الرواية :السراب
الگاتبة :طيبة
_________________________كولوله
ليش استعجلت مو هيج الفراك
شجاك بهل السهوله وكلت راحل؟
مو حتى الشمس لورادت تغيب
ما ترحل غفل ترحل مراحل_بس اسكتن هذا يجوز احمد اجه ياخذني للصالون
رحت للمرايه عدلت شعري وطلعت د افتح الباب
تفأجت بوجود ابن خالتي ياسر
_اكلج اجاج احمد
تفاجات بسواله
_لا ليش
-من جبت امي هنا مريت لبيتهم لكيت ولد عمه ولد خاله ملتهين بالطبخ وبتحضر الجوبي وهاي السوالف
سألت عليه ابن عمه كال
-ماكو يمكن طالع
_وين راح
_ والله ماعرف يخويه بس يجوز طلع لان ذيج الساعه جان بالحديقه ويانه
_ هاهيه خويي اني اخذ فره علما اجي
-فوت اشرب استكان جاي
- تسلم متقصر
اي ف هسه رجعت وسألت وكالو هم ماكو وتلفونه بالبيت مبقي وماكو خبر عنهواكفه اسمع كلام ياسر واحس روحي تريد تطلع لزمت الباب بقوه خفت افقد توازني
بلعت ريكي وكتله
_ هو كالي الباجر ب 10 يمج وهسه ب11 الا ربع
_ خل اروح وي الولد
-طمني ياسر
- تمام يلا دخليسديت الباب وراسي يفتر
يا دوب وصلت لباب المطبخ وكعدت ع حيلي اجوي البنات يركضن
_ جلنار جلنار شبيج اسم الله يمعوده رديرفعت راسي وعيوني غركانه بدموعها
_ احمد ماكو اهئ اهئ
خاله امل : يمه بس فهميني وينه احمد شبيج بس تشاهكين دفهمينااامسحت دمع بأيدي واحجي واشهك
_ خاله ياسر توه اجه كال احمد ماكو من جابج هنا مار عليهم كايليه ماهوه وهسه ديدورون عليه
لطمت ع وجها خاله
_ يمه ياربي استر عزه بعينج امل
التلفون التلفون دا ادك ع ياسر
_ وخرن اريد اروح عليهم
لزمتني خاله من ايدي
_ جنه وين تولين مو عمامهم يمهم تريدين تخزينه
_ هديني والله الا اروح
نفضت ايدها واخذت نعال ومشيت اركض
فتحت الباب انركعت برواد
_ وين وين
_ هدني ولك هدني احمد ماكو
عشت لحظات حسيت روحي تخبلت ماعرف اتصرف ولا احجي اصعب لحظاتي حرفيامشيت مثل الخبله لبيتهم متجاهله وجود الكل
لكيت ياسر و ولد عم احمد وزلم غربه ماعرفهم وحته ناس كبار لابسين عكل
ركضت لياسر وخاله تركض ورايه
_ ياسر امانه الله لكيتو
اندار متفأجئ
_ هاي شجابج هنا
_عوفك مني بس جاوب
_ لا ماكو اي خبر بس روحي ارجعي
تجاهلت كلامه وطبيت جوه البيت كله متوتر ام احمد متخربطه خواته ينوحناجتي تركض عليه حضنتي وتبجي
_ اشش اسكتي احمد ميعوفني هسه يجي هسه
دخل عمهم الجبير وحجه بصوت عالي هزنا هز
_ اش الي اسمعها تبجي اخلي دمها بطولها شعرفتن كبل كمتن تنوحن هسه يجي الصبي كلشي مابيكمزت ام احمد تبوس برجله
_ وليدي وحيدي ماعندي غيره رد اليه خويهه
-استغفر ربج اشو كوممي كومي احمد اليوم يرجع ما تغفه عيني اذا ما اليوم حميد بحضينج
أنت تقرأ
السراب
General Fictionالاحداث تبدأ من محافظه الانبار لتنتقل فجاءة لمحافظة اخرى بنت بمنتصف العمر تبدأ حياتها بالانقلاب تابعوا لمعرفه الاحداث....