تأرجح الحياة

البـارت العشرون والأخير

لا تنسـون التصـويـت ع البارت + تعليقاتكم ع كل بارت
ضروري تفاعلكم يعيوني + تابعو حسابي الواتباد وحسابي انستا
****

جماره...
هنَيال اليُوم اليَ حُبيتكَ
و هنَيال الأخُتيار الي أختَاريتة
صدفَة التَقينا!!
يا أجَمل صدفة بالحَياة
صدفَة أنجَمعنا و صُرنا روحَ بروحَ
و صدفَة صَرت أغلى من النفس .

الهَـشْـم...
أحبج و أحَب كُلشي يُخصج
عَيونج و النَفس و الصدفَ
يا أغلى و أحلى من الوَردِ
يا اجمل أيَام بَحياتيَ
نَعقد قلِبيْ و قلبِها بيَت و طفَل صُغيرون .

بقلمي الكاتبة ايمان محمد .
***

جماره : كاعده بغرفتي والحمل واصل لخشمي
وماطايقه أحد حامل بـ الطفل الثاني وتعبانه نفسيتي
احس صايره قنينه غاز شثكلني ..

اخخ منك يا الهَـشْـم ومن سوالفك الي ماتبطلها
يعني هيَ رفيف مكفيه و موفيه ع شنو تحبلني بـ الثاني ..

لازمة بطني وهذا يرفس بطني وتعبانه كُلش

اجة مسج لتلفوني باوعت هاي ايمان
رأساً رديت عليها ودكت عليه ..
ايمان : ها يحلو شلونك مشتاقين

جماره : هلا ياروحي ، والله تعبانه كُلش

ايمان : ليش سلامتج شبيج ؟

جماره : اكو غير الحمل تعبني كُلش

ايمان : ياعيني الله يسهل عليج ودكومين بسلامه

جماره : ولج ديربالج تزوجين هذول الزلم
كارثه ..
اسمع صوت ضحكتها بس كتلها هيج

ايمان : المهم هسه جايه الج بموضوع

جماره : شنو هوَ كولي ..

ايمان : باعي قبل شوي كاعدين نسولف
اني وصديقتي وكالت شنو رأيج تدخلين لمجال كتابة
وتصيرين كاتبة روائية

جماره : أي خوش فكرة وهيَ هواية وموهبة حلوه

ايمان : أي  اني من 2018 اقرأ قصص
فـ حبيت انظم لـ مجال كتابة واجيتي ابالي اكتب قصتج

جماره : يا قصة ولج هوَ غير صايره طاح طيح
الماضي التعيس الله لايرجعه تدمرت دمار
حمد لله من ربي عوضني بـ زلمة يسوى الرأس ..

ايمان : ع كد نيتج ودعوات امج وكلام الاء
من جانت تدعيلج فعلاً الله عوضج وتستاهلين
جماره : حمد لله حبيبتي

ايمان : أي وهسه شنو رأيج اكتب قصتج
كـ اول قصة اليه لان قصتج بيها معنى
وعبره والكل يستفاد من يقرأ قصتج

جماره : ما ادري والله بس وين تنشريها ؟

ايمان : برنامج مال قصص بلواتباد

جماره : واتباد شنو ولج

ايمان : شنو ماتعرفينه صدك تحجين ؟

جماره : حبيبي اني طول عمري جنت اقرأ
كتب ماعرف لبرامج مال قصص