عيسي بحزن شديد و دموعه في عينيه.. ماينفعش
كده يا استاذ وحد الله انتا مؤمن بالله و دي إرادة
ربنا هو جابها و حب يخدها تاني و دي اختبارات من
ربنا ليك احمد ربنا و البقاء لل.
و فاجأة و صدمة كبيرة للجميع الجهاز طلع صوت
رجوع غرام للحياة مرة أخرى و هي صوت نبضات
قلبها رجعت تاني تنبض للحياة و الدكتور و مي و
كوثر مصدومين أنها بعد ما ماتت رجعت للحياة مرة
أخرى و فهد من فرحته سجد على الأرض يحمد ربه.
فهد بابتسامة وسط دموعه.. مش قولتلكم أنها عايشه
لأنها عمرها ما تروح و تسبني لوحدي الحمد لله ربنا
رجعهالي تاني.
الدكتور عيسي بدهشة و فرحه.. انا اول مره اشوف
معجزه حد يرجع للحياة بعد ما مات دي بجد معجزه
أنها رجعت بعد ما فقدنا الأمل ربنا شاف صدق حبك
ليها عشان كده رجعهالك ألف سلامة عليها.
فهد بلهفة.. انا هقعد معاها.
الدكتور عيسي.. مش هينفع عشان لازم اكشف عليها
و دلوقتي اتفضل و بعد ما اخلص هطمنك عليها.
فهد بفرحة خرج من الغرفه أن حبيبته رجعتلة تاني
برا الاوضة الكل كان منهار من العياط و خرج فهد و
على وشه الفرحة و بعض الراحة.
فهد بفرحة.. غرام عايشه ماستسلميتش رجعتلنا تاني.
ادهم ببكاء و لهفه.. انتا بتتكلم جد غرام عايشه.
فهد بفرحة.. جد الجد كمان غرام مش ممكن تسيبنا.
و بعد مرور الوقت خرج الدكتور ببعض الارتياح.
فهد بلهفة.. طمني يا دكتور بقيت كويسة.
عيسي بهدوء.. أولاً ألف سلامة عليها ثانياً حالتها
خطيرة و مش مستقرة و عشان كده دخلت في
غيبوبة.
فهد بصدمة و لهفه.. هتفوق امتي منها.
عيسي بتوتر.. الحقيقة معرفش ممكن يوم اسبوع
شهر سنه الله اعلم و دلوقتي هينقلوها العنايه
المركزه و قعدتكم دي مافيش منها فايدة ليها عشان
كده اتفضلو روحو ارتاحو و ألف سلامة عليها للمرة
الثانية عن اذنكو و ربنا يقومهلكم بالسلامه.
مشي الدكتور تحت صدمتهم و بعد مرور الوقت الكل
