الرواية :السراب
الگاتبة :طيبة
.........................................
صرت هيلة بوسط هاون
العطر للغير والدگات بيه.
...............................................
عدل كعدته وكال :
_اريد اسألج كم سؤال ضالات ابالي
ضيقت عيوني وجاوبته
_ اسأل بله خنشوف شنو هنه
_ باعي هوه السؤال عن رواد
_ يعني قبل لا تسأل بس رواد منطي اهميه
ومسويله سمعه فخمه
_هوه مو سمعه بس هو ولد ملفت للنظر تصرفاته غموضه اطباعه
_ والله اذا تشوفون هيج ف اني اشوفه شي جوه العادي
_ بس بالعقد مالتنا مدري شبي
حرام عبالك واحد مكبسل
_لك يي صح والله العظيم من شفته اخترعت اجه باركلي وطلع
_ بفستانج
_ يي بس حطيت الشال ولفيت نفسي بي
_ يي عفيه حبيبتي
_ ترا ذوله الضابط عيونهم زايغه
_يععع عود شمعنه الضباط والله شكو واحد سرسري معناها عينه زايغه معليه بالوظيفه
_ هو هم صح بس ينخاف منهم ايده طويله وربط وي الدوله مباشر
_ يي كول ينخاف منهم
_ بكيفج كولي الي يعجبج حبيبي انتي
عدلت كعدتي. وباوعتله
_ وين جنت ضام هل الكلام الحلو حبيبي
_ جلنار شكلتي
_وين جنت ضام هل الكلام الحلو حبيبي
_ اخر كلمه شنو
_ حبيبي
_ يبوو يبووو يا يابهه يروحلج فدوه حمد وعشيرته جعل محد يكول حبيبي غيرج
قرب على وجهي وانفاسنا تخالطت صرنا نفس واحد جان يحضني بكل قوته حسيت ضلوعي طكه
وهاي جان اول مره احمد يحضني جان شعور الحب متملكني وماكدر اوصفه اول حضن من اول شخص بحياتي حبيته شي ميتفسر بوكتها استغربت من حبي الي مجنت اتوقع يوم من الايام ننجمع ويصير اسمي واسمه سوه
ابتعد عني وهمس احبج وابقى احبج وانتي اكثر انسانه اتنفسهاا بهل الدنيا
انتي عمري وحياتي
جنه اني احس ملكت الكون كله
_الله لا يحرمني من لهفه حبك وتضل سند الي العمر كله
_الله جنه ونشيب سوه ونجيب جهال ويكبرون ويدرسون ويتخرجون ويتزوجون ونصير بيبي وجدو
اويلي داتخيلج انتي لابسه فوطه سوده وعبايه و ودشداشه اكبرمنج ب3 مرات اخخخ. ههههه تخربين ضحكك
_ اووي يمها اسم الله ما البس هيج من اكبر
_ اووي عيني شتلبسين لعد برموده وتيشرت
_ ههههه مش لدرجه دي
_ اويلي من تحجي مصري تصير حاتهه صاكه
_ههههه يمعوده متكلي اليوم شبيك وياي
_ لج والله احبج تدرين حته لمن انام اهلوس باسمج اتخيلج بين كل ثانيه وثانيه
_ احمد صدك خل نتفق
_ ع شنو يا روح حمد
_ ع العرس
_اويلي عليه هذا اليوم مسويله جدول وكل يوم يمر اشطبه
_ ههه لا والله صدك ماريده الا اخلص سادس حته اكدر اركز بدراستي
أنت تقرأ
السراب
General Fictionالاحداث تبدأ من محافظه الانبار لتنتقل فجاءة لمحافظة اخرى بنت بمنتصف العمر تبدأ حياتها بالانقلاب تابعوا لمعرفه الاحداث....
