الرواية : السراب
الكاتبة: طيبة
***************************
هلاو حبايب قلبي كل عام وانتو بخير ينعاد عليكم بالصحة والعافية وراحه البال
اسفه ع التأخير بس بطلتكم جان عدها ظروف
*************************
لو بيدي اردّالعيد ذاك الكبل عام
بلكت يردلي الراح وال بلكبر نام .
********************************
فزيت ع صوت مفسرته شنو لان جنت توني كاعده
باوعت الساعه 6 ونص الصبح فركت عيوني
وصرت اتقرب من الباب كل ما اتقرب
يعلى اكثر
دكات كلبي ممحسوبه
وانفاسي تسارعت
واحاول اكذب دماغي من الافكار السئيه الي ماريدها تكون صح
صرت امشي باتجاه الباب حتى انزل بس خطواتي صارت بعيده
جسمي باد ورجليه ميشليني
فتحت الباب والمسافة كل ما اقترب تبعد
ابلع بريكي واصوات النحيب تتعالى
نزلت الدرج وخطواتي ثقلت
احاول اتبع الصوت لكن تركيزي مشتت وافكار مشؤمة مسيطرة علية
رجلي ع اخر بايه من الدرج خوف بداخلي اتمنيت ارجع انام وما اكعد
اخذتني رجليه للمطبخ البيت فارغ وكلها بالكراج
العياط كله بالكراج
سرعت خطواتي وركضت للباب الي يطلع لللكراج
عماتي كلهن يعيطن خاله امل تخرمش بوجها ريام كاعده بزوايه ادك ع راسه وتصيح لا لا لا
او رياض ساند ابويه وابويه يبجي
والجيران نصها واكفه تواسي ب بكر
*طبعا داحجيلكم سالفه دقايق مطولت
كلها ملتمه ع تابوب
لزمت خدودي اخرمش بيها اصيحح
جلنار: يمةةةةةة لا لا امي متعوفني
رحت امشي نحو التابوت ادفع بالعالم
شافني رواد اجه ركض
رواد : لا لا بس افهمي
جلنار: نفرت من ايده عوفني اشوووف امي عوفنييي
رواد : زمخ موو امج موو امج
جلنار: سمعته دمي نشف
منو منو
رواد: يفرك بوجه
وكال . م مر مروان
جلنار : عفته رحت اركض ع تابوت
مجفن وبس وجه طالع
ووجه صاير الوان
كعدت ع ركبتي
جلنار: م م مروان مروان مروان بعد روح اختك رد
مروووان كمت الطم ع وجهي واخرمش
جلنار: شنكووووول لامي مرووووان شنكووووول فهمني ليش عفتنا مروووان
يجرون بيه واني جامده بكاعي
ابويه وبكر كعدوا يمي سوده عليه حالتهم حاله وبكر يدك ع وجه
الاب: مروان يابه كووم اني ناوي ازفك مو ادفنك
بكر : خويههه كسرت ظهريي كووم ككوم بعدك صغيرر ع مووت بعدك يبعد اخووك
احمد دخل من الباب مخروش مبين توه كاعد وبطرك الفانيله وشورت
تقدم شاف مروان كعد ع حيله لزم راسه ويبجي
احمد: مروان مروان يا صاحبي ليش عفتني مو تدري ماعندي غيرك اخوو
كاعده ادك والطم واابجي اجه احمد جرني
احمد: جنه لا تسووين هيج حررام
جلنار : باوعتله وعيوني تارسهه الدمع
راح صاحبك راح راح وبعده بشابه راح رااااح راااح اخويههه
باوعلي بنظره شفقه ودموعه تارسه عيونه
احمد: كلمن بيومه حرام عليج جنه
اجوي قبقو النعش وشالوا وشالو روحي وياه
يصيحون الله اكبر
أنت تقرأ
السراب
قصص عامةالاحداث تبدأ من محافظه الانبار لتنتقل فجاءة لمحافظة اخرى بنت بمنتصف العمر تبدأ حياتها بالانقلاب تابعوا لمعرفه الاحداث....
