روايه أحببته رغم انتقامي
البارت الثاني
في مكتب فهد كان قاعد بيفكر في غرام ازاي يكسب
قلبها.
فهد لنفسة.. لو صح بتحب واحد تاني فأنا هعرف اخليها ازاي تحبني انا مش البت دي متبوصليش
دي انا البنات بتترمي تحت رجلي عشان ابصلها و هي ولا معبراني ولا كأنها شايفاني.
كان في ماج قهوه على الطرابيزة راح فهد ذقة بعصبية.
فهد بعصبية.. يا منى يا مننني.
مني السكرتيرة بتاعتة بس بت ملزقة في نفسها.
دخلت مني بمياعة.. نعم يا فندم.
فهد بهدوء.. هاتيلي فنجان قهوة و ابعتي حد يجي يلم الفنجان المتكسر.
مني بمياعة.. حاضر مسيو فهد تأمر بحاجة تانية.
فهد بهدوء.. لا اتفضلي.
خرجت وهي بتمشي بمياعة و هو فضل يفكر في
غرام ليسة شايفها امبارح و عمال يفكر فيها.
فهد.. ايه دي صورتها مش راضيه تفارق خيالي لية
من اول ما شوفتها.
وبعد مرور الوقت بعد العصر كان فهد رجع من الشغل و كانت غرام و ولاء و مريم و جودي قاعدين في الصالة بيتكلمو و دخل عليهم فهد.
فهد بمرح.. ها يا قطاقيط عملين ايه النهارده.
جودي و ولاء و مريم بابتسامة.. عملين حلة محشي
و انتا عامل أية.
فهد بمرح.. و انا كسبت الصفقة بتاعت النهارده و شكرو في شرحي للمشروع و وافقو عشان انا اللي شرحت بكل براعة.
من اول ما دخل فهد عليهم و غرام مدتلهوش أي
اهتمام و ماسكة التليفون و مركزة في و هو كان
بيقول كده عشان يلفت انتبها.
ولاء بابتسامة.. اشطي يابا ربنا يسهلو على النجاح.
فهد بابتسامة.. خمسة في العين.
كلهم ضحكو إلا غرام اللي ماضحكتش.
فهد بابتسامة.. مساء الخير يا غرام.
غرام بهدوء.. مساء النور.
فهد بابتسامة.. عاملة ايه النهارده.
غرام بهدوء.. كويسة.
راح فهد قعد معاهم في الصاله مع البنات و كل شويه
عينية تيجي على غرام و تليفون غرام رن و مش راضيه ترد عليه و هما مستغربين انها مش راضيه
ترد على الاتصال المتصل رن مره و اتنين و رن
للمره الثالثه و شافتها ولاء.
ولاء بابتسامة.. غرام التليفون كذا مره بيرن.
غرام بهدوء.. عادي خلية يرن.
ولاء بهدوء.. ليكون حد عايزك في حاجة مهمة ولا
حاجه.
غرام بهدوء.. طيب لما اشوف.
راحت مسكت التليفون و فتحت على المتصل
و فضلت ساكتة و طبعا فهد كان متابع الحوار.
المتصل ادهم بابتسامة.. ازيك يا وحش.
غرام مش راضيه ترد عليه و قعدت حاجبيها.
ادهم بابتسامة.. عاملة ايه النهارده يا وحش.
بردو مش بترد عليه و ساكتة و هما مستغربين انها مش بترد علي اللي بيكلمها.
أدهم بهدوء.. انا عارف اني غلطت اني بقالي يومين ما اتصلتش عليكي انا اسف.
غرام فاضلة ساكتة و مش راضيه ترد عليه غير أنها بتسمعه.
ادهم برجاء.. واللهي كان غصبن عني اليومين دول
و الشغل كان كابس على نفسي و معرفتش اتصل
عليكي ولا كنت عارف اخد استراحه خالص
ماتزعليش مني واللهي ما هعمل كده تاني.
أخيراً غرام ردت.
غرام بثبات.. خلصت اللي عندك طيب سلام.
ادهم بلهفة و سرعة.. لا لا لا استني واللهي ما هعمل كده تاني بس سامحيني انا عارف اني غلطت لما اليومين دول ما اتصلتش عليكي بس واللهي الشغل كان واخد كل وقتي و معرفتش اتصل بيكي سامحيني ارجوكي انا اسف انتي اصلا قلبك طيب
و هتسامحيني صافي يا لبن.
غرام بهدوء.. و ايه المقابل اني اسمحك.
أدهم بفرحة.. أيوة كده القلب الطيب اللي بيسامح
عايزه ايه و اجبهولك.
غرام بابتسامة.. عايزه ست علب شوكولاته بابلي.
ادهم بابتسامة.. ماشي يا وحش و انا جاي هجبلك
صافي يا لبن.
غرام بابتسامة.. حليب يا قشطه تيجي بالسلامة يا
جو كلمت وعد ولا ليسة.
ادهم بابتسامة.. لا ليسة بس لو شافك عمر بتكلميني
كدة هيغير مني.
غرام بهدوء.. لا ماتخفش على عمر مش هيغير لأن هنا الأدوار اتبدلت و انا اللي بغير عليه مش هو
صح لما تيجي انا وانتا نروح نشتري شويه حاجات لشقت عمر لاني كسرتلة اثاثيات في الشقة كنت كل
يوم بكسرلة حاجه.
ادهم بابتسامة.. ما عارف هو انتي ماكسرتيش حاجه غير كده.
غرام بهدوء.. لا بس شلفتلة وشة ما انتا عارف المساج بتاعي عامل ازاي خليتة لمدة أسبوع في الشقة مش بطلع بمنظرة ده.
أدهم بابتسامة.. عاش يا وحش و هحضرلك مفاجأة.
غرام بهدوء.. ايه هي المفاجأة دي.
ادهم بابتسامة.. ما أنا لو قلتلك مش هتبقى مفاجأة.
غرام بهدوء.. طيب و امتي المفاجأة دي.
ادهم بابتسامة.. لما اجي هتعرفيها سلام يا وحش الوحوش.
غرام بابتسامة.. مش لدرجادي يالا سلام يا جو.
وبعد ما قفلت الاتصال مع ادهم.
ادهم اخو غرام اكبر منها بسنتين لون عينية زرقاء
أبيض شعره اسود ناعم و طويل و عريض.
وطبعا ولاء و مريم و جودي و فهد كانو قاعدين معاها و هي بتتكلم و مركزين معاها و نظرت فهد
اللي عايز يعرف مين اللي بيكلمها و هي طبعا قرأية
كل اللي حواليها و فهماهم كويس أصلها بتقراء الأفكار.
