السراب

البارت27

الرواية :السراب
الگاتبة :طيبة

*****************************
لعيونك الحلوات صدگني أشتاك
ماأصبر بلياك واتحمل افراك

صارت ب12 وهوه ماكو احس روحي كامت تطلع ادك عليه يطلع الهاتف مغلق تخبللت ضليت ابجي واضرب بخدي

وصلت مرحلة ماكدر اتحمل لبست شالي وردائي وركضت لبيت ابو رياض

دكيت الباب محد فتح  مره مرتين لحد ما وكعت ايدي يلا فتحو طلع عمو ابو رياض
-خير عمو جنه صاير شي
_عمو بكر بكر
احجي واشهك
_شبي بنتي شبي
-مااكو مارجع للبيت من 9 ليهسه انتظره وماكو دكيت عليه جان يدك ومحد يشيله بس هسه صار مغلق بالمرة  وابويه دك واني مكتله خفت يضل باله
وماعندي احد غيرك اجيت عليه

طبك ايد بأيد وباوعلي
_لا حول ولا قوه الا بالله بنتي دخلي دخلي
-عمو فدوه خاف بمستشفى خاف بمركز تعال ندور سوه عليه
_امشي دخلي  بنتي هسه اخذ رياض ونروح وانتي ادخلي يم خالتج والبنات
مسحت دمعي ودخلت كعدت بالصاله
_ اروح اكعدهم واجيج
_عمو خطيه عوفهم اني اروح للبيت وانتو ردولي خبر
_لا بنتي شون اخليج بوحدج بهذا الوكت المزلك
راح يكعدهم وااني بقيت بالصاله من التوتر ماكدراكعد ضليت رايحه جايه واني ادعي يرجع بسلامه
فزيت ع صوت ام رياض
_ خير يمه جنه شصار
التفتت بفزه
_هلا خاله اعتذر لان كعدتج بهيج وقت بس والله معندي احد غيركم
_  مااما شون حجي هذا انتي مثل بتي الله شاهد والي يجرالج يجرالنا
_ تسلمين خاله والله من ال9 لهسه عقل ما ضل براسي افكار المشؤمه متروح  من بالي
_اكعدي ماما  وستهدي بالرحمن وهسه عمج ورياض يدورو ونشالله يلكوه
_نشالله نشالله
كعدت واني احس روحي مفرفحه من العطش
دخلو علينا رياض وابوه مبدلين
_الله يساعدج اختي
_اهلا اخويه
-احنا هسه راح نروح وندور تكعدين هنا لحد ما نجي  ومتوصلين لبيتكم بوحدج صايرين
-صايرين  بس فدوه لا تخلون مكان يعتب عليكم
هز براسه والتفت لامه يحجي وياها
-يمه ما اوصيج الدنيا ليل وتخوف لا تفتحون الباب الكائن من يكون
_اي وليدي ابد بس روحو طمنونه عن الولد
_انشالله خير يلا اودعناكم 

طلعو واني ابجي وادعي وام رياض اطبطب عليه 
_ياربي يحبيبي رده سالم غانم ياارب مالي غيره
_كولي يالله خاله ولا تهلكين روحج حرام ميجوز
-الله يرجعه النا يخاله والله مالنا حيل ع مصيبه ثانيه 
_الله كريم وارحم بعبده
مرت ساعه وماكو خبر
كلبي كل ثانية تمر  وماكو خبر  يشتعل شعل

ام رياض كامت تغفي بس  تخجل تكوم تنام
_خاله خل ندك عليهم واذ ماكو خبر انام
_يلا اروح اجيب تلفوني
راحت تجيبه ودخلت عليه بنتهم الجبيرة
فرح: السلام عليكم
_اهلا حبيبتي ازعجتكم موو
_لا يروحي انتي جلنار موو
احنا مو هواي ملتقين ف لذلك معرفتني
_اي حبيبي بنت ابو بكر
-يا اهلا وسهلا حبيبتي بس خير خوما اكو شي
دخلت خاله واني سولفتلها بشكل مختصر
_الله يطمنكم يارب بالله قهرتيني
_الله يقهرج ع عزيز حبيبتي
التفتت ع امها وكالت
_انطيني خل ادك ع رياض اشوف لكو لا
_هاج يمه هاج
دكت عليهم واني كلبي ميت ع خبر منهم
_الو
_الو هلا رياض بشر
_ والله دندور وماكو خبر ياهوه الي اسأل ع اسمه يكول مشفنه لو م اجانه هيج اسم اساسا بس الاوضاع مو زينه كلش اغتيالات ودك كتل