تأرجح الحياة

البـارت السادس

فتحت باب الثلاجه اخذت بطل مي اشرب واني داشرب
حسيت احد موجود درت وجهي وصرخت بصدمة واني اشوف
ابراهيم صافن  ومنتجي ضهره ع كاونتر ويشرب جكاره ..
ابراهيم : ها ها خيرج شكو شبيج
جماره : ها لا مابيه شيء بس اخترعت من وجودك بهيج وقت
ابراهيم : وهو يتقدم نحو اتجاهي..
ليش شفتي مهرج لو جني واخترعتي من وجودي
جماره : بفهاوه وحجيت بتلعثم..
هاا لا لا هاي ش ش شبيك ابراهيم مو مو قصه اخترعت بس اتفاجئت بوجودك وكاعد لهيج وقت ..
رفع حاجبه وسئلني ب استغراب ..
ابراهيم : عوفينا من عندي انتِ شعندج لهيج وقت كاعده ؟؟
جماره : فزيت من نومتي عطشانه ونزلت اشرب مي
ابراهيم : احم هاي شلابسه ؟
جماره : ها شنو شلابسه بعدين انتبهت ع نفسي
لابسه بجامه مال نوم وشوي ضيقه ..
مابي شيء غير بجامه مال نوم غير جنت نايمه
وفزيت بسرعه نزلت اشرب مي .
ابراهيم :   ممنوع بعد هل لبس تلبسي تمام
جماره : شبيك ابراهيم وليش ما البسه شدخلك انت ؟
اباوع علي صار عصبي وصك ع سنونه منضره خوفني
ابراهيم :  كتلج ممنوع بعد هل لبس وتنزلين بي
لان اخواني هنا واولاد عمتج واولاد خالتج موجودين ف مثل ماكتلج تمام
جماره : ايي وشعليك بيه انت ابن عمي ترا
ابراهيم : اي وحته لو ابن عمج ترا عرضي وما اسمح لواحد يشوفج خوش ؟
جماره : باوع عليه بنضره ماعرفت افسرها وتقرب اكثر بحيث انفاسنا قريبه صارت ارتبكت كُلش ونبضات قلبي صارت مثل طبل
تقرب وحجه قريب اذني ..
ابراهيم : ويلا يحلوه اني اترخص روحي بسرعه للغرفه لاتضلين كاعده
جماره : ها اي اي رايحه تصبح ع خير باي
ابراهيم : وانتِ من اهل الخير الله وياج
جماره : عافني وراح واني بقيت صافنه من تصرفه وقربه الي
فزيت من صفنتي ورحت اركض لغرفتي دخلت لكيتهم نايمين
رجعت لفراشي وبقت عيني تناطر السكف اجاني شعور غريب من
اتقرب علي شنو هل شعور اول مره احس بي
اووو خل انام احسلي ولا هل سوالف تدوخ راسي
غمضت عيني وبقى موقف الي صار قبل شوي وكلام الدار بيناتنا
فتحت عيني وكمت من فراش
اهوو وشلون وياك يا ابراهيم يعني من وراك هسه ما اكدر انام
رفعت اصبعي وكمت اضرب بخفه ع كصتي وانت ياعقلي كافي
هل افكار خليني انام كافي خلوني انام براحتي لو احاسيس طايح حضها
لو افكار مالها داعي هفف رجعت خليت راسي ع مخده ونمت نومه عميقه .
للصبح فزيت فتحت عيني واشوف البنات نور نايمه بعدهي بس البنات ماكو
كمت من فراشي ..
جماره : تقربت ع نور اكعدها وياي .. نور نور كومي كعدي كافي نور
نور : ها ها خلوني نايمه
جماره : باوعت الساعه ١٠ ونص ..
ولج نويره كومي كعدي الساعه ١٠ ونص ورانه شغل البيت وغده نطبخ
نور : هممم ايي هسه خمس دقائق
جماره : شلت الغطه عنها وكمت اسحلها من ايدها
ولج كومي كعدي شهل نوم
نور : يااا هاي شبيج ولج خليني انام هسه
جماره : نور مابيه حيلج كومي كعدي
شهل نوم مال امطايه
نور : والله ماكو غيرج المطي
جماره : مو اجي اسحلج من شعرج وانزل عليج دك كتل
نور : لخاطر الانبياء والائمه فكي عني يا اخي خليني نايمه
مخموده شعليج بيه
جماره : راح اطلع بس اذا سئلو عنج اكلهم نايمه ﻼ‏ن كانت سهرانه
ويا حبيب القلب
اني حجيت هيج لو انكلبت الدنيا هجمت عليه ولزمتني من شعري
نور : جماره شبيج اليوم عليه شنو حلمانه بيه شنو هل خباثه من صبح
جماره : علمودج داحجي لان نمتي هواي ف كومي كعدي ورانه شغل هسه
اولاد العم واولاد الخاله واولاد عمتج ومرت خال والعمه وامي يهوسون البيت علينا ف خل ننجب ونكوم مثل الحبابين وننزل جوه
نور : هففف كايمه كايمه
جماره : بستها من خدها يمه شحلاتك من تضوج هههههه
اجتي تشمر مخده عليه واني حضنتها ..
يلا حبيبتي خلينا ننزل
نور : خل نشيل الفراش ونعزل الغزفه
جماره : شلت فراش وعزلنا الغرفه ونزلنا اني ونور جوه
لكينا الكل كاعد صبحت عليهم ..
جماره ونور : صباح الخير
الكل : صباح النور
جماره : صبحت عليهم ورحنا اني ونور للمطبخ نتريك
فتحت ثلاجه طلعت كيمر وجبن وحميت الجاي وصبيت الاكل
وكعدنه نتريك خلصنه وكمت شلت الاماعين وغسلتهن وعزلنا المطبخ اني ونور ونوب طلعت من المطبخ لكيتهم طالعين الولد باقي بس عمي وابوي كاعدين صحت للبنات وكمنا كلنه ع البيت هاي الي عليه تنضيف الاستقبال وهاي الي عليها تنضيف الحمام وكل وحده تنضيف عليها لحد ماخلصنا كلشي وهلكنا كعدنه كلنا بلمطبخ نرتاح
جماره : اكلجن بنات شنسوي غده ؟
سما : روحي شوفي شيردون غده
جماره : تمام رايحه
عفتهم ورحت شفت عمتي ومرت خالي وعمي وابوي كاعدين يسولفون
احم اجيت اكلكم شنو نسوي غده ؟
امي : يمه سوي تشريب واكو باميه هم طلعيها
جماره : اوك
رجعت للمطبخ وكل بنات تسوي شي لحد ما خلصنا الغده باوعت صارت الساعه 12 ونص سمعت الولد اجوي
كاعده اصب بل الاكل بل اماعين وسمعت صوته دخل ماعرف حسيت
بشعور غريب ماعرفت افسره انداريت وصارت عيني بعينه
ابراهيم : هاج هذه لبن ويلا صبو الاكل ترى جوعانين
جماره : اخذت لبن من ايده وجاوبته .. اي اي هسه نصب
عافنه وراح واحنا صبينه الاكل والزلاطه وصبيت لبن بل دولكة واخذت كلاصات ودولكة مي اخذته وطلعت من مطبخ
مديت سفره ع طول وكل وحده كلساع تشيل ماعون من مطبخ وتنقله بلسفره
كملنا وكل احنا كعدنه ع سفره ناكل والهدوء عم البيت ..
وره ما خلصنا كمنه شلنت السفره وغسلنا الاماعين وكملنا
جماره : بنات رايحه اغسل الكراج تمام
البنات : تمام روحي
جماره : طلعت للكراج محد موجود الولد بل ديوان كاعدين
فتحت المي وضليت اغسل بلكراج اجاني صوت فززني
ابراهيم : هاااايي شطلعججج برااا ؟؟
جماره : سمعت صوته اليرعد وانداريت علي لكيته عصبي حيل
جاوبته بهدوء .. شبيك ابراهيم كاعد اغسل الكراج
ابراهيم : ادخلييييي جوه منا العالم هسه تشوفج
جماره : قابل شمسويه جريمة
ابراهيم : كتلللججج ادخلييي وبلا كلام زايد
جماره : سديت المي وعفته يدردم ودخلت لمطبخ مالكيت احد خليت وصعدت فوك للغرفه لكيت البنات موجودات
نور : هاي شبي وجهج شو حمره صايره شنو متعاركة
جماره : هففف من وره اخوج العكره
نور : ياهو قصدج ابراهيم ؟
جماره : اي لعد قابل اكو غيره
نور : احجيلي شسوه شبي
جماره : طلعت داغسل كراج واجه يرعد بصوته ادخلي جوه منا العالم ومدري شنو قابل شمسويه
نور : هاا
بعدين همست بصوت ناصي كلشي ولا البالي صح ؟
سما : معليج بي المهم كومي خل نسوي شيء
تقى : شنسوي مثلاً
سما : اممم خلي وحده وره الخ تطب تسبح وخل نحضر ملابسنا مال طلعه علمود نطلع ترى ضوجه
جماره : لعد كومو خل نسبح
تقى : اني اسبح بل بدايه وراي انتو خوش
البنات : تمام
جماره : كمنا حضرنه ملابسنا وكلساع وحده تدخل تسبح وتطلع لحد ما اجه سرايه وطبيت سبحت وكملت وبدلت وطلعت من حمام ..
بنات راح انزل خل نقنعهم بلكي نطلع نغير جوو
نور : لعد خل انزل وياج
جماره : طلعنه من الغرفه اني ونور ونزلنه جوه لكيت امي وعمتي موجودين
ابتسام : ها يمه صاير شيء
نور : لا عمه ماكو شيء بس جينه نأخذ رئيكم بموضوع
ابتسام : كولو شنو هل موضوع
جماره : يمه عادي العصر نطلع كُلنا نغير جو ترا ضوجه والله
ابتسام : يمه مادري بقت يم ابوج والولد اذا قبلو
جماره : ماما حبابه قنعيهم خل نطلع فدوة
ابتسام : ماشي يمه
مرت عمي : ماعتقد يقبلون الولد خاصتاً ابراهيم
جماره : مرت عمي جابت سيرته وتعكر مزاجي
عمه كولي يالله بلكي يقبلون ونطلع انتو قنعوهم فدوة ترا عطله
وملل خلينا نطلع نغير جو
مرت عمي : ماشي يمه انتو روحو صعدو لغرفتكم لحد مايجون ونحاجيهم
جماره ونور : ماشي يلا باي
عفناهم وصعدنه للغرفه ..
سما : ها بشروو ؟
تقى : ولد ابنيه ياشهر بشرو
جماره : شنووو هههههههههههههه يممه خرب يومج شايفتنا حوامل
البنات كلهن ضلن يضحكن
جماره : اخخخ يمممه الحكولييي ح اموت ضحكك هههههههههههه
تقى : اي شبيكم كولو وافقوا لولا ؟
نور : كُلها طالعه لكينا  بس امي ومرت عمي ابتسام
سما : اهوو وهذول زين اذا اجوي منا لليل
تقى : لعد شلون هسه
جماره : نتضر فرج رب العالمين
نور : لعد كومن خل نسوي عنايه لوجهنا دباعو خلقتنا شصاير بيها
جماره : عندي تقشير وجه وعندي غسول مال وجه وكُل انواع عنايه كومن يلا
البنات : يلا
جماره : بلشنا كل وحده تسوي عنايه بوجهنا وكعدنه بلكاع نسولف ونضحك
حجت سما ..
سما : بنات احس كاعدات بفلم دباعو خلقتنا غير نخوف
نور : هههههههه بس راح نطلع انضف من مستقبلنا
تقى : دسكتي اسكتي انضف من مستقبل لو براسج خير جان كملتي دراسه
نور : اهووو هم جابت سيره دراسه دولي يلا ولي من يمي
جماره : ها ها راح تتنكارن تراا اذا شافو هل وضع مايخلونه نطلع
اكرمونا بسكوتكم وليراحم والديكم
تقريباً كانت الساعه 3 كمنا غسلنا وجهنا وكعدنا لل 4 ونص نزلنا اني والبنات جوه لكيت الكل مجتمع صاحتني امي
ابتسام : يمه تعاي
جماره : ها ماما
ابتسام : تعي كعدي خل احجي وياهم علمود الطلعه
اكلكم البنات يردن يطلعن يغيرن جو وحقهن ترا عطله
جماره : امي كاعد تحجي وياهم علمود الطلعه واباوع ابراهيم معاجبه الوضع اوو شعليه بي خل يولي
زيد ( ابن خالتي ) : خاله وين يردن يرحن
ابتسام : بكيفك يبعد خالتك
زيد : يولد ترحون للمنتزه ومناك نروح للمطعم
ابراهيم : ماشي بس منو يروح ويانه
جماره : نروح احنا كُلنه
اباوع ابراهيم رفع حاجبه ومعاجبه كلامي
ابراهيم : انتِ شعندج رايحه ؟
جماره : هاي شبيك غير اطلع والله ضوجه وخلصت امتحانات قابل ابقى بس بلبيت
ابراهيم : تمام كومو بدلو اخذكم بس انتو والاهل يبقون بلبيت
جماره : سمعت هيج لو طرت من الفرحه رئسن سحبت البنات وصعدنه فوك للغرفه اول ما دخلت للغرفتي عطتت
عاااااا راااااحححح نطلعععع يسسسس
سما : لج عوبه كومي بساع خل نبدل ترى يهوس علينا هسه وتعرفين ابراهيم بعد من يخرب طلعه علينا
جماره : رحت للكنتور طلعت قميص ابيض وبنطرون اسود وشال اسود وحذاء ابيض وبي خط وردي ومكياج هادئ ..
هاا بنات اني كملت
البنات : يلا لعد ننزل
جماره : طلعنا من الغرفه ونزلنا جوه اول ما نزلت شافني ابراهيم ويباوع عليه من فوك لجوه
ابراهيم : شنو ست جماره رايحه لعرس ؟
جماره : انت شبيك وياي
ابراهيم : روحي مسحي هذه الي ع وجهج
جماره : ترا مكياج خفيف
ابراهيم : روووحي مسحي كتلجج
جماره : عفته ورحت لحمام مسحت شويه ورجعت يمهم
ابراهيم : يلاا نطلع
جماره : طلعنا برا لكيت زيد وابراهيم صعدو واحنا البنات صعدنه ليوره
وبسرعه حرك السياره وطلعنا لمنتزه كان الهدوء سيد الموقف لحد ما قطع الهدوء ابراهيم وشغل اغنيه كلماتها ..

*******

انـت أول حـب وآخـر حـب
هعيش ويـا
والي بيني وبينك إحـساس أڪبر مـن معـناه
كُل غالي يهون يـَا حبيبـي فـداك
مايهمني اي غير اني معـاك
اجمعنا الدنيا غير وياك
حب كُل حياتي لئـيتو
قلبي خلاص أخـتااار
واخيـراً فرحة عمري
بعيشها انا ليل ونهاار
وانـت جنبي لاول مره بحس براحة بال

*************

الغنيه شغلها وكلما تصير عيني بعينه يخنزر بيه
همست لنور ..
جماره : اكلج هذه شبي اخوج ؟
نور : شبي
جماره : ماعرف تصرفاته مدري شلونها
نور : غلسي ع وضع لاتهتمين
جماره : خوش
بعد مده وصلنا للمنتزه نزلنا من السياره  ودخلنا وراح زيد يصف السياره
وابراهيم اجه ويانه ودخلنا
جماره : يبنات تعالن خل نروح لحمام ..
البنات : اجينا
جماره : رحنا لحمام وخلصنا وطلعنا ضلينا نفتر بلمكان لحد ما شفت
مرجوحه هههه ذكرتني ب ايام الطفوله
اكلجن بنات تعالن خل نصعد بلمرجوحه
سما : شبيج شنو جاهله
جماره : خلينا هسه نتونس شبييج خل نسترجع ايام الطفوله
رحت للمرجوحه وبصفي نور كانت ع مرجوحتين ويدفعن بينه سما وتقى
لحد ما سمعنا صوت وووو..............

•••••••••••••••••••••••••••••••••••••••••

وهذه البـارت السـادس اعذروني اذا كان قصير بس
مصار مجال عندي واكتبه ويكون طويل ..

اكتبولي توقعاتكم للبارت السـابع ..

تابعوني ع الانستا هذه يوزري

( 2_omna0 )