طبعاً البارحة شفت مسج يسأل عن اهل احمد وحبيت اسأل جنه واردلكم خبر ف هذا جان ردها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المهم هسه نرجع للبارت مالتنا عمري
.....
فزيت على حس فوك راسي شفت شذى دتغير ملابسها
حجيت بصوت نعسان _ وين جنتي
كمزت عليه مثل المخبلة _لججج اجوي بيت علي خطبوووني
_علي منو هذا!؟
_ باعي امانة مو تكولين لاحد علي هذا حبيبي واليوم اجه شافني وهو وامه وفتحو الموضوع ويه امي
_ يااااا حبييبي مبررروك الله يتمم عليج فرحتج
_لج طايرة طايرة فرح والله ممصدكة راح اخلص من هل البيت واروح لبيت رجلي
_ ايباااه قبل كم يوم منو كلبها مناحه ابويةة وابوية
_والله جنت ماريد اتزوج لحد ماراح ابويه حسيت بعد مالي قيمه راح اضل ع ايد الجناين وابويه طلعت الاربعين مالته بين ما نجهز ونسوي غرفه وهيج ونزوج حته لو بدوون عرررس بس هوه اكيد مراح يقبل بدون عرس لان عنده خير من الله
_ عززه هاي مخططه ومنظمه امورها والله خوش عمي اي بله شعجبج بي. _ عندهه موني فلللوسس يحبيبي
عدلت كعدتي وجاوبته _ ترى مو كلشي فلوس الحب اهتمام كلام حلو ود احترام مو فلوس شكد ناس عدها فلوس بس ماعدهم طعم السعاده وشكد ناس فقرة كل يوم تعيش حب. ود. واحترام لا تخلين الاولويه للفلوس والله مو كلشي ترا
_اي اي جنج بيبي كبل انكلبتي شيخ جامع
_ دا احجيلج واقع اني
_ خلي الواقع الج داده اني فلوسه تخليني اتنفسه احسبه مثل الهوى
رفعت حاجبي وكتلها _ وبدون فلوس
_ما اشيله من كاعه هوه ونعالي _ اييعع راح اكوم اكرهج _ ههههه بعد احسن دارت وجه وضمنت ملابسها بالكنتور وراحت غسلت وجها واجتي تنام
