تأرجح الحياة

البـارت الثامن عشر

لا تنسـون التصـويت + تعليقات ع بارتات ضروري كُلش
+ تابعو حسابي ع واتباد و ع الانستا

+ انضمو بقناة ع تلي ضروري ..
تفاعلكم عمري مُهم اتفاعلو ع بارتات لاتنسون
***

وتگول شكثرهم؟
اي هذول الـ تَعبوني
وحومِرت عيني بسببهم
وانتَ منهم يا خوية ،
لا وحگك انتَ كُلهم .

بقلمي الكاتبة ايمان محمد .
****

روشان : روحي ارتاحي ونامي اكيد تعبانه..

جماره : بستها براسها وطلعت من الغرفه
وصعدت لغرفتي و بدلت ورحت لحمام
غسلت وجهي ورجعت تمدت ع جربايه..

ورفعت راسي وعيني ع السكف اخخ شكد مشتاقه لغرفتي
لزمت تلفوني وفتحت النت والاشعارات من الاء والاتصالات تتراكع ..

و استاذ داز مسجات
" وين مختفيه "

" ليش ما جايه لشركة ومداومة "

" صاير شي وياج او ويا اختج "
" طمنيني عنج بوية "

صفنت واجة ابالي لعد اني شكد غاليه بنسبة اله
وهيج خايف ويريد يتطمن عليه

لو يمكن مفتقد كهوه مالتي وطلباته الي دوم يطلبها
جماره روحي سوي فلان شغله
ضحكت ع افكاري ..

لا حقة الرجال ماشفت شي عنه موزين بلعكس وهو معتمد عليه
لان انا مساعدته وموظفه عنده اكيد يتفقدني ومن حقه..

ما حبيت اجاوبه ..
اما الاء فـ خابصة الدنيا بل اتصالات ورسايل ..

فـ اني جايه تعبانه ومالي خلك اراسل واحجي ويا احد
رأساً سديت النت وتلفون وغطيت بنومة من التعب ...

ثاني يوم كعدت ع صياح وعياط فزيت مخروعة

همست بصوت مُتعب : شنو شصاير ياربي شكو؟

اسمع صوت ارسلان صوته عالي كُلش
كمت من فراشي رحت لحمام غسلت وجهي وطلعت من غرفتي ..

نزلت من درج واندارت عليه ميساء
وصايره عصبية

ميساء : لججج كُلهههه بسبببج اخووي انسجن

كُلههه بسببج اميي حتموووت

جماره وكفت واوجهتهاا واني كُلي برود وجاوبتها بهدوء :
المجرم تاليته بـ الاماكن الي يستحقها

ارسلان : والي تسوي سوالف وتضمها عن زوجها
كذالك المكان الي تستحقه ترجع منين ما جانت .

جماره : الضحكة كوة كاتمتها
بس فعلاً موقف مال واحد يتشمت بيها ع الي سوته وياي .

جايه وتعلي صوتها وكلبها محروك ع اخوها وامها
وانا الي فقدت امي وابوي وخسرت شكد ناس ؟
وبعدين انكشفت الحقيقة شنو يكون موقفي؟

ميساء : *** اني الج اصبريلي اندمج ع كُلشي

ارسلان : لج ميسااااء انلصميييي شنوو كدامي تهدديها؟
شنو شايفتني طرن سنيننن مضمومة سوالف يابه سوالف