الرواية : السراب
الكاتبة: طيبة
^^^^^^^^^^^^^^^^^^^^^^^
انتَ سفر دنيا وحلم مبيوگ مر صدفه وخلص وگته
احمد: اليوم بالليل راح نجيكم اني وامي بموضوع مهم حضروا روحكم
جلنار: يمعود يراد موعد الكم قابل تنورونا بأي وقت البيت بيتكم
احمد: بس هاي الجيه مو مثل كل جيه
جلنار بفضول : ليش شنو شبيها هل المره
احمد: بالليل تعرفين لا تستعجلين ع رزقج
جلنار : ننتظر الليل شعدنا قابل
طلعت من البيت ورحت لبيتنا فتحت الباب ودخلت
دخلت للمطبخ اباوع ملامح البيت باهته احس حته الالون متغيره ماكو لا صوت ضحكه بي هدوء مستفز
افتر بالبيت كأنما اول مره اشوفه علا تغير تغير جذري
بقيت نص ساعه انظف البيت قبل ما اسوي الغدا بثواني
رجع بكر
فتحتله الباب
جلنار: هلا بكوري
بكر: هلا جنه شونج
جلنار: الحمدلله حبيبي انت شخبارك
بكر: والله بهل الشغل المايخلص ترا ميت من جوع فدوه رايد لكمه اكلها
جلنار: شوف الغدا بعده ما جهز واللله جنت بالمدرسه جبت نتيجه وتاخرت شويه ويادوب نظفت وانته اجيت
بكر: يي وبكم درس
جلنار: لك ناجحه يا كم درس
بكر: كولي وروح امي
جلنار: وروح امي ومروان
اجه بابتسامه حضني وكال : والله كفو من اصلج يا سجاجه يا ذكيةة اخخ بعد اخوج
جلنار: يحبيبي انته فدوه رحتلك يلا فوت خل اسوي غده بين متسبح
بكر: لا تسوين شي خل اروح اجيب كباب وصمون وبيبسي نحتفل بنجاحج
جلنار دمعت عيني وكتله : ياروحي انته الله لا يحرمني من وجودك
بكر : الله يفرحني بيج يلا سدي الباب وفوتي لا تفتحين لاحد ترا ظهريه وتخوف
جلنار: تمام
راح وسديت المشبك والباب
وحدي بالبيت الشعور قاتل افتر بالبيت وحجي بداخلي
شيصير لو امي تشاركني فرحتي شيصير لو نبقى بدون فراك قاطعت اافكاري بعيطه من اعماق روحي
شيصيرر شيصيرررر
اخخخخ ربيي هذا اختبارك صعب صعب
احجي والطم ع رجلي
حطكككك من الوحده الي اني بيها اريد ناس تواسيني تحجي وياي حسيت روحي بيه توحد
اباوع للبيت شريط حياتي يمر كدامي بكل دمعه بكل ضحكه
كاعده واسمع صوت البوري ينقط مي وصوت الساعه الي يخنك عبالك عداد موتي ضليت صافنه واسمع
حطيت ايدي ع اذني وكرفصت
كااافي كااافي كااافي عذااب عذاااب هذااا
كمت شلت الساعه وركعتها بالكاع صارت طشار
كككافي لخاطر ربج اسكتي كافي خنكتيني
كعدت بالكاع منهاره حسيت براحه بعد ما عيطت وكسرت احس جنت مخنوكه بدمعتي ليل ونهار
باوعت للتكسير الي سويته كمت جبت مكنسه ومكرفه
لميتهم ومسحت مكانهم وصعدت سبحت بمي حار يجوي
حسيته مثل حراره كلبي هيج تحرك روحي
طلعت لبست دشاشتي السوده
ونشفت شعري
اباوع للغرفه فارغه وين جانت بصوتنا تزهي
قاطعتني دكت باب المطبخ فزيت نزلت اركض
فتحت الباب
بكر: وينج خويه مو صار ساعه ادك الباب
اخذت من ايده العلاليك وكتله : اسفه مسمعت والله
بكر: يلا مصار شي
ابويه اجه لو بعده
جلنار": لا بعده
أنت تقرأ
السراب
General Fictionالاحداث تبدأ من محافظه الانبار لتنتقل فجاءة لمحافظة اخرى بنت بمنتصف العمر تبدأ حياتها بالانقلاب تابعوا لمعرفه الاحداث....
