♥️مرحبا اني طيبة كاتبة القصة قصتنا تتكلم حول احدى فتيات مناطقنا الغربيه عاشت مواقف مختلفه منها حزن ومنها فرح حتى ما اطول عليكم تعرفوا عليها وعيشوا وتعلموامن كل لحظه نعيشها ويه جميلتنا اتمنالكم وقت ممتع
بارت1
مرحبا وياكم بطله القصة اعرفكم عني اني جلنار من الانبار عندي 3 اخوان
سفيان اكبر واحد
ريام الثانيه
مروان الثالث
واني اصغر وحده دلوعه البيت
واكيد بابا مالك
وماما مريم
بيوم من ايام الشتاء الباردة جنت نايمه وحسيت احد يدغ بيه فزيت شفت بابا
الاب:يلا بابا كومي الساعه 7مو وراج دوام ليش نايمه شوكت تعتمدون ع روحكم صغار انت خوما صغار
جلنار: محسيت والله جنت اقره ونمت متأخره
كمت غسلت وجهي وبدلت لميت شعري بكيتر سويته كبه
ريام: اكلج جوجي وين حذائي
جلنار: والله مادري شوفي جوه الجربايه
ريام: ماكو ياللله تعاي دوري تأخرت
جلنار: اهووويعني غراضج وماتعرفين وين تحطيها
هزيت ايددي
ونزلت بيدي الجنطه والحذاء ذبيتهم بباب المطبخ وفتت رحت للصاله صباح الخير ماي فاملي
الاهل: بابتسامه جماعيه صباح النور
الام: يلا اكلي الج شي قبل لا تروحين حتى متضلين جوعانه
جلنار: ماما والله مااشتهي بس انطيني جاي بعدين اكل بالمدرسه
الام: يي ضلي ع هل الاكل التعبان علساس يعيشج
والله اذا تتمرضين حبايه ما انطي ولا دكتور اودي
مروان : بضحك. بالنعال بس تكول اني مريضه
جلنار: نننن اني عندي بابا الله لا يعوزني نشالله
المهم صبوجاي خل اروح ورايه عربي لعب نفسي والله افهم وانسى بسرعه
الام: يمه قريتي زين لو لا
جلنار: يي والله يوم حته الي مفهمته حفظته غصب ع عقلي
الام: هاهيه الله ميضيع تعب احد
جلنار : نشالله
بكر:تعاي بعد روح اخوج اخذي لفه وحده موزين وحك الله صايره تخوفين ومصفره
جلنار: حبيبي والله مااشتهي اكل هناك
يلا مع السلامه
جلنار: اخذت جنطتي ورحت للمدرسه طلعت من البيت اتمشى وصوت العصافير والجو يجنن اتنفس شهيق زفير وامشي
وسيارات رايحه جايه
دامشي وسارحه بخيالي سمعت واحد يكول لج شهل الطول شهل الحلو نهار وبي كمر وين صايره هايي
جلنار: كلبي دكاته صارت الف من الخوف كتله ويايه اخويه
الولد: اخويه! لا ترا هاي واكفه
جلنار: لا واكفه ولا كاعده روح لا اصيح ابويه
الولد: هوه وينه حتى احجي وياه اكوله عمو بتك مصيبه
ورايه واحد كال شونج باوعت شفته احمد ابن الجيران
جلنار: هلو احمد شونك
احمد: الحمدلله وانتي خوما احد مضوجج
جلنار: داحجي وي احمد شو هذاك الولد راح يركض بالفرع باوعت لاحمد ههههه عود كتله اصيح ابويه يكولي يي وينه وهوبس شافك طفرر ههخ
نمشي ونحجي
احمد: بوخه هم ذول زلميش وحك الله امرعده لوباقي
جلنار : لايمعود ميسون
احمد: ميسون ووجهج صار برتغالي هههه
خجلت كتله والله اخاف وهوه عبالك سكران
احمد: غدي الله لايرحم كل واحد يشرب سم وزهر
جلنار: لا عليك الله كول الله يهديهم
احمد: يلا ام كلب الحنين ادخلي للمدرسه صديجاتج واكفات و كبل للبيت ترا جلاب هواي بالمنطقه
جلنار: تمام باي
دخلت لباب المدرسه
البنات: لج شهل الخلقه وحك الله تشك
جلنار: عزه العزاجن يمحمد فضحتني لاتباوعنن وغمه نشالله
البنات: بس والله تخبلون
جلنار: خزرتهن يلا امشن بلا استهتار خ نراجع ترا ماتخلي بينا عافيه ام العربي
البنات: يلا
فتنا وامتحنا وكاعدين احنا بأخر درس والبنات التمن درس شاغر
البنات: هم راح ياخذج بالرجعه
جلنار باستغراب : منو هو !
البنات : احمد كبور لطمتج رجال يخبل ما ابالج
جلنار : لاوالله ما ابالي واذا يجي مو تضل صافنات بوجهو ونتخزه وحك الله بعد ولا اعرفجن بعد
البنات: من بعيد والله
وصوتجن الفضيحه
البنات: والله ولا نفتح حلوجنا
جلنار :نشوف
دك الجرس وطلعنا شفت احمد واكف بالباب لابس دشداشه رصاصي وهو ابيض طالع حلو الصراحه
البنات : دخيل محمد يربججج جعل محد يلبس هلدشداشه غيرو
جلنار: ولجن كصرن حسجن الله يخزيجن يمحمد
رحتله كتله شهل الزحمه جاي مالها داعي ترا وبارده جو مو مال طلعه
باوع عليه
احمد: ترا مو عليج احمد: ترا مو عليج جاي جاي ع شخص ثاني اعزو
جلنار: وجهي صار احمر من الخجل اعتذر عبالي عليه جاي اروح جان يكول
احمد: انه جلنار اعزها وجاي عليها
جلنار: بأبتسامه اسكت والله فشلت من روحي عبالي صدك
احمد: لا عمت عيني عليج ما اكصد والله داتشاغه
جلنار : مصار شي يلا خل نروح صرت قطعه ثلج من البرد
احمد: يلا امشينا
مشينا الطريق كله ضحك وسوالف عاديه
وصلنا للبيت هو بيته قبل بيتنا كال راح اكف هنا ادحجج(اباوع عليج) من تسدين الباب اخش (ادخل)
كتله بخجل تمام
مشيت دا ادخل للبيت شفت احد سد الباب قبل لا اوصل كلت اكيد هذا مروان ديتشاغه دكيت محد طلع
رحت من وره البيت عدنا باب يدخل ع المنور الوره
شفت الباب مفتوح خفت وكلبي دكاته الف شفت اثار حذاء
فتحت البابشفت الباب مفتوح خفت وكلبي دكاته الف شفت اثار حذاء
فتحت الباب صحت مروان هذا لعبك بطله ميضحك فتت البيت فارغ اصيح ماكو احد يرد فتت لغرفه امي وابوي واكو اثار دم
وهنا جانت الصدمهه......
اكتبولي بالتعليقات انزل بالبارتات البقيه لو لا
واذا عجبتكم انطونا توقعاتكم الحلوه
ولا تنسون التصويت ♥️
گاتبه طيبه 💕
أنت تقرأ
السراب
قصص عامةالاحداث تبدأ من محافظه الانبار لتنتقل فجاءة لمحافظة اخرى بنت بمنتصف العمر تبدأ حياتها بالانقلاب تابعوا لمعرفه الاحداث....
