ما كان في الحسبان يقوى الهجر أعز انسان / مكتملة

البارت الثالث والعشرين

البارت الثالث والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

فأجبني بربّكَ انقذني
‏تسمعُني ولستَ تكلّمني
‏ياروحهُ ما هكذا كنتِ
‏تشتاقكِ اروقةُ البيتِ
‏هل سبق وان شاق احدهم
‏لملاكٍ غابَ ولن يأتِ؟

.....
في المستشفى
وقت العصر في غرفة وليد تحديدا
.....:قهوييي ام سييف يا بنتتت
رفعت لمى القهوه بقهر : ان شاء الله
خذت ام سيف فنجان القهوه من لمى :ههههه بس يا ام ماجد...
بنات هالجيل معاد لهم حيل يمشن ويقهن بالحريم انشهد ماهمن ببنات اول
رفعت ام ماجد فنجانها بضحك:ههههههه اي والله
بينما لمى جلست تناظر لها وتبتسم بهمس:ه ه ه يا سخفك بس
وقفت ام ماجد وبيدها الفطاير تقربها لوليد : اكل يا يمه مايصير كذا
ناظر وليد للاكل من غير نفس : بس تكفين
نزلت ام ماجد الصحن بضيق: هذا هو يام سيف اقوله لك
مايبي ياكل تقل سادين بطنه بشي
حركت ام سيف فنجانها وهي تنزله: انتي تلومينه..يجي له فوق الخمس ايام
بنص البر وين له نفس ياكل بشويش عليه
مدت ام ماجد يدها لاقرب صحن فاضي وجلست تحط فيه
من الفطاير والحلا : لمى تعاليي
تنهدت لمى بملل وهي توقف مقربه لامها : هلا
مدت ام ماجد الصحن لها: خذيه و وديه لام مشاري وهيثم ولد عمك
اخذت لمى الصحن وهي تناظر لام سيف وتبتسم
ثم تقرب لامها بهمس: يمهه مو منجدك اكيد عندهم ماله داعي
نزلت ام ماجد يدها وهي تقرص فخذ بنتها بهمس: وقصص من لسان
مالك دخل روحي وعطيهم وانتي ساكته
مسحت لمى مكان القرصه بألم وبطرف عينها
تناظر لاخوها وليد الي كاتم ضحكته همست: ان شاءالله
رفعت نقابها وطلعت من الغرفه متوجهه لغرفة هيثم
وبداخلها تتوعد بوليد الي كان يضحك عليها

بينما في غرفة هيثم
حال دانه مايقل عن لمى وانما يزيد
كان عند امها خالاتها الثنتين وحرمة جيرانهم
تقهوي فيهم ومايمدي تجلس الا وترجع
توقف تقهوي مره ثانيه
جلست هالمره بجنب حرمة جيرانهم الكبيره
وبداخلها تدعي انه محد يمد فنجانه
تناظر لهيثم اخوها الي يتكلم مع خالتهم
ويطمنها عن احواله
لفت بانتباه لحرمة جيرانهم: كيفك يا دانه
دانه :والله الحمدالله بخير
مسحت الحرمه على فخذ دانه: ماشاءالله كبرتي
يا دانه متى نفرح فيك
ابتسمت دانه لها بتسليك:هههه لا خالتي انا تخصص
الف مبروك بس...
قاطعهم صوت الباب ودخول لمى قربت
لدانه الي وقفت لها بهمس: بسم الله مين ذولي
اخذت دانه الصحن بهمس لها بينما
معطيه ظهرها للحريم:خالاتي الكبار وحرمة الجيران
وبعدين وش ذا الكرم اكيد مو انتي
هدت لمى الصحن الي خذته دانه وهي تبتسم للحريم
ناويه تسلم عليهم بهمس: اكيد و تفكرين بعد...
جلست لمى بجنب دانه بعد ماسلمت على خالاتها
وهي تقرب دانه لها: هذا وانا مخططه اهرب عندك
من الحرمه الي عندنا طلعتي تعانين مثلي
همست دانه لها: هه اعاني وبس ماجلستت دقيقه وحده...
محد مرتاح الا هيثم ياكل ويشرب ومنسدح
رفعت لمى انظارها لهيثم على طاريه
لكن رمشت بصدمه بعد ماكانت عينه عليها
رمشت مره ثانيه بصدمه وهي تلاحظ كيف
بعد انظاره عنها مسوي انه مشغول بالكلام
مع خالته اول ما لمى انتبهت له
ضربت دانه لمى على جنبها بقهر وهمس:هيييه اكلم مين انا
ناظرت لها بانتباه:هاه..
قلدتها دانه باستهزاء: هاه.. لا عقلك ابد مب معي
تنهدت لمى وهي ناويه ترد عليها لكن وصل لهم
صوت ام مشاري : دانهه تعاليي
وقفت دانه وهي ترد تهمس ل لمى: قلت لك مكروفهه...
مدت ام مشاري الفناجيل بهمس: اطلعي اغسليهم وردي
شالت دانه الفناجيل :يمه راح اخذ اجازه بكرا على هالكرف
ام مشاري لفت لاختها بتسليك:اي...اي ان شاء الله
طلعت دانه بينما لمى طلعت جوالها مقرره انها ماترجع لامها
تجلس هنا معززه ومكرمه ولا انها تنكرف مع الحريم
الي طالعين وداخلين عند امها واخوها: لمىى ياقلبي تعالي
ضغطت لمى على جوالها " تكفين يا خاله مو انتي بعد"
خلت الجوال بمكانها وراحت لام مشاري الي مدت لها
الصحن الي كانت جابته: والله مابي حيل اقوم...وصلي
لهيثم خلي ياكل من صحنكم..
عضت لمى شفتها من تحت النقاب بتوتر
بعد ما مر ببالها نظرات هيثم لها : ابشري
لفت مقربه لهيثم بينما ظهرها معطيته لام مشاري
والحريم...مدت له الصحن متجنبه نظراته:هذا من امي
اخذه هيثم منها بينما عينه عليها ناظر بطرف عينه
لامه وخالاته ثم لها بهمس: كيفك يا لمى
رفعت انظارها له بمحاوله تهديي نفسها
" وش بك يا بنت اخر عمرك يوترك هيثموو": الحمدالله
لفت بتروح لكن ردت تناظرله بصدمه
بعد ماسحبها من طرف عبايتها: على وين
همست بصدمه: بجلس
بلع هيثم ريقه بحيره يفكر وده يجلس يتكلم معها اكثر
لكن ترك طرف عبايتها:احمم طيب
بعدت لمى عنه جالسه مكانها بتوتر وبيدها جوالها
تناظر فيه بسرحان وتفكير بالي صار