بيهم . ايش معنى اليوم .. بس كان عندي فضول نسأل ومع هذا كتمت فضولي وسكتت .. فقت ع صوته
يزن :: امتى تكملي ؟!
سارة :: اه ! ... اااه اليوم نكمل مع 12 ( لفيت وجهي للروشن )
يزن :: ( مد ايده للقجر الي مقابل سارة وفتحه طلعه نظراته ولبسهم وصكره )
سارة :: ( كنت نراقب فيه بدون مايحس لين لبسهم ) علاش تسأل ؟
يزن :: خليك لين نجيك .
سارة :: تو نروح مع ملاكـ ..
يزن :: قلنا خليكـ لين نجيكـ ,,,
( درس ع ليميـن مقابل كليتهـا )
سارة :: ( فتحت الباب ونزلت )
يزن :: ( قعد واقف ) يالله امشي ...
سارة :: ( تلفتت ومعاش قدرت ضحكت بس بدون صوت . عمري ماكنت فاهمه مزاجيته في لمعاملـه ولا عمري كنت ح نفهم . بس مانكذبش كنت ذايبه فيها وهلبـا حتى لو كانت عيب مش ميزه . )
يزن :: ( مانعرفش قعدت واقف لين شفتها خشت من الواجهه للكليه الداخل وكملت .. هيا هاذي تصرفات طبيعيه من راجل لي مرته كـ تنفيد مسؤوليه ولا انى بديت نسمع في كلام نور ؟ .. )
________________________________
( مكتبـ فراس )
فراس :: كيف يعنــي ؟
صهيب :: يعني زي ماقتلك . مافيش الا انك تكلمها . أسألها ياااخي شن بتخسر ؟
فراس :: بننخسر الي بننخسره ياصهيب .. افهم انى بنوقف قدامها بعد كل الي فات ونقوللها عطيني مفتاح شقتك انتي ونبيل . تسألني علاش شن بنقوللها ؟ بنجهزلكم تقعميزه رومانسيه😒 ؟
صهيب :: هههههههه 😂ياعم اختشي عيب ... ياسيدي قوللها ماتسأليش ولما يجي وقته ح تفهمي بروحك . يعني لما بينشد وبينحبس مش ح تعرف ؟ مش ح تجيك تسألك علاش كنت تعرف المده هاذي كلها وماقلتلهاش ؟ تي كان راجلها راه .. ياسر انها كانت تحسابه صلاي في جااامع وناس تصلي ع طرفه .. 🙄
فراس :: ( لف بالكرسي ويدخن )
صهيب :: اسمعي انى الي عليا قلتهولك .. بس لو تبي يزن هوا الي يدخل .. ف انى متأكد انه ح يتسخدم نظام مخابرات ف الموضوع هذا . وأول ماينزرع بينهم عضو جديد ح يجيبله معلومات عن المسؤولين واولهم ح تكون نسرين .. ف حلها من عندك وخلي يزن يعرف منه خير
فراس :: ( لف تاني لي صهيب .. نفخ دخانه وبعدين طفه ) خلاص تو نحاول نشوف الموضوع هذا اليوم ..
صهيب :: وانى تو نحاول انسيه في الموضوع شويه ..
فراس :: ( تلفونه شرين رد ) نعم !
