السراب
جمعه مباركة عليكم متابعيني الحلوين هذا البارت الثاني اتمنى يكون عند حسن ضنكم ♥️
بية صفنة ،
تروح يم عتبة ڪلبهم
هَســه حنـو..؟
لاا بعدهم..
يمڪـن يهزهم حنين..!
وأرجع بـفشلة ظنوني ،
والصدى بخطواتي أحسه
يغني بـيـه تايبين
..!
مشيت دا ادخل للبيت شفت احد سد الباب قبل لا اوصل كلت اكيد هذا مروان ديتشاغه دكيت محد طلع .
رحت من وره البيت عدنا باب يدخل ع المنور الوره
شفت الباب مفتوح
خفت وكلبي دكاته الف شفت اثار حذاء البيت
فارغ ريام بالدوام ومروان هم وبكر بالشغل وابويه هم
اصيح ماكو احد يرد فتريت الغرف بعدين
فتت لغرفه امي وابوي واكو اثار دم اثار دقيقه واكفه استوعب الي صار
امي بالكاع براسه دم بحيره دم بالاصح
البيبان مفتوحه مال كناتير
وانسان واكف
وهوسه فضيعه بداخل عقله
رحت ركضت ع امي ماما يوم بس فتحي عينج اريد اعيط صوتي ماكو اريد اكوم حيلي يررجف
كمت اصيح بس بصوت يرجف ميسمعه الي بصفي مع العلم جان اقوه شي عندي
كمت ركض مدري وين اروح رحت مطبخ بعدين طلعت للمنور للشارع طلعت اعيطط واركض
جلنار: امييييي ياااااا ناسسسس يا عاااالم امي حتموت
جيرانه بيت ابو رياض طلع:: عمووو شبيج احجي
جلنار: بصوت يرجف ودم تارس ايدي عموو امي دخلت لكيتها مكتوله
ابو رياض: ياستار يا ربي دخلك ارحمنا وركض لبيتنا
طلع احمد مخروع من بيتهم اجه حته بدون نعال
احمد: جلنار شكوو شبيج
جلنار :عفته ومثل المخبله رحت للبيت شفت عمو ابو رياض
ابو رياض : يلا بنتي جيبي عبات امج وتعاي ناخذها لمستشفى لا تخافين بعدها عايشه
جلنار: احمد وابو رياض وكم شخص وياهم شالو امي بس سوده عليه بيضه صايره مابيها روح
جلنار : كمت مااسيطر كوه لازمه العباه واركض
رحت صعدت ليوه راسه بحضني وغاركه بدمها بملابس مدرستي ورجليها بحضن احمد
جلنار: بدموع وبصوت ناصي ويرجف ماما اكعدي لا تعوفيني بعدني صغيره
احنا نحبج لاتعوفينا منكدر نسوي شي بدونج اهئ اهئ اهئ
مو علمودنا علمود بابا مو تحبي لاتعووفيناا
احمد: جلنار عود انتي القويه خل امالج باالله جبيره مابيه شي نشالله
جلنار: اسكت احمد لخاطر ربك باعها خركانه بدمها
حياتي وياها وطفولتي مرت بشريط خلال2دقيقه
وصلنا المستشفى نزلوها جابو سديه ع سريع حطوها
ونركض وراها
الممرضه : الغرفه بيها مرضه تبقون هنا بدون بجي ونوح
ابو رياض: عمي والله مانخش بس طمنينا عنها ذب راسها ددم جثير
دخلت الممرضه واحنا ننتظر
اخذو اسم مواليد امراض مزمنه وراحو
جلنار: ناس طابه وطالعه واحنا نسأل وكلها تكول مادري
ساعه ونص صارت ومنعرف ميته لو عايشه
واني الله شمنزل عليه دموع كتيتها كلها
كعدت بالكاع مرجعه راسي ليوره عيوني غوشت من الدموع اكو خيال بعيد مسحت عيوني مره مرتين شفت بابا
ويه بكر
عيون بكر حمر مبين باجي
وابويه ديبجي اصلا
الاب: ابو رياض اخويه ابيش اجازيك
رحت اركض
جلنار :بابا ماما اني شفت دمها صاربحيره بابا خلص دمها يمكن محد طلع بعد اهئ اهئ
الاب وبكر بحضنه حزن: لا والله امكم قويه ابد متعوفنا تكوم هاي مريمنا انمرمرها ومترمرنا
جلنار :مسحت دموعي وضحكت ييصح احنا نمرمرها
هذا جان شعارنا اذا امي تضوج
انتي مريمنا انمرمرج ومتمرمرينا
حضن ابويه وبكر كلش حسسني براحه انو حتعيش لان ذوله اكثر ثنين حنينين بالبيت
وره 15 دقيقه ضبط طلع الدكتور
رحنا كلنا حاوطنا الدكتور وبهدوء واكفين بس بابا يحجي
الاب: بشردكتور شونها المريضه مريم
الدكتور: انتو تقربوها
الاب : يي دكتور انه رجله وذوله ولده
الدكتور: طبعا بالبدايه اجتي حالتها صعبه لو متأخرين ماعتقد تبقه
خسرت دم هواي ال48 الجايه حتكون خطره احتمال نحتاج دم فصيله دم نحتاج
b+
كلنا فرحنا طبعا انو اكو امل تعيش لان جنه خايفين كللش
بس اكيد الخوف بكلوبنا
واني ضليت ابجي بدموع حاره تجوي خدودي
وانفاسي تلفح حراره
أنت تقرأ
السراب
Ficción Generalالاحداث تبدأ من محافظه الانبار لتنتقل فجاءة لمحافظة اخرى بنت بمنتصف العمر تبدأ حياتها بالانقلاب تابعوا لمعرفه الاحداث....
