واني ودامشي صار قريب عليه واسمع يكول : لك اروح فدوة لأبو الاحمر خفت كُلش من تصرفاته وهو يمشي ورانه يمشي ويذب حجي كُلش ماصخ ومحلو مشيت ويا البنات سريع وهو كام يلحكنه حد ما سمعت صوت
انداريت واشوف ولد طلع من المحل رزل الشخص الي كان يلاحكنا
_لكك انجب ماتستحي ماعندك خوات هيج تسوي بنات العالم
_اييي وانتت شعليككك مالك دخل بيه
جماره : اباوع علي شكد صلف خرب يومه همزين ابراهيم ماكو جان لعب طوبه بينه ويسويلنه مصيبه والولد ابو محل ضربه بوكس لهذه الي كان يلحكنا اخر شي جره وخره من يمنه .
واتقرب نحو اتجاهنا ونطق :
_اعذريني خيتي واسف ع ازعاج بس شفته زاعجكم
جماره : لا اخي تسلم ماقصرت
راح الولد وضلينه نتمشى ونسولف
..اكُلكم
سما : كولي
جماره : شنو رئيكم نطلب الاكل ونأخذه للبيت نتعشه
لان مالي خلك الوضع محبيته
نور : بكيفج
جماره : طبعا من دخلنه للمول ابراهيم وزيد وحته ابوي وعمي ماكو
يمكن بقو بلسياره او ماعرف حته امي مادري وين راحت ..
جماره : لعد تعالن خل ندخل نطلب عندكم فلوس ؟
سما : اي وانتي شكد شايله
جماره : عندي عشره خل نتعاون ونشتري
سما : تمام
جماره : دخلت طلبت الاكل وطلعنه
شو لا ابراهيم ولا امي وين راحوا
نور : خاف بقو بل سياره
جماره : زين امي جانت ويانه وين راحت
سما : مادري والله خل نطلع ونشوفهم وين
جماره : طلعنه اني والبنات وصارت سياره ابراهيم مقابلينه
اتوجهنا لسياره جان واكف ابراهيم يخابر ونظراته كانت تدل ع العصبيه
جماره : صعدنه بسياره وسئلت زيد ،
- زيد شبي ابراهيم
زيد : والله مادري اعتقد صاير شيء لان مبين عصبي
جماره : انتبهت ابراهيم علي غلق التلفون وفتح باب سياره وصعد يتنفس بقوة خفت احجي لا يكب عصبيته بيه .
طلعنا من المول ومحد حجه ، لان كان عصبي ابراهيم
لحد ما صدمنه وهو طلع بطريق الدولي .
زيد : شبيك ابراهيم احجي وين مودينه
جماره : اباوع ع ابراهيم من خلال امرايه عيونه حمر من العصبيه
وحجه ببـحة : راح نرجع لبـغداد
جماره : ابراهيم كمل كلامه وهاي نور جفصت جفصه مو بوقتها .
نور : يااا ابراهيم ارجع انت وزيد وخلي اهلنا واحنا هنا
ترا بعدنه مشبعنه ونسه .
جماره : ابراهيم وقف سياره بشخطه واندار لنور
خنزرلها خنزره انخلست نور واني خفت من نضرته .
صك ع اسنونه وصاح :
نووور تنجبين وتسكتين ماريد صوتج يطلع مفهوم !!
نطقت بتردد وخوف نور : مفهووم
ورجع يسوق واني كرصتها من ايدها .
نور بصوت ناصي : اوووي شبيييج منا ابراهيم ونوب انتيي
همست بـ اذنها : اكرمينا بسكوتج رجاائاً .
زيد : اعصابك ابراهيم احجيلي شصاير ليش هيج عصبي
ابراهيم : زيد اسكت مالي خلك احسن شيء نرجع
أنت تقرأ
تأرجح الحياة
Romanzi rosa / ChickLitتدور احداث القصه ما بين عثره وعثره .. حياه لا تمت للامان بطله عانت انواع العذاب حتى من اقرب الناس اليها فهل سيبقى كل شئ على ما هو عليه ام للقدر راي اخر ؟. بـقـلـمي .. الكاتـبة ايمان محمد 🚫 ما أحلل أي وحدة تأخذ القصة وتنسبها الها وما تأخذ رأي او ت...
