تأرجح الحياة

البـارت سابع عشر

لا تنسـون التصـويـت + تعليقات ع كل فقره ضروري +
متابعة حسابي ع واتباد ونفس اليوزر ع انسـتا ..
وانضموا بقناتي ع التلي ...
***

مِجرب انتَ
الوجَع مِن توصِل لمِرحلة
تِتفكد بـ روحَك
وتِضحك وتَبين قوّي
ويَرجع شريّط العُمر
وتفضحِك جرُوحك
مِجرب لخَسارة شِنو ؟
مِن تَخسِر انتَ بَشر
عَايش وسّط رُوحِك .
الكاتبة ايمان محمد .
****

نايمة وفجأة فزيت ع صوت طكطكه بالغرفه رفعت
راسي شفت ظل اسود ..

خفت كلش واني اشوف هل ظل يتحرك
فجأة انفتح باب الكنتور كمت من فراشي جاوبت والكلمة
كوة طلعت من الساني من الخوف : منووو؟

وفتحت الضوة واشوفها واكفه..
ميساء : هاي ااا انا

جماره : شنو تسوين بكنتوري!

ميساء : ها علمود شسمه هاي دشداشتي جانت ع الحبل

جماره : اي شنو ؟

ميساء : فـ ضليت ادور ومالكيتها
كلت خاف انتِ بدون ماتدرين ماخذتها

جماره رفعت حواجبي وجاوبتها : جايتني بنص الليل علمود دشداشة !!
ترا ما اخذ شي من ملابسج انييي

ميساء : كلت خاف بلكت بلغلط بدون ماتدرين المهم
اذا شفتيها جيبيها اليه

جماره : طلعت وسدت الباب
ورجعت لفراشي وتمدتت واني استغربت من تصرف
ميساء شنو قصدها بهذا تصرفها؟

شنو ناوية هل مره بكارثة جديدة!!
التفكير مؤذي كلش وفوكاها
القلق والخوف ..

من تفكر شنو شيصير بلمستقبل
خاصتاً سوالف ميساء ما مرتاحة الها ...

مادري شلون رجعت نمت من تفكير غفيت
وفجأة شفت امي بلحلم شككد مشتاقتلها
جانت مثل الملاك ولابسه ابيض

واجت يمي تمسد على شعري
فجأة تحولت ملامحها لغضب ولزمتني حيل
وكالت انتبهي منها جاي اكُلج انتبهي منها

- منو هيَ ؟!
قوت لزمتها عليه وكالت انتبهي لروشه ولاخوج منها
لاتنطيها مجال راح تضركم راح تدمركمم ..

فزيت واسمع ديأذن الفجر ..
يمه بسم الله الرحمن الرحيم دخيلك ياربي شنو هذا الحلم
شنو السالفة كثرانه احلامي الموزينه هل ايام!!؟

كمت توضيت وصليت وبعد ماكدرت انام لحد ماصار وقت الدوام
كمت بدلت وطلعت للدوام حتى ماصبحت ع روشه

الحلم كلش شغل بالي اول ماوصلت تلكتني الاء
الاء : صباح الخير

جماره : صباح النور

الاء : شبيج شو مو ع بعضج؟

جماره : حلمت حلم وبقى ابالي وماعرف شبيه

الاء : يمعوده هو حلم انسي وكملي يومج
وعوفي افكارج السلبية ..

جماره : تمام خل اروح اودي الكهوه لمدير
اخذت ملف ورحت حضرت الكهوة ورحت لمكتبه