ثلاثيـني ...
السابعـة 🔥
_______________
دكتور :: الحمد لله ع سلامتها هيا حالها باهي توا .. فقدان الوعي كان اثر الخبطه الي حصلتها ع راسها هيا حاليا تحت الاوكسجين تبي وقت باش تفيق ولازمها راحه تامه احتمال تتعرض لي دوخه الايام القادمه بس ح تتلاشى مع الالتزام بي كورس العلاج ..
فراس :: ودم ؟ كان في دم في رااسها
دكتور :: الواضح انه الخبطه سببتلها جرح وهوا الي نزف دم بس مش نزيف قوي الحمد لله
رضـا :: نبي نشوف بنتي .. حولتوها للغرفه ولا ف العنايه
دكتور :: قبل ماتشوف بنت او تتكلم معاها .. ممكن نعرف شن سبب الاصابه ؟
رضـا :: حادث
فراس :: لا مش حادث .. تعرضت لي ضرب .. ( شبح لي رضا )
دكتور :: حادثه زي هاذي تحتاج فتح محظر .. تعرفو شي هذا ؟
فراس :: لا من غير محظر احنى نعرفو كيف نجيبوه ..
رضا :: ( يشبح لي فراس . )
فراس :: ( رن تلفونه شافه وبعد عليهم )
رضا :: وينها يادكتور؟
دكتور :: تفضل معاي ...
فراس :: ( شاف رضا ماشي مع دكتور ) استني خليك ... ( شد رضا من ايده ) .. انى الموضوع هذا ورحمة بوي ماح نصكره وخليك راجل زي مانعرفوك وماتقولش لي بنتك انى الي جبتها هنا خير مااانحسرك ع شوفت ولدك 🔥.. ( ورجع لي تلفونه
رضا :: ( الخوف في وقتها كان من ناحيتين .. ناحية بنته الي حس بي روحه عاجز ومش عارف كيف يحميها .. وناحيه تانيه كانت من فراس ويزن الي من يوم يومه يخاف منهم .. مشاكل رضا كانت محدوده ورث و وصية وفلوس . عمره ماخش فيها دم ومع هذا كان كل مايجي يفتح موضوع بيع العمارة لي مهيبه امه كانت ترفض وتصير مشكله وهذا يخلي ف لولاد يوقفو في وجه رضا . مع الوقت بدي موضوع سليمان الي يبي سارة يكبر ومع هذا شباب مشاكلهم كبرت مع سليمان . من قصة خطوبة فراس وتغريد زمان الي انى ح نوضحها مع الوقت )
......................................................
فراس :: باه ؟!
ملاكـ :: ( تبكي ) بعتله مسج قتله روحت بسارة لانه مرضت .. لي توا ماردش عليا تصدق 😭
فراس :: ( ماشي يجري يفتح ف باب سيارة ) وشن جوها سارة توا ؟
ملاكـ :: مانعرفش اول ماوصلنا خشت ترجع وجتها حراارة شويه وبعدين رقدت وانى جنبها مانزلتش
فراس :: امي ومرت خالي شافوها ؟
ملاكـ :: لالا قلتلهم قداش ليها ع لكليه طريق تعبتها .. 💔
فراس :: تم صكري هي .. شويه ونجيكم ..
( صكر من ملاكـ واتصل بي صهيب )
صهيب :: وين ياكبير ؟
فراس :: طلعت من المستشفى ماتوليليش ... انت وين ؟
صهيب :: كيف حالها ؟
فراس :: دكتور قال كويسه وح تفيق .. شن صار ف الي قتلك عليه
صهيب :: فراس ريحنا انى نحل فيه الموضوع قتلك عندي
فراس :: صصصهيب تلقاااه تكلمممني تعرف نسمع بيه روح لي حوشهم اقسم بالله ماتلوم الا روحك
صهيب :: باهي باه .. صكر توا خلي نشوف خدمتي ... ( راكب من دروج )
فراس :: ماشي .. (وصكر )
_______________________
( شقــة )
ليلى :: منو ؟!
صهيب :: هذا انى افتحي ..
ليلى :: ( فتحت الباب )
صهيب :: ( خش في ايديه شكاير ) هاذي بضااعه تمشيلك اسبوعين ولي ناقصك اكتبيه في ورقه تو نجيبه
ليلى :: لا تمام موجود كل خير .. ماكلمكش فراس ؟
صهيب :: كيف كنت نكلم فيه .. حاصل ف موضوع تاني توا ..
ليلى :: ان شاء الله خير ... عموما انى فتحت تلفوني امس
صهيب :: ت علاش مش قتلك صكرييه
ليلى :: ماتخافش فتحته شويه وصكرته . وباهي الي فتحته القيت لبنات الي نكلم فيهم باعتين فيديوهات ح يفيدوكم . بس نبيل مش فيهم . الي فيهم نسرين
صهيب :: وريني ...
ليلى :: ( فتحت تلفون )
صهيب :: ع شن الفيديوهات ...
ليلى :: تتكلم ع مجموعه جديده من لبنات بتجيبهم وع طريق جديد لي توزيع الحبوب ومعاش ينفع توزع ف جامعه طبعا لانه من مده قدرو يشدو تجار شنطه وهيا نفدت بصعوبه ..
صهيب :: ( يتفرج ع لفيديو ومتقزز من لبس نسرين وطريقه كلامها انسانه تانيه ) نبي صور لبنات الي هيا بتجيبهم قبل ماتجيببهم ..
ليلى :: تم اعتبرهم غدوا عندك ..
صهيب :: ( طلع تلفونه المدار ) شدي هذا .. كلميهم من هنا مش من تلفونك .
ليلى :: حاضر ..
صهيب :: هاتي تلفونك
ليلى :: ( عطتهمله .. )
صهيب :: ( شد تلفون وطلع شفرة ) حافظه ارق( قام راسه لقي خشمها نازل منه شوية دم ) شن هذا ؟؟
ليلى :: ( ف البدايه استغربت بعدين فهمت من نظرته وقامت صبعها تمسح ف دم )
صهيب :: خيره خشمك دم ؟؟😳
ليلى :: اه ... لا شي تصير مرات من صقع ..
صهيب :: كيف هيا من صقع ؟؟ .. مريضه انتي ؟
ليلى :: ( وجهه لين وله اصفر ) لالا .. 💔
صهيب :: ( يشبحلها كيف بدت ترعش مع بعضها ) باه نرفعك نعاينك ؟
ليلى :: ( مشت للحمام ) لا ... خلاص امشي انت توا , وانى غدوا نبعتهملك صور ..
صهيب :: ( مارتاحش لي ليلى ف وقتها وكان حاسس بي حاجة تانيه صايره بس ماباش يضايقها .. خلاها لين خشت للحمام ومشي وصكر الباب من برا )
ليلى :: ( تغسل في وجهه ... طلعت من الحمام ومعاش قدرت قعمزت جنب باب الحمام وبدت تبكي وحاطه ايديها ع راسها ) يا ياربي ساعدني .. س ساعدني انى تعبت .. 💔😭
______________________________
11:00
( شقة يزن )
(يزن وصل للعمارة ركب خش لي امه سلم عليها وقعمز شويه وركب لي شقته )
يزن :: ( خش وصكر باب شقة حط مفاتيحه ع المدخل وخش لي صاله .. لقي سارة مقعمزه ع صالون مصكر تلفزيون والواضح انها كانت باكيه لين عيونها منفوخات )
سارة :: ( اول ماسمعت صوت الباب وسمعت خطواته ومفاتيحه وشميت ريحته وحسيتــي روحي لي اول مره مخنوقــه كان يقرب وخاش لي صالة وانى كنت مقعمزه وحاطه ايديه ع خدي .. خش شبحلي وبدي يتكلم وانى ماكنتش متحمله حرف واحد منه )
يزن :: خيرك ؟ مبكري بعتتلي ملاك مريضه وروحت بيك ..
سارة :: ( فتحت تلفوني ع رسـاله ونوضت عطيته تلفون )
يزن :: شن هذا ؟! ( شده وقعد يقرا ف رساله عيونه مفتوحات من صدمه . رقم نسرين ؟ ولكلام المكتوب ؟ )
سارة :: ( تبكي) عع علاش ؟ .. شن كنت ح تستفيد لما تقعمز مع وحده برانيه وتحكيلها حاجة خاصه لي درجة هاذي ؟؟ 💔..
يزن :: ( قام عيونه فيها ومعاش عرف شن يرد يشبحلـها كـيف تبكي وفمـها يرعش ولكـلام طالع منها بالسيـف )
سارة :: ( تمسح في دموعها وتتكلم وايديها يتحركو يمين ويسار وكأنـها تبي توصف الي داخلها ) أأ أنـ اأنى شن درتتتلك ؟ باش انت ادير فيا هكي ؟ 💔...
يزن :: ( ساكت )
سارة :: ان انى عمري ماتمنتليك سوو .. مش من .. مش من توا لما تزوجنا لا ... من زمان ..
يزن :: ( شدلها ايديها يبي يحـاول يهديها ويحط مبررات تصفي الموضوع💔 )
سارة :: ( دفت ايديه ) انت شنو ؟؟ ي اأخي انى من يوم ماعرفتك وانت مادرتش حاجة الا انك توجعنيي 💔.. شن شوفت مني ؟
يزن :: ( ضميــره كان ح يموتـه كـان نادم في وقتها ومش طالع معاه ولا كلمه 💔)
سارة :: ( شدت منه تلفون ) قرريت لكلام المكتوب ؟؟ قرييته ييزن ؟؟ شفت شن كاااتبه ؟؟ .. قالت البنات كرامتهم غاليه عندهم .. تصدق عندها الحق ..
يزن :: ( ف لحظة خاف من تلميحات سارة ف كلامها ) 💔
سارة :: ( مسحت دموعي ) انى مانبيش نستنى شهرين .. انى نبي نطلق وتوا .. لو سمحت 🔥💔...
يزن :: ( والي كان خايف منه يزن وماكنش متوقع روحه يخاف منه اصلا هوا طلب سارة بسرعه هاذي 💔. )
سارة :: ( خديت تلفوني وبنخش )
يزن :: ( شديتها من ايدها ) استني خليني نقول كلمتين .. بالله عليك اسمعيني
سارة :: شن بنسمع .. يعني منها . ومنك ؟؟ لا والله هلبا عليا
يزن :: سارة انى تعبـان .. انى مخنوق حياتي نقلبت 180 درجة ومن قبل حتى موضوع زواج .. كل حاجة كنت حاسبها نقلبت .. كل شي ندير فيه من غير نيه ومانبيشي .. تزوجت وانى مانبيش نتزوج . نحب و بعدت على نسرين وانى مانبيش نبعد 💔..
سارة :: انت عمرك مااحبيت💔 .. انت عمرك ماعرفت تحب اصلا . انت كذاب انت ماتعرفش الحب اصلا . الي عنده قلب زيك مايعرفش يحب .. وح نقولك انى حياتك بيأختصار وهذي تبداء مساعده 💔
يزن :: ( يشبـحلها ساكت وعيونـه حمر . كان مستسلم كليا لي كل حرف منها ولي كل تعبير وكان مستعد لي كل قرار ولي كل اهانه وراضي بي كل كلمة منها كان يزن طفل مش يزن راجل لكبير الي عنده عقل ويقدر يتصرف 🔥)
سارة :: انت كنت راضي بي زواج هذا ومن قلبك .. لانه زواج هذا كان ح يرسملك العيلة المثالية والحوش لمنظم وزوجه الي تسترك وتبداء يزن المتزوج الي معاش يبي حد يقوله امتى بنفرحو بيك .. اما هيا . ف هيا البنت الي تسمعك لكلام الي تحب تسمعه زي حبيبي ونحبك وانى معاك وانى جنبك والخ ... يزن انت مش محتاج حد يقولك هذا صح وهذا غلط . ولا يقولك طبعك غلط وغيره ولا يقولك اسلوبك غلط غيره .. انت عارف انه هذا غلط وتبي اديره .. 💔
يزن :: باه وين صح ؟؟ وينه صح انى احترت ..
سارة :: انت ماشي بعقلك . وتحساب الي يختاره قلبك غلط ومايجيش وح يضرك ومش ح ينفعك .. انت عمرك ماحبيت نسرين ولا ح تحبها . نسرين شي يراضي في شعورك وبس .. 💔
يزن :: ( شبحـــلها وسرح فيها شويه بعدين تكلم ) لو تأسفت منك .يكفي ؟💔🔥
سارة :: ( ضحكـت بأستهزاء ) ههه .. انت ماتعرفنيش ولا عمرك ح تعرفني .. انى لعتاب ولومان هذا كله كان ليا مش ليك . انى الي غالطه وماكنش لازم نوافق ع زواج من الاول 💔..
يزن :: اطلبي اي حاجة . انى مستعد ندير اي حاجة باش نكفر الغلطه هذي . نحس في روحي جرحتك هلبا ومانعرفش كيف انى ماكنتش قاصد والله 💔...
سارة :: هه .. لا ولايهمك . ماديرش شي ولا ح نطلب شي . انت طلقني بس وانى هكي ح نرتاح
يزن :: ( قربـت وقفت قدامها بضبط ) الا هذي . سارة اختاري اي حاجة الا موضوع نطلقك اهوا 💔
سارة :: علاش ؟ لو ع صورتك قدام ناس . ف انت ح تتزوج وتكمل حياتك . شن شي الي يخليني معاك ف حوش واحد ؟؟ 💔
يزن :: مانعرفش .. لكن نطلقك لا . اقسم بالله ماعارف علاش مانبيش لكن مانبيش . 🔥
سارة :: لكن انى نبي ..
يزن :: كذابه .. حتى انتي ماتبيش 🔥.. ( كنت نشبح لي عيونـها بضبط كنت قريب منها وكـ،ان خاطري نحضنـها ونقوللها انه في حاجة تنقص فيا الفترة هيا لما نكون برا الحوش . برغم من المده صغيره الي عرفتها فيها بس كأنه نعرفها من قبل 🔥♥️.. )
سارة :: ( لما قالها حسيت وكأنه عيوني فضحوني . قلبي كان صوته واصل لبــرا ومالي لحوش .. قربـه مني هرب لكلام وماعرفتش شن نرد💔 .. الا ) .. تصبح ع خير .. ( خشيت وخليته )
_________________________________
( فــي حوش رـضا )
( دار تغريـد )
رضـا :: ايوه .. ( يرتبلها في مخدتها ) هيا ريحيلي روحك مانبيكش تتحركي المده هيا باهي .. اهو حتى سفرتي غدوا أجلتها لين يولي حالك باهي
تغريـد :: علاش بابا .. كنت حطيتني في حوش حنينه اصلا مش طايقه الحوش بكل .. 💔
رضـا :: يابنتي حاضر غير يولي حالك باهي ونرفعك امتى ماتبي
تغريد :: غدوا نبي نمشي ..
رضـا :: ( كانت الحسرة متعبته .. حوشه الي كان ملموم بي مرته وبي بنته وولده الي ضاع بعد وفاة امه ) حاضر زي ماتبي .. هي بنتي تصبحي ع خير تبي حاجة كلميني ماتنوضيش
تغريد :: حاضر ...
___________
( أول ماطلع رضـا من دار تغريد وصكر الباب وراه . حطت تغريد راسها ع مخده وغمضت عيونها .. شويه وتفكرت صوت فراس وكلامه ليها ف المستشفى كانت متأكده انه سمعت صوت فراس وشفاته حتى لو كان صورته مدغدشه💓 .. بس كلام بوها انه جيران سمعو صوتها وهما خشو ورفعوها للمستفشى مخليها تشك ف الموضوع . لين قطع تفكيرها صوت تلفونها )
تغريد :: (ردت بدون ماتشوف رقم.. كان صوتها تاعب ) ا الو ؟
فراس :: ايوه ..
تغريد :: ( فتحت عيونها شبحت لي تلفونها كانت قعده مسجله رقم فراس .. الله فراس .. فراس الي ليه سنين ماكلمهاش يتصل توا ماكنتش مصدقه ولا حاسه بي روحها لين قعمزت باهي وقعدت ساكته تبي تسمعه يتكلم تاني )
فراس :: تغريد !
تغريد :: معاك ♥️.. ( حطت أيدها ع قلبها الي مش فاهمه علاش بي دقاته قريب يطلع برا )
فراس :: ( واقف في جنان حوش تغريد قدام روشن دارها ويشبح لي ضي دارها المفتوح .. ) قعده نايضه ؟
تغريد :: اه .. اي نايضه ..
فراس :: كيف حالك توا !؟♥️
تغريد :: . فف فراس . انت كنت معاي ف الم المستشفى صح ؟
فراس :: نـبي نشوفك .. ♥️
تغريد :: ( سكتت وكــانو دموعها ينزلو ومستغربه في روحها تمسح فيهم وتشبح لي ايديــها )
فراس :: تغريد تسمعي فيا ؟ .. نبي نشوفك
تغريد :: ت ت تت توا ؟!🥺
فراس :: اي توا .. افتحي روشن ..🔥
تغريد :: ( تغيرو ملامح وجهه لي صدمه واستغراب .. شبحت لي روشنها وحاولت تنوض )
فراس :: ( ساكت ويســمع في صوت .. نفــاسها🔥♥️ .. )
تغريـد :: شش شويه بس .. ( وقفت حست بدوخه شدت ف دولاب وتمشي بشويه لين وصلت ف روشن )
فراس :: ( شبح ضـلها .. قدم خطوات )
تغريد :: ( فتحت روشن . بعفويـة خدت نفس عميق وبتسمتــله 🥺♥️🔥.. )
فراس :: ( كان واقف حاط أيديه في جيوبه بعيد ع روشن بي خطوات . رد الابتســامه بطريـقه تجنن 🔥)
تغريد :: ( أرتفعت أبتسامتها لي ضحكه بسيطه وعيونـها يلمعو من الفرحه . قلبها كان بيوقف من نبــض سريع . كانت تشببح لي فراس بطريقه تجنن وكـأنها كانت تبي يقرب اكتر ♥️)
فراس :: ( فرحان بشوفتها تضحك . بشوفتها واقفه . بشوفتها عيونها مفتوحات . تفكر منظرها في المستشفى حس لللحظة بي خسارة تغريد مره تانيه .. ماكانش ح يتحمل مره تانيه .. 💔
🕊سبحان الله البني ادم عنده قدره يتحمل مره وحده بس .. المره تانيه ممكن يكون شعور ضعف والخوف اقوة وتحمل اقل 🕊.. )
تغريد :: ( قامــت ايدها بنفس طريقة العفوية البريئه متع تغريد واشرتله بي معنى تعالي 🥺)
فراس :: ( قدم ووقف قدام روشن بضبط .. شبح يمينه في بومشي خدي زوز حطهم ع بعضهم باش يوصل لي روشن الي كان عالي شويه♥️ .. )
تغريد :: ( خدت نفس مره تاانيه بقوة وبي رااحه كبيييرة ♥️)
( تعرــفوه شعور فقدان تنفس الي يخليك ترعشي مع بعضك ونفسك يهرب مره وحده وتبــدي تشوفي في دنيا سوداء وسمع ناس حواليك ينقــص . فجأة يحطولكـ أوكسجيـن وتتنفسي الاوله عادي تاني احسن بشوية ثــالثه تاخديــها بي كل قوة وتفتحي عيونك تشوفي كل شي واضح وتسمعي ناس كويس ورعشه تمشي وتنحي الاوكسجين وتشمي هواء ربي براحــة .. .شوفت فراس في هذاكـا الوقت خلاه تغريد تتنفس هكي ... غمضو عيونكم شوية بس حاولو تتخايلو شخص الي تحبوه قدامكم بصحه وعافيه وخودو نفس و ح تتنفسو زيها .. ♥️🔥 يارب )
فراس :: ( مبتسم .. قام ايديـــه لي طربوشها الي كان في توب متعها وحطه ع رأأسها غطــالها شعرها ♥️.. )
تغريـد :: ( حطت ايديها ع طربوش ضحكت بطريقة طفوليه حلوه ) ههههه نسيت 😅..
فراس :: لكن انى متفكــر ♥️( وســـارح فيها ومبتسم )
تغريـد :: ( سكتت وتشبحله )
فراس :: شن تحسي توا ؟
تغريـد :: الحمد لله .. ( سكتت شويه بعدين رجعت لي نفس سؤال بملامح مختلفه ) انت .. يعني انت كنت معاي ف المستشفى صح ؟🥺
فراس :: اي ... ♥️
تغريـد :: ( أبتسمت تاني من كل قلبها . ) كنت حاسه .. حسيت بيك في وقتها اصلا ♥️
فراس :: ( ساكت ويشبح لي فمهاا الي مابطلش ابتسامات 🔥)
تغريد :: علاش بابا قالي جيران رفعوني .. ماشافكش غادي ؟
فراس :: انى قلتله ...♥️
تغريد :: ماكنتش تبيني نعرف ؟؟💔
فراس :: اي ... ( سارح فيها ويرد بي كل هدوء )
تغريد :: علاش ؟
فراس :: علاش تحبي تسألي هلبا ؟ . ماكنتيش هكي
تغريد :: ( ضحكت بعفويـة )ههه . امم اما احسن توا ولا قبل 😅♥️
فراس :: ( يشبح لي عيونها بنظـــرة تقتـل .. بعدين غير الموضوع طول ) .. نبيك ف موضوع
تغريـد :: (غيرت ملامحها لي استغراب ) خير !؟
فراس :: خير بأذن الله ..
تغريد :: نعم ؟؟
فراس :: شقتك انتي ونبيل .. عندك نسخه من مفتاحها ؟
تغريد :: كيف ؟! .. علاش ؟
فراس :: تغريد جاوبيني من غير ماتسألي ... عندك ولا لا
تغريد :: لا .. عطيتهوله لما سيبت الحوش ..
فراس :: ( تنهد وشبح يمينه )
تغريد :: فراس علاش تسأل ع شقة ؟؟
فراس :: شي ... خلاص خشي وصكري روشن صقع ..
تغريد :: قولي قبل . علاش تسأل ؟
فراس :: تعرفي تخشي بروحك ولا ندفك ونصكره انى ؟😒
تغريد :: ( سكتت وتشبحله مش فاهمه علاش سأل وكان عندها فضول وخايفه في نفس الوقت . شن بيكون جاب فراس لي شقتها مع نبيل )
فراس :: خخخخشي .. 😒
تغريد :: باااهي .. ( خشت وبتصكر روشن .. )
فراس :: ( نزل وحط ايديه ف جيوبه ومشي )
تغريد :: ( لما شافاته مشي صكرت روشن وخشت لي فراشها .. ) علاش يسأل ع شقة ؟ شن بيكون بدير ب لمفتاح ؟؟؟ .. ( تفكرت بين اأسألتها هاذي أبتسامته وكيف قام طربوشها وحطه ع راسها ضحكت وغطت روحها وقعدت تشبح لي سقف وتضحك بروحها زي الهبله 😂♥️)
_____________________________________
( تـاني يوم صبـــح )
..
( قدام شقة مهيبه )
.
فراس :: سرو ..
سارة :: ( طالعه من شقة حناها ) اهلين فراس .. كيف روحت ؟
فراس :: اي كيف خشيت توا ...
سارة :: غريبه .. وين بايت زردة امس ؟
فراس :: ( تفكر لما طلع من تغريد وقعد مقعمز في سيارته قدام حوشهم ورقد غادي لين تأكد تاني يوم انه سليمان ماجاش كلم ولد بدل هوا وياه وروح ) . اه .. لالا ف المكتب قضيه جديده بهدلتني ..
سارة :: نجيه المحامي هه ...
فراس :: راكبه ؟
سارة :: اي ملوكه مدايره قهوه . بنركب نشربها ف حوشكم ..
فراس :: يزن وين ؟
سارة :: مانعرفش . نوضت صبح لقيته طالع .. هيا تعالي ( ركبت وركب وراها فراس )
__________________________
( المستشــفى )
