بعد مرور الوقت كانت غرام تغرق في النوم العميق
و فهد اول ما شافها نامت و آنفاسها انتظمت راح ليها
بكل هدوء و قعد جانبها على السرير و هو بيبوص
عليها و بيتاملها و بقرب منها بدون وعي و باسها من
جبينها و من خدودها و بعد كده قرب منها و بدء
يبوسها من شفايفها بكل رقه و بدأت بوستة تتحول
بوس غير متناهي بشغف و فاق على نفسه أنه بيعمل
أية و غير كده هي نائمه قام من على السرير و كانت
رغبتة منها هي اللي مسيطرة.
فهد لنفسة.. اية اللي انا بعملة دي هي رغبتي
هتسيطر عليه و هي نائمه اعمل معاها كدة لا لازم
امسك نفسي اكتر من كده مش لازم أضعف أنا احسن
حاجه اروح انام.
و راح على الكنبة و نام و راح في نوم عميق
******************************
يبدء يوم جديد بالاحداث الجديدة على أبطالنا
بشروق الشمس في غرفة فهد كان ليس بيصحي و
شاف غرام واقفة على المرايا بتعمل شعرها
بالاستشوار كان شكلها جميل اوي كانت لابسه
بنطلون جينز اسود و قميص ابيض قعد ينظر لها
بكل حب و يتأملها.
فهد بحب.. صباح العسل و الياسمين.
غرام بكسوف و ابتسامه خفيفه.. صبح صبح يا عم
الحاج كل ده نوم.
فهد بمشاكسة.. اعمل ايه بقى في واحدة معايا نازله
شخير ماكنتش عارف انام منها.
غرام بصدمة.. أنا بشخر دي اللي ما كنتش عارفه انام
منك و من علو شخيرك اللي عامل زي شخير
الجواميس.
فهد بابتسامة.. يعني احنا الاتنين بنشخر زي بعض
و دي حاجه مشتركة بينا.
غرام.. اشلح يلا.
فهد بدهشة.. يلا انا فهد الصاوي تقوليلة يلا.
غرام بغرور و ثقة.. و انا غرام الجارحي و انتا اصلا
كنت تطول اقولك يلا.
فهد بابتسامة.. ايه الغرور دي كلة.
غرام بابتسامة خفيفه.. دي تواضع مني مش اكتر.
فهد و هو رايح يدخل الحمام و كانت غرام بتاخد
برشامتين و هو بيبوص عليها.
