ما كان في الحسبان يقوى الهجر أعز انسان / مكتملة

البارت الرابع

البارت الرابع:

&
:
&
بسم الله..استغفرالله.. لاحول ولاقوة الا بالله..سبحان الله
_____

أنت من رسم طريق الفُراق بكل دقة، فلا تعتذر ولا تعد

.....
من دخولهم فصل الشتا
وام عادل من بدا وهي كارفه ريم تنزل ملابس الشتويه وترفع ملابس الصيفيه
واليوم على كلامها بيمشون للمزرعه ومن الصبح مصحيتها هي وبنتها قمر يجهزون عفشهم

وقفت بألم وهي تمسك ظهرها وتتمدد محاوله منها تخفيفه تنهدت بتعب وهي تناظر لقدور الطبخ الي طلعتهم للمزرعه همست:استغفرالله..
داهمتها ام عادل وهي تتخصر بيد وتسحب برقعها باليد الثانيه:ابك انتي ماخلصتيي ننتظرك بالسياره قلت لكك جيبي القدور بسس ماقلت اطبخي الذبيحه وجيبها معنا(وبصراخ) اخلصيييي عجلي علينا لسياره
عدلة ريم نقابها ونزلت بتعب وهي ترفع القدور وتمشي متخطيه ام عادل بدون لاتنطق بكلمه
ناظرت لها ام عادل من فوق لتحت ثم راحت وراها
طلعت برا البيت وهي ترفع بالقدور الثقيله وهي تحس بيفلتون منها
وقفها فارس ولد عمها ابو سعد وهو يمد ايده:عطيني احطهم ورا
ناظرت له بأمتنان وهمست وهي تمدهم له:طيب
اخذهم منها بشويش لانهم كثار ومشى متوجهه لصندوق السياره بينما ريم توجهة لسيارة الثانيه والي فيها عمتها ام عادل صعدت بجنبهم تحديدآ عند الشباك سكرت الباب وحطت راسها عليه وغمضت عيونها بألم من الصداع الي مداهمها له فتره تنهدت بانزعاج من صراخ ام عادل كالعاده مرات تحس انه عندها مشكلة باذنها مو بس هي العايله كلها لانه مو طبيعي كمية الصراخ الي مايتكلمون الا فيه مدت يدها لشنطتها وهي تطلع جوالها والي طبعا بدون نت دخلت للملاحظات وهي تناظر للرقم المكتوب بسرحان

....
قبل كم يوم
كالعاده طلعت للحوش قريب من بيت الجيران ناويه تشبك من النت حقهم وتكلم ماريا
جلست بتعب وبجنبها سلة ملابس يحتاجون ينشرون تحت الشمس والي اخذتهم عذر تنشغل بعيد عن عيونهم اتصلت على ماريا وبابتسامه مرهقه:مارياا
من ورا الخط وصل لها صوت ماريا:ياقلبي انتي كيفك
مدت ريم يدها وهي تسحب العصا وتحركها
علارض بهدوء:بخير كيفك انتي
ماريا:الحمدالله
وسط الصمت لثواني
وصل لها همس ماريا:ريم
عقدت حواجبها لثواني ثم همست:نعم
ماريا بأسف:ريم انا مضطره اسافر برا و...(صوت تنهيده)وماراح أقدر اتواصل معك
تركت ريم العصا وهي تعدل جلستها بصدمه:ماريا مو منجدك
ماريا بحزن:والله مو بيدي بس ابني تعبان وبدي سافر لبرا انا وزوجي نعالجو وماعندي امكانيه اوفر شبكه تصرف كثير انتي بتعرفي كيف حالتنا
ريم تنهدت بثقل :طيب..طيب ياماريا براحتك
ماريا:ماتزعلي مني ريم
ناظرت ريم للارض بحزن :مازعلت ولدك اهم انتبهي له
ماريا بعجله وواضح عندها صوت احد يناديها:ريم ياقلبي منيح اتصلتي في هالوقت لانه كنت برسل لك اللين تشوفي الرساله انا مضطره امشي بس برسل لك رقم سلطان اذا بتحتاجي شي كلميه انا مابقدر اتواصل معاه (وبعجله)يالله ياقلبي انتبهي لي على حالك
ريم بهمس:طيب..مع السلامه ماريا
سكرت الجوال بينما ريم تناظر للارض بسرحان وصل لها صوت مسج نبها
رفعت جوالها وهي تناظر للرقم انسخته للملاحظات ثم وقفت تخبي جوالها وترفع الملابس تكمل شغلها قبل يشوفونها وتصير لها مشكله
....
فزت من ذكراها على الورع الي انحذف عليها من الكرسي الي ورا مسكته بسرعه وبألم
ومنو كان غير زيد ولد عمتها ناظر لها وبضحك:شفتي حركتي القويه كنت ورا جيت قدام ودك تشوفينها مره ثانيه
ابتسمت له ريم بتسليك:لا حبيبي ماودي انت بس اجلس
زيد ناظر لامه بدون اهتمام:ييييمهههه ابيي مووويهههه
ام عادل بانزعاج :ريم شوفي بشنطه الي عند رجلك فيها مويه عطيه ونوميه مره وحده
صرخ زيد ببكى:ماراح اناااممم ابي اللعب..
سكرت ريم اذنها من صوت بكي زيد العالي وهي تاخذ نفس تحاول تخفف الصداع مدت يدها وهي تطلع المويه وتمدها لزيد وهي تمثل الدهشه:زيد شوف مويه تبي تشرب؟
لف زيد لها وهو يناظر لها ثم للمويه رفع يده وضرب علبة المويه وبعصبيه:ماابيييي لاتكلمينيي ياحماره
ناظرت له بصدمه:عيب لاتقول كذا
بعناد وصراخ:كيييفييييييييييييي
رفعت ام عادل ولدها وهي تحطه بحضنها:قول اعوذ برب الفلق وش فيك على الولد ماتعرفين تذكرين ربك انتي ماعاد يبي مويه منك اعوذ بالله
مدت يدها وهي تسحب المويه بقوه من يد ريم بينما ريم تناظر لهم بدهشه وبأسف ردت حطت راسها على الشباك مقرره تنام اللين يوصلون للمزرعه لانها لو طولت زياده صاحيه معاهم بنفس المكان ماتضمن شنو ممكن يصير
مرت ربع ساعه طريق
فزت كالعاده ريم من ايد اما عادل هي تهزها :رييم..
عقدت حواجبها بانزعاج وهي تناظر حولها بارهاق :وشوو
ام عادل مدت الفلوس:انزلي شوفي وراك بقاله جيبي بساكيت وحلويات لزيد
لفت ريم راسها لجهة الشباك وهي تحاول تستوعب همست بارهاق:طيب..
فتحت الباب ونزلت بينما ولد عمتها عادل والي كان يسوق فيهم كان نازل قبلهم يجيب كم غرض للمزرعه
دخلت للبقاله وسحبت لها سله وبدت تمشي بين الارفف تختار لزيد كم شغله
سحبت بساكيت وكم حلا وقفت عند العصاير وخذت مجموعه
وقفت لثواني وهي تناظر للعصاير همست:انا وش جالسه اسوي..
تنهدت بضيق وهي تتذكر كيف قمر بنت عمتها راحة مع لمار بسياره بينما هي خلوها مع عمتها عشان تاكل الكرف كله ناظرت لمسكت السله بضيق وهي تضغط عليها بقوه محاوله منها تطلع ضيقها من خلال هالشي
تقدر تجادل وتعلي بصوتها وتتهاوش بس مين بيخسر غيرها ومحد بياكلها حرمان وضرب غيرها فعشان كذا تتغاضى وتسكت احسن لها من لسان عمتها ام عادل و حريم عمانها
لفت بهدوء للبنتين الي كانو قريب من عندها
....:هههههه اخذي اخذي كله على حساب ابوي
....:دانه لاتشيشيني الحين اشيل البقاله كلها
دانه:ههههه اقول انا ماشيشك انا من جدي اتكلم
....:جدي ولا عمي ههههههههههه لاتناظريني كذا
دانه:لمى حبيبتي استخيري قبل تنكتين لانه ماشفت بحياتي اسخف منك المهم  بروح اشوف جهة الايسكريم عجلي انتي لانتاخر ويتصل عليك عبيد ويجلدنا
لمى وهي تاخذ من المشروبات الغازيه:طييب
ناظرت ريم لجوالها بسرحان ثم ل لمى وبتردد تقدمت لها:سلامم
ناظرت لها لمى باستغراب وهي تناظر حولها لثواني ثم لريم:وعليكم السلام
ريم بخجل وهي تعض على شفتها من تحت النقاب بحيره :ممكن جوالك
لمى باستغراب اكثر:جوالي انا!!
ريم باحراج:اذا مافي ازعاج بس ضيعت اهلي وبتصل عليهم
نزلت لمى سلتها والمشروب الي بيدها وفكت شنطتها
وهي تمد جوالها:اكيد تفضلي
اخذت ريم الجوال وبهدوء ردت: دام فضلك
طلعت جوالها ودخلت للملاحظات وهي تكتب رقم سلطان بتدقيق
رفعت الجوال وهي تعطي لمى جنبها ويدها على طرف نقابها وبتأمل انه يرد عليها لانه ماعندها اماكنيه تتصل عليه ابدا خاصه بـ وضع عمانها مع الجوالات يمكن كانت فكره غلط وجدا انها تتصل عليه لكنها تعبت وكثيير تحس نفسها منهلك والخوف ماكلها انها بتعيش باقي عمرها كذا وبأمل انه لو سلطان عرف كيف وضعها معهم يمكن..يمكن يطلعها من عندهم
فزت بفرح بس رد:الوو..
همست ودموع تجمعت بعيونها:سلطاان
...:استغفرالله..
ريم بألم:سلطان انا ريم
....:يا اختي انا مو سلطان الرقم تغير صاحبه كل شوي واحد متصل يقول سلطان من ذا
ريم بصدمه همست:تغير؟
....:ايوا والرجاء لعاد تتصلون اذيتوني
ردت ريم بألم:ماعليش اخوي
بعدت الجوال وهي تسكر الخط رفعت راسها لفوق لثواني بمحاوله انها توقف دموعها تنزل اخذت نفس ولفت ل لمى قربت لها وهي تمد الجوال:يعطيك العافيه اخرتك معي
لمى باستغراب من عيون ريم :لا عادي
رفعت ريم سلتها وبهمس:شكرا..
ناظرت لمى لريم الي مشت بعيد عنها باستغراب همست:تبكي؟
رفعت جوالها وهي تناظر للرقم الي كانت متصله عليه لثواني عقدت حواجبها باستغراب وبسرحان برقم المكتوب
قاطعتها دانه الي ضربتها عالخفيف من كتفها:هيه هذا وانا قايله لاتتاخرين  اثاريك ماسويتي شي
لمى بغير اهتمام همست:دانه تعرفين رقم عمي سلطان القديم؟
دانه باستغراب:ايوا ليش؟
لمى باستعجال:جد طيب وريني بشوفه
دانه وهي ترفع بسلتها :مو هنا جوالي بسياره اذا ركبنا وريتك الرقم بس ماقلتي لي ليش
لمى وهي تنزل وترفع سلتها:اقول لك بعدين