تأرجح الحياة

البـارت السادس عشر

لا تنـسون التـصويـت ع بارتات + تعليقات ضروريه
ع كل بارت عيني+ متابعة الحسابي واتباد والانستا
واشتركوا بلقناة الموجودة ع تلي
*****

يا صدمتي في أكثر الناس ويا خيبة ظنوني..
ياطعنة من أقرب الناس ..
لاتعاشر صاحب بسرعة يخون ..
الطعنة الي تصيبك من يدين
الصديق أقوى ع النفس
من طعنة سيوف ..
الكاتبة ايمان محمد .
****

الهَـشْـم : لا بوية أشاقة وياچ أنـتِ حلوة بكل حالاتچ

جماره : ابتسمت لكلامه وهو رجع دخل لمكتبه
والعاملة ساعدتها شلنه الكزاز وهي مسحت المكان
رجعت لغرفتي..

الاء : شنو هذا صوت الي انكسر ولج

جماره : انكسر الكلاص الي يشرب بي استاذ

الاء : ياا عزاا وشسوة

جماره : شسوه يعني كعد يرزل ويمدح بيه

الاء : سمعت صوته وهو يكولج قزمة

جماره : نجبي أنتِ الثانيه وين القزم بموضوع

الاء : قزمة ع كولته شنو حاطه رقم دلاعه

جماره : شنو سالفه اليوم أنتِ وياتتنمرون عليه

الاء : واقع حال هذا حبيبتي

جماره : ضلينه نضحك ورجعت كملت شغلي
لحد ما انتهى وقت الدوام ورجعت للبيت
حرفياً كان يوم متعب وكلساع اشتغل يا رايحة يا راجعه ..

صعدت رأساً لغرفتي سبحت وبدلت ونزلت لكيت ميساء مسويه غده
و الله زين صايره شاطره وتطبخ..

صبيت الاكل ورحت لغرفة روشاتي
روشان : يهلا شوكت جيتي؟

جماره : قبل شوي صعدت سبحت وبدلت ونوب لكيت ميساء طابخة وصبيت واجيتج

روشان : أي اليوم مادري شبيهم يتعاركون ونوب راحت سوت الغده

جماره : الله اعلم شصاير وكاعد يتعاركون

روشان : معلينه بيهم نارهم تاكل حطبهم

جماره : ضلينه ناكل ونباوع ع تلفزيون بعدين انطيتها علاجها
واخذت صينيه ورحت لمطبخ غسلت اماعين وصعدت لغرفتي ..

جنت عايفه تلفون فوك بغرفتي اول مافتحت باب الغرفه
ودخلت سمعت صوت تلفوني يدك

اخذت تلفون وكعدت ع جربايه اول مالزمته نكطع اتصال
رقم غريب ماعرف منو

عفته وتمدتت ثواني ورجع دك شلته وكلت
- نعم تفضل منو؟

- معقولة ماعرفتيني ؟

- زغرن بيك بس منو أنت

- شنو سالفه جماره كل هل سنين ونسيتي كلشي بسرعه؟؟

جماره : صفنت هل صوت مو غريب عليه بس منو مادري!!؟

جاوبته .. ماعرف الصراحة ناسية منو أنت؟