هاي
منو خلص السادس اليوم؟ خلصت ٤٣٥ يوم من الضغط و العصبيه و الدراسه و الامتحانات
بس اجلت مادتين للدور الثاني " فيزيا و رياضيات " الي باي ذا وي انا الأفضل بيهم لكن ما قدرت احل اكثر من ٧٠ لذلك قررت أأجلهم بلكت بالدور الثاني اجيب درجه أعلى
ولا أكدر اكتب ولا اسولف عن السادس مع انه جان عندي سوالف هواي و تصاميم اريد اسويها بس فقدت الشغف بعد إمتحان اليوم و كميه البكاء الي خضته
اكثر من ٤ ساعات قبل الامتحان و بعده يمكن ساعتين و بكاء متواصل مو عادي لا بحيث احس عيني ورمت حاليا
اهلي ينتقدوني لان مرضيت بال٧٠ و اجلت و تحت جمله "منو يكول الدور الثاني اسهل " ،المشكله اني يحجون و كاعده ابجي اكثر تدرون ليش؟ لان اني مقريت الماده كامله اصلا بسبب مماطلتي لذلك مكدرت اجاوب مو لان الاسئله صعبه لا عادي الكيميا هم جتي صعبه و جاوبتها كامله يمكن تجيني ١٠٠ هم
ك معلومه اني اريد هندسة معماريه و معدلها بالعراق يتراوح بين ال٩٠ لل٩٦ لذلك اذا جبت ٧٠ بأي ماده ف لازم أقره على حلمي السلام
تدرون المشكله وين؟ ما ادري اذا اريد المعماري صدك لو لا
راح اسوي مقارنه و اطوني ارائكم
المعماري
٥ سنين
تخصص صعب جدا و النجاح حسب مزاج الدكاتره
يحتاج صرف مبالغ عاليه على الأدوات و المشاريع لان كلها على الطالب
حلم الطفوله و احب ارسم ال architecture sketch جدا و راسمه مجموعه كيوت
ممكن ما اطلع معدل ال٩٠ اصلا
ميتوفر تعيين يعني اروح شركه اهليه اشتغل بيها ١٢ ساعة علمود ٤٠٠ دولار بالشهر و هم يجوز اقل لان حسب الخبره
اي تخصص ثاني
ممكن بي تعيين اذا كنت من الأوائل
معدلات عاليه و ناصيه عادي بدون تحديد مثلا هندسة البيئه ٧٦ و الليزر ٩٣ و اثنينهم بيهم تعيين
الدراسه صعبه بس بدون مشاريع وسوالف المعماري
اخلص ب٤ سنين بس
تعيين = راتب زين أكدر أعين بي نفسي بدل الإعتماد على أهلي
ممكن ما احب القسم كلش و تظل رغبتي بالمعماري بس على الاقل ترضه خبيره الازياء الي بداخلي لان اذا فلوس يعني ملابس و كلشي اريده
هسه برأيكم اي شي اختاره افضل؟ ولو هذا كله مستعجل عليه ما ادري يجوز المعدلات تنزل و ما ادري الله شنو مختارلي قسم و يجوز ما اجيب المعدل الي يطببني معماري بس يطببني قسم ثاني بي الخير اليه او يمكن ما اتحمل دراسه المعماري الصعبه و الشغل الي يكسر الظهر من رسم و صناعه يدويه
" ما خفاه الله عنا كان اعظم "
ادعولي ما اماطل و اجاوب زين بالدور الثاني صح هوه بعد ٤٠ يوم لكن راح أحاول ابدي بالدراسه بعد كم يوم و أقصى شي أسبوع .
أتمنى البارت الجاي اكون دا ابشركم خلصت من السادس اخيرا
أنت تقرأ
INTP
Spiritualعالم الINTP و كل ما هو به من خلال فكري كشخص ينتمي الي أفضل الفئات كمذكرات و خواطر و كلمات و اقتباسات و كل ما يتعلق بهذه الشخصية الرائعة #سليلة_أينشتاين
