رجعنـا وياكم بـارت جديـد ..
لا تنسون متابعه لحسابي + تصويت + تعليق
الكـاتبـة : ايمـان محـمـد
****
يمرر الموت بينا ومايمرون وتهون
أشما طفح ميزانها اتهوون ..
لـشاعـر عريان السيد خلف ..
****
بعد مروور من الوقت وصلت البيت صعدت لغرفتي بدلت ونزلت ماكو احد رحت لغرفه امي لكيتها كاعد تقرأ قرآن ودموعها ع خدها تقربت الها وحضنتها
وره خمس دقائق خلصت طبكت القرآن وحطته من صفحه الثانيه ورجعت باوعتلي
ام جماره : ها يمه محتاجة شي .
جماره دمعتي بعيني وجاوبتها : محتاجتج يمي يابعد روحي انتِ .
ام جماره : بنيتي اني يمج .
جماره : يمه ماريد اخسرج انتِ محد بقالي غيرج .
ام جماره : حبيبتي هذا قدرهم ويومهم وراحو لدار حقهم واحنا هم راح يجي يومنا ونروح .
جماره : بس يمه مامصدكه صدمه وره صدمه ابراهيم وهسه ابوي ، شتحمل بعد شنو الي راح يصير بيه بلمستقبل .
ام جماره : هاهيه راحو لمكان احسن من دنيتنا ،
مايصير شي مدام الله موجود لاتخافين .
جماره : ماريد شي بس اطلب من الله يديمج ويحفظج النا ،
ومايحرمنا من وجودج يا احن ام بدنيا .
تقربت حضنتني وباستني براسي وبخدي
ام جماره : هسه تردين تفرحيهم ؟
جماره : مثل شنو ؟
ام جماره : امتحاناتج مابقى شي الها شدي حيلج هل سنه سادس
حققي حلمج وتصيرين احلى مهندسه يلاا يروح امج انتِ .
جماره : هو بقى واهس بقى خلك الي .
ام جماره : لا يمه لا تخلينا علج بحلوك الناس شدي حيلج لاتخليهم يشمتون بيج وبينا .
جماره : الله كريم عود من باجر ابلش .
ام جماره : ع ماعتقد بقالج بس ٤٠ يوم .
جماره : تقريباً .
ام جماره : اي يمه شدي حيلج الخاطري اريد افرح بيج ..
جماره : وعيونج من باجر ابلش اقرا
حضنت امي ونمت ومادري بعد فصلت عن العالم ..
ثاني يوم اجو الكرايب والاصدقاء والبيت صار عباره عن هوسه
وبدأت مراسيم الفاتحه .
واني جسد بلا روح كاعده يم امي وكلساع احد يدخل وصار البيت مختلط
بـ عياط وبجي وصراخ ..
وعيوني تتفحص شخص شخص بيهم ودموعي اخذت مجراها
كان اصعب فتره بنسبة الي ..
صدمة وفاه ابراهيم
خذلان صديقه ويقتله !!
أنت تقرأ
تأرجح الحياة
Chick-Litتدور احداث القصه ما بين عثره وعثره .. حياه لا تمت للامان بطله عانت انواع العذاب حتى من اقرب الناس اليها فهل سيبقى كل شئ على ما هو عليه ام للقدر راي اخر ؟. بـقـلـمي .. الكاتـبة ايمان محمد 🚫 ما أحلل أي وحدة تأخذ القصة وتنسبها الها وما تأخذ رأي او ت...
