تأرجح الحياة

البـارت الرابع

بقـلمـي الكاتبه :- ايمان محمد
اسم القصـة :- تأرجح الحياة

لاتنسـون التصـويـت ،، التعليقات بين كُل بـارت . .

.................................

نايمه نومه بعد تعب الي صار بالشغل وما احس غير اندفر الباب الغرفه وفزيت من نومتي وكعدتت افرك بعيوني علمود اصحصح وتدخل الخبيثه هيه وصوتها مزعج مثلها ..
ميساء : ست جماره شنو ماكو شغل بعد ؟
جماره : شنوو شكاعد تحجين ياشغل شبيج ميساء !!
ميساء : عيني طبعا نايمه ومرتاحه شنو عليج واني من الصبح اشتغل ومكسور ضهري كووووميي نظفييي البييت تراا تعبتتت منكم كُلكم ..
جماره : بيش الساعه ليش هسه ؟
ميساء : بـ ٦ ونص كافي يلا كومي بسرعه والعشه عليج ..
طلعت وسدتت الباب وراها واني ذبيت حسره بسببها كمت لحمام غسلت وجهي ونزلت جوه ولكيتها موجوده جاوبتها ..
ها ميساء شنو تردين اسوي ؟
ميساء : هاج هاي مكناسه وكنسي الييت كُله ومسحي ورتبي وعطري هم وبعدين تعاي سوي العشه بين ما يجي ارسلان ..
جماره : ليش وين راح ؟
ميساء : طلع ويا جماعته شوي ويجي
عفتها ورحت اخذت مكناسه ونظفت البيت كله ورحت عزلت المطبخ ونضفته ورحت جريت كرسي وكعدتت يماا ضهري تكطع اخخ منج يا ميساء واحد من الصبح واكف ع رجله وفوكاها يشتغل صبرك ياربي شوكت اخلص منح يا ميساء شفتيني خلصت جامعه وكمتي تتأمرين عليه ..
بعد ما ارتاحيت شوي كمت سويت عشه طلعت همبركر كليته وبتيته وكبه وهل سوالف العشه .. خلصته وصبيته بل اماعين وزلاطه اكيد ما انساها
وطلعت من مطبخ كتلها : ميساء اني خلصت عشه
ميساء : اي عيني انتظري اخوج هسه يجي بطريق مسافه عشر دقائق ..
جماره : كعدتت انتظر لحد ما اجه ..
ارسلان : السلام عليكم ..
جماره : وعليكم السلام هلا خويه
ارسلان : هلا بيج شنو شو وحدج لعد ميساء وروشه وين ؟
جماره : ميساء هسه تجي وروشه بغرفتها هسه اجيبها ونتعشه سوا ..
ع حديثتنا وتدخل ميساء
ميساء : حبيبي هلا ياعمري الله يساعدك تريد عشه
ارسلان : هلا بيج ويساعدج ،، لا ماريد مو كتلج تعشيت
ميساء : اي صدك نسيت
جماره : ميساء مدام تدرين بي متعشي ليش خليتينه نتظر وما اتعشينه واني وراي كومه شغل وكعده من صبح .
ميساء : اوووي شدعواج عيني نسيت الواحد ما ينسه شلون بالله ؟
جماره : لاا اكيدد متقصده مو نسيتي
ميساء : لا تجاوبين ولج ادبسزز اسكتي شنوو شو لسانج طولان
هنا ارسلان صاح بصوت عالي : كككااااااااااافييييي سكتوووواا واحد تعبان يجي يرتاح بيته يسمع مشاكلجن يلااااا كل وحده تروح من وجهيي يلا ولن روووحن ..
خويه قبل لا اروح اريد اكُلك شغله ترا اليوم بلشت دوام فـ شغلي الساعه 7 الصبح وينتهي الساعه 4 العصر
اني حجيت هيج وهجمت عليه ميساء : شنوووو دوواميش هذه ليش تجذبين وين اكو هيج دوام
جماره : انتيي معليج بيه وبدوامي خوش مو انتييي الي كاعد تشتغلين وتعبين اني كاعد اشتغل واتعب ع نفسي لأجل اختي اعالجها واخليها تكوم ع حيلها .. واني مكاعد احجي وياج داحجي ويا اخوي ودانطي خبر ما اخطي خطوه اذا ما اكوله ..
ماحجت شيء بس ضلت تخنزر بيه وماعجبها وضع عافتنه وراحت .
ارسلان : خويه ليش هيج دوامج ؟
جماره : لان اني مساعده مدير ولازم اروح قبله واطلع ورا وكومه شغل عليه يعني صرت ايده اليمين لان مساعدته القديمه استقالت عندها ظروف واني صرت بمكانها ..
ارسلان : تمام خويه اذا مرتاحه بشغلج ابقي ..
جماره : من رخصتك وراي شغل ..
وصعدتت فوك وطبيت لغرفتي وضجت كُلش وعصبت .
فتحت الملفات واندمجت بلجدول مال الاستاذ والتحضيرات كاعده واشتغل وما احس غير تلفوني دك باوعت هذه منبه عزااا ساعه بـ 4 فجر يعني من 10ونص بليل لحد 4 فجر اني اسوي بجدول يمه شلون كدرت ابقى وما نعست طبعا طبعا غير نمت من الضهر لحد العصر بعد نومه العصر شلون اكدر انام بعد هففف باوعت لساعه وكلت خل اكمل ونوب سمعت صوت الاذان كمت توضيت وصليت ورجعت كملت الباقي صارت بـ 5 واني بـ 7 لازم اني هناك خل اتمدد شويه فد نص ساعه واكوم ابدل احسن خليت راسي ع مخده ونوب هسه اجاني نعاس طبعا من تعب الي اشتغلته وبقيت لصبح كاعده اهوو شلون هسه اخر شيء كمت ابدل لبست لبس رسمي بنطرون اسود وقميص ابيض وستره سوده وحذاء اسود وشيله بيضه وجنطه بيضه ومكياج خفيف صارت ساعه ٦ ونص طلعت من غرفه ونزلت تريكت وطلعت بسرعه وصات لشركة والحمدالله الساعه بـ 7 همزين محد اكو بس انا ونوب ميته نعاس رحت لغرفه المدير لكيته بعده ماجاي خل اروح احضرله الكهوه ع ما يجي ..
الاء : صباح الخير
جماره : هلأ صباح النور
_شلونج اخبارج والله خفت تتأخرين
_حمدالله زينه لا والله اصلا ما نمت بقيت كاعده
_يا ليش
_كاعده اسوي بقائمه مال جدول وندمجت بلشغل ولل 4 فجر بقيت كاعده لان من طلعت بارحه نمت نومه للمغرب ف شبعت نوم وما اجاني نوم الا هسه ميته نعاس
_يوو الله يساعدج
_عمري ويساعدج ع حديثنا ورن تلفوني شفته الاستاذ
امشي يلا هذه الاستاذ
وصعدنه دكينه الباب
_تفضل
جماره و الاء : صباح الخير استاذ
_هلا صباح النوور
جماره : استاذ هاي كهوه اتفضل
_شكراً بس ممكن تسولفيلي جدول اليوم شنوو
جماره : وبديت اقراله الجدول وهو يهز راسه
كملي
جماره : نعم
_موعد الساعه 10 الغي مالي خلك اروح
جماره : وشنو تريد اخلي بمكانه
_لاتخلين شيء بس بهذا الوقت جيبيلي كهوه والملفات  مال حساب حته ادفعهن لازم اكون مصحصح
جماره : ماشي استاذ
الاء : استاذ اتفضل هاي الملفات مال صبح
_عفيه عليج
الاء : استاذ ممكن احجي وياك شوي كدام جماره
_تفضلي
الاء : استاذ غرفتنه صغيره ماتكفي مكتبين شون بهل حاله ؟
_ اي همزين ذكرتيني جماره حتكون وياي بالمكتب وانتي بالمكتب الثاني الج شغل ثاني مختلف عنها وانتي جماره اليوم يوصل مكتبج الجديد
ريم والاء : تمام استاذ
جماره : طلعنه من غرفه المدير ورحنه للمكتب والتهيت بين الملفات والشغل
الاء : ولج جماره
جماره : هاا شكوو
الاء : الساعه 10 راح تصير كهوه الاستاذ كلج حضريها الي علمود يصحصح
جماره : يااا ذكرتيني والله التهيت اكلج حضريلي ملف الحسابات ع ما اسوي الكهوه واجي
رحت للمطبخ وكملتها ورجعت اخذت الملف ورحت لغرفه مدير دكيت الباب
_تفضل
_استاذ الكهوه هاي والملف
_ اي جيبيهن
_رحت انطيته وكفت يمه وجان يحجي وياي ..
اكُلج ساعه بـ 11عدنه اجتماع اريدج مركزه مو مثل ذاك اليوم
_تمام استاذ
_انطيني القلم الي يمج
مديت ايدي وما احس غير تنكلب الكهوه ع ملابسه وع الاوراق الي ع ميز
اااستاذ اسفه والله اسفه مادري بلغلط .
_ولجج هايييي شسووووويتيييي شبيييچ شنووو عميه ماتشوفين
انه موضف فاهين لو اودام انتييي شلوون بيچ ليش ماتجوزين لو الا بالاهاين
جماره : استاذ اسفه والله ما انتبهت
_ليشش وين چان بالج وما تنتبهين هسه انه منين اجيب ملابس وابدل هذه
جماره : استاذ والله مجان قصدي
_طلعي برا وبدون كلام يلاااا
جماره : استاذ بس... قاطع كلامي وعاط بيه
_بعصبيه .. كلتتت بددووون كلام طلعييييي بررررااا وبوجهج لبيتكم ماريد
اشوف خلقتج كدامي ..
جماره : شنوو استاذ بس فهمني قبل لا اطلع هسه اني انطردتت من شغل ؟
_لو ما احتاجج چان اي انطردتي وهسه يلا برا ..
ماريد اشوفج اليوم بالشركة اذا اشوفج صدك اطردج .
جماره : ما جاوبته خليت وطلعت ودمعه بطرف عيني
طلعت من شركة اخذت تكسي وكبل للبيت وصلت واتلكتني ميساء ورفعتلي حاجبها
ميساء : هاا عيني شوو جايه من وكت ..
مو ع اساس يخلص دوامج ساعه بـ 4 ..
جماره : ميساء وخري عني مالي خلكج ترا
ميساء : اكلج شوو انتي ماتحترمين شبيج ع شنوو شايفه نفسج ؟
جماره : داكولج وخرري من طريقي البيه مكفيني وخرري
دفعتها ومشيت واسمعها تسب وتغلط ولا اهتميت طبيت لغرفتي
وشمرت روحي ع فراش بدون تبديل ونمت ..
كعدتت العصر ع رنه تلفون يدك باوعت هاي الاء كاعد دك ..
فتحت خط وجاوبتها : الوو
الاء : هاي وينج شو ماكوو وين رحتي ؟
_طردني المدير من غرفته وكلي روحي لبيتكم ماريد اشوف وجهج
ورجعت للبيت وكنت نايمه هسه كعدتت
_ولج المدير كلب الدنيا وعصب من طلعتي
_شعليه بي باجر اجي اقدم استقاله ما اشتغل بذله عنده
لان اني مو بقصد سويت ال صار
كنت تعبانه  وكع كوب كهوه ع ملابسه شسوي يعني ؟
الاء : كتله استاذ اعذرها هيه اليوم تعبانه ومنايمه جانت ملتهيه بلجدول ترتبه
بس مافاد وماقبل يسمع مني ..
جماره : اوووف الاء تعبتت يعني اريد اشتغل واعتمد ع نفسي بس مكاعد ترهم
الاء : شبيج عمري احجيلي صاير شيء ؟
جماره : وهنا اول مره ارتاح لشخص واحجيله الي بداخلي حجيتلها عني وعن وضع اختي وعن كُلشيء ..
الاء : يكلبي الله يساعدج
جماره : والله لو مامحتاجه الشغل ولفلوس علمود اعالج اختي فلا اشتغل بس شسوي بعد
الاء : الله كريم يروحي انتِ تعاي باجر ويصير خير
جماره : لا ما اجي كتلج حقدم استقاله
_اي  قابل تقدميها ع النت
_ايي هو اجي اقدم واروح
_براحتج حبيبي
_يلا عمري تعبتج واخدت من تعبج
_لا تعبيش ولج يلا كلبي روحي ارتاحي
_مع سلامه
_ الله وياج
سديته كمت صليت وتذكرت روشه طلعت من غرفه ونزلت جوه ورحت لغرفتها ..
فتحت باب لكيتها كاعده دخلت وسديت الباب
شلونها اخيتي
روشان : بـابتسامه حبيبي بخير وانتِ
_عمري مدامج بخيير اني بخير
اي جيت اشوفج وهم احجيلج عن الشغل لان ما صار عندي مجال بارحه
_لا كلبي عادي ع راحتج
_سحبت كرسي وكعدتت مقابيلها ولزمت ايدها وبستها
باعي يروحي خل اسولفلج قبل كم يوم شفت شغل ع النت وراسلتهم وبعدين حاجيت اراسلان اشوفه يقبل لولا .............. وحجيتلها كُل سالفه
روشان : ب انزعاج .. وهاييي شتررريد بلضبط بكُلشي تتدخل ادري هيه كاعد تشتغل لو انتيي يعني شكد خبيثه ونذله هيه لخاطر الله
جماره : معليج بيها خل تولي ما اهتملها اني مدام اخونه زين ويانه
روشان : خايفه من شغله وحده .
جماره : بقلق وخوف جاوبت : من شنو حبيبي احجيلي ؟
روشان : خوفي عليج وخوفي لاتغير اخونه لان كُلشيء نتوقع منها
جماره : لا حبيبي شيلي الخوف من يمج خليها ع الله اني ما اهتم لوجودها خل تولي ..
يلا حبيبي خل اكومج ونكعد بل استقبال لزمت ايدها وسحبت الكرسي وكومتها وكعدتت بلكرسي وطلعنه من غرفه وسديت الباب ورحنه لاستقبال لكيت ميساء وارسلان كاعدين ..
كعدنه كلنا ونتابع فلم لحد ما كمت لمطبخ سويت عشه وتعشينه وغسلت الاماعين وكل واحد راح لغرفته واني وديت روشه لغرفتها ونامت وصعدتت لغرفتي ورحت ع جربايتي نمت ..
الى ان صار صباح كمت توضيت وصليت وخلصت ونوب بدلت لبست
ستره بنفسجي فاتح وبدي ابيض وكعب بنفسجي فاتح وشال بيجي وجنطه بيضه ومكياج هادئ وطلعت شفت الساعه بـ 8 الصبح وصلت الدنيا كُلها جايه صعدتت كبل فوك ويا ما  وصلت غرفته هو فتح  الباب وصرت مقابيله
المدير : صباح الخير عيني بعد وكت
جماره : استاذ انا جايه اقدم استقاله ما جايه اشتغل
المدير : شوفي عيوني سحبتها من ايدها ودخلتها لغرفه وسديت الباب  واقتربت اكثر صارت عيني بعينها ورفعت حاجبي ..
اولاً استقالتج انسيها خوش عند استاذج ماكو استقاله فهمتي لولا ؟
ثانياً اليوم سماح ع تأخير باجر ماكو سماح وتعاي يلا بلشي بلشغل مكتبج جاهز ..
جماره : توترت من قربه الي واول مره هيج يصير وياي .
اا استاذ انا ما ابقى بمكان انهانيت بي طلعت الورقه واذا تقبل هاي ورقه استقالتي اذا تقبل او ماتقبل براحتك بعد شغل وياك بعد ما اشتغل واشوفلي غير شغل عود ..
المدير : تقربت الها اكثر وهمست ب اذنها : واذا اكُلج غصب عنج تشتغلين !!
جماره : استاذ بس .
المدير : لا استاذ ولا كلام ماريد يلاا كعدي بمكتبج وكملي شغلج وجدولي هسه تكعدين تسوينه يلاا
جماره : بعصبيه وانزعاج اوووفف وتالي ويا شلون ياربييي شسوي
رحت مجبوره وكعدتت بمكتبي  وضليت اشتغل وبده تأمر ..
المدير : جماره .
جماره : نعم استاذ ..
المدير : اريد مي ..
جماره : بصوت ناصي .. اللهم صبرج يروح ..
تفضل استاذ ..
انطيته ورجعت كعدتت اكمل شغلي ورا نص ساعه ..
المدير : جماره احتريت كومي شغلي السبلت ..
جماره : بس استاذ زين الجو .
المدير : كتلجج كوميي ..
جماره : كمت ب انزعاج شغلته ورجعت كعدتت ورا ربع ساعه ..
المدير : اكلج كومي جيبيلي الستره مالتي شو بردتت ..
جماره : اووف يربيي شوكت يخلص هل ليوم اتفضل استاذ ..
ورجعت اكمل وراه خمس دقائق ..
المدير : جماره ..
جماره : نعم ..
المدير : اريد كهوه ..
جماره : استاذ ما تشوفني كاعد اشتغل انا عامله لو مساعده شلوضع
المدير : بعد هذه شغلج ومشكلتج اتحملي كومي سويلي كهوه يلا وراي اجتماع ولازم اصحصح ..
جماره : كايمه كايمه .. رحت سويتله وانطيته ..
وهيج مر هذا الاسبوع يوميه طالعلي بسالفه جديده ..
لحد نهايه الاسبوع رجعت للبيت وشفت اهل ميساء كُلهم موجودين ..
سلمت عليهم ورحت للغرفه توني تمددتت ع فراش ونفتح الباب ..
ارسلان : اكدر ادخل ..
جماره : اي اكيد تفضل ..
ارسلان : شلونج خويه ..
جماره : الحمدالله بخير وانت ..
ارسلان : دومج بخير بعد اخوج اني حمدالله ..
جايج بموضوع ..
جماره : اي اتفضل خويه ..
وجان يحجي وانا نصدمت
لااا خوويه مستحييل
ارسلان : هو شنو مستحيل بكيفج قابل !!
جماره : خويه كتلك لا يعني لا شتريد تسوي قابل ؟
سوي التريده بس كتلك لاا وما احس الا .................

يـتـبع ..

__________________________

هلاو حبايـب اليحب يتابعني ع انستا هذه يوزري
2_omna0
اذا تحبون نسولف او تسون اليه تاك ع كُل بارت انشره ..

...
عندي موضوع مُهم اريد اكوله ..
الاحداث هل ايام شوي شوي ح تبلش فـ الاريده منكـم دعمـكـم اليه ..
وتفـاعـلكم علـمود استـمر ..
....
والجـدول تـنـزيل البارتات حيكون هيج .
{ الجمـعة ،، الخـميـس }
واذا تأخرت وما نزلت بهل الايام الي ذكرتها يعني مصار عندي مجال ..
ع حسب الفراغ اكعد اكتب البارت ..
ويكـون تنـزيل البارت يا امـا يوميـن او ثـلاث ايام في الاسبوع حسب فراغي ..
وسيكون تـنـزيل في الساعه 10:00 مساءاً ..

....