تأرجح الحياة

البـارت الثالث عشر

عيـونـي لا تنـسـون متـابـعـة لحسابـي + التـصويـت
+ التعليـق بين البارتات
مشـاهدة ممـتعة .
******

الوجع ؟
الوجـع هـدني
الجسم من كل مكان يصيح
خلصت طاقــتي وتعبــان
ما انـكـر يوميه بحياتي انصدم بالأحداث
انهـدم حيلي وبعد مابيه حيل احزر
ما چــنـت ادري
الظـروف تغير الانسان
مصدوم شكــد انا متغير .
الكـاتبـة ايمان محمد .
•••••••••••••

دخلت واسمع صريخ روشان اختي
فتحت الباب واشوف ميساء لازمة السجينه وروشان تصرخ

والكاع عباره عن دم واسمع ميساء دكُللها
" اليوم موتج يصير ع ايدي "

جماره : فزيت من نومتي اشهك انداريت ع بطل ماي وشربت وكعدت فتحت ضوء الغرفه
ياربي شهل الحلم؟

معقوله صاير شي ويا اختي ؟؟؟

طلعت مسرعه من الغرفه وكعدت ع درج
وضليت افكر
هسه شسوي ارجع للبيت ؟
معقوله صاير شي

ميساء وما ادراك ما ميساء اكيـد بغيابي تلعب بذيلها لعـب ..

صعدت للغرفة وتمدت وما اجاني نوم بقى عقلي يجيب ويحط
بالافكار السلبيه !!
لحد ما صار الآذان وانا باقية كاعده

كمت لحمام توضيت واجيت فرشت السجاده وكعدت اصلي خلصت وكعدت قريت دعاء العهـد وقريت دعاء الفرج

وسويت تسبيـحة مولاتنا وسيدتنا ( الزهراء عليها السلام )
وهديت ثوابها الى الامام صاحب العصر والزمان الامام المهدي عجل الله فرجه .
ضليت ادعي ودموعي عشره عشره ع سجاده الصلاة .

ربي لاتشوفني مكروه بـ اختي
يا اللهي اختبرت صبري وطاقتي بس محد بقالي من اهلي بس اختي
قطعة من كلبي وقطعة ثمينة بقت من ريحة امي

واخوي ؟ اخوي ما اهتم لوجوده بحـياتي بعد ع الي سووه بيه!!
مدام صار ويا مريته هاهي لاوجود له في حياتي

بقت بس اختي واكـيـد اخذها واطلع من هل بيت واخلص تعبت طاقتي خلصت ..

كمت من سجاده الصلاه ونزعت الجادر والوقت يمشي وعيني ابدًا ما اجاها النوم بقى بالي يم اخيتي ونورها لعيوني

ضليت الوم بنفسي لو مأخذتها وطالعه !!

كُله بسببي الي صار اخخخ ياربي يمتى ارتااح

ونعم منك ياربي ع اختباراتك وكُلها الهه قدر ومكتوب
بس لاتخليني افقد اختي لاتخليني افقد تعبت حيـل من الفراك والفقدان ..

بقيت كاعده واتصفح بتلفون والقلق والخوف اكلني اكل
لحد ما صارت الساعه بل ٨ ..

سمعت خطوات عرفت الاء كعدت
طبعًا اذا تسئلون عن اهل الاء او هي ساكنه وحدها ؟
اي ساكنه وحدها لان اهلها ميتين وماعندها احد فـ ساكنه وحدها..