السراب

البارت 19

الرواية :السراب
الگاتبة :طيبة
.....................................
أبيَض روَح بَس حچايتك سمرهَ.
.............................................
الانبار
ساعه 4:15 عصراً

_ ها يروح حمد صرتي حلالي من اليوم

همست
_الحمدلله
_ بس شنو اليوم طالع كيك اكلك!

_ احمد حسك منا العالم

_ وشكو يعني مسوي شي غلط حلاللي

_ اي بس مو كدام العالم عيب
حط حلكه يم اذني وهمس

_ احبج وميهمني بشر دام صرتي الي

باوعتله ورديتله بكلمه
_ احبك

ضلوا يركصون وخطيه عمه ام احمد ميته من الفرحة هي وخواته تركص والضحكه تارسه وجها
وكلشوي تجي تبوسني وتبوس احمد

لبسنا الحلقات والذهب واخته ساعدتنا وهو كل ما يلبسني شي يكولي احبج
تعالت الهلاهل والدنيا ما سايعته من الفرح جان حرفياً احلى يوم بعمري

لهناك وكطعوا ركص وراحوا جابو كيك والبيبسي
وكعدوا يأكلون واحمد هم طلع وي الزلم

خلصت مراسيم الحفلة بعد شيفت ثاني للركص والعالم بدت تروح
صارت ساعه ب 7

وكلت لاسماء تصيح خاله
_ هايمه صحتيلي
_ خاله اريد اگوم ابدل حبابه متت من الكعده والله

_ اي يمه اي كومي خل بنيه تصعد وياج وبدلو ومسحوا المكياج كافي طلابه

_ صيحيلي شذى

ردت اصعد استوقفوني كم مرأة يباركون الي
حطيت الشال ع راسي وغطيت سنودي
وردت اصعد سمعت صوت من ورايه
_ الف مبروك جلنار
التفتت شفته رواد واكف لابس ملابس عاديه وعيونه حمر وجهة لونه ميتفسر
_ تسلم الله يبارك بيك العكبه الك نشالله

_ الله كريم

ردت اصعد جان يكول
_ ذهبج نازك هذا اختيارج
_ ذوقي وذوق احمد

_ هاا خووش
_اي
عفته وصعدت فتت للغرفه سديت الباب ومددت ع الجربايه من التعب الفضيع

انفتح الباب دخلت شذى
_ يبو عروسات تالي وكت دكومي بدلي مو من يمي اختنكت
_ لج تعبانةة والله احس جنت بالجهاد
_ ههههه حقج حقج
_ تعاي افتحيلي السحاب ترا راح اموت فد ضيك حصرني حصر

تفتح بالسحاب وتحجي
_ كل يهون لخاطر حمد
_ يوو فدوه لروحه لج هيج فرحان هيج يحبني ربي لا يحرمني منه نشالله

_ اووي لح والله مبين عليه فات مثل الطير الا شوي يطير من الفرح

_ بس عليج الله شحجيتوا
_ مو شي مهم والله خلصها احبج واحبج
_ لج هي بس احبج يرادلها خبر عاجل مو بس شي مهم
_ هههههه نعلا علا بليسج انت عبالك برنامج نكات موبنيه
_ شسوي غير اونس نفسي
_ اي والله عاشت ايدج لو هيج العيشة لو ما تنراد
نزعت ملابسي مسحت المكياج فليت التسريحه
وطبيت سبحت بمي حار