ما كان في الحسبان يقوى الهجر أعز انسان / مكتملة

البارت الواحد والعشرين

البارت الواحد والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

قلوبنا ماتعرف الحقد والصد
ونطيب في اللي يطيبون فينا

ونحب لكن في المحبه لها حد
لاوصلت حدود الكرامه مشينا

....
بعد يومين
الظهر في الجامعه
كعادتهم نور وهند مسوين جلستهم المعتاده
متراكيه هند ب يدينها على ورا بينما تسولف
مع ريم: ماشاءالله ريم تخرجتي بمده قياسيه
ريم وهي ترد على هند: لكن يظل مو التخصص الي
ابيه..راح ارجع ادرس التصميم
علقت نور الي تقلب بكتاب مادتها: والله مو منجدك ريم
وين لك خلق ترجعين تدرسين من اول وجديد..؟
عدلت ريم صحن الفراوله الي كان بحضنها وهي تسحب لها فراوله
و تناظر لنور : العمر طويل وبعدنا صغار فا لي اجلس
على تخصص مابيه وش الي بستفيده.. لا والله ارد ادرس شي احبه
واستمتع فيه والعمر بيمشي سواء درست او مادرست
استغله بشي احبه واخذ شهاده واتوظف عليه بعدين
احسن بكثير من اني اجلس كذا ندمانه بعد كم سنه
هند بتأييد: في ذي اتفق معك
تسندت هند على نور وهي تشر لريم:ريم
اكليني فراوله وحده..
ناظرت ريم لهند الي تاشر لها على فمها:حبيبتي
جايبته لي ولورعي
كشرت هند بزعل:وحده بس ترى ماقلت كله
ناظرت ريم لصحنها والي كان باقي فيه
خمس حبات فراوله بس اخذت وحده
ومدتها بضيق لهند والي قربت بفرح واكلتها
بتلذذ: امم احب الفراوله..لولا ورعك ولا كان خلصته كله
عقدت نور حواجبها لهند:ابلعي بعدين تكلمي فمك مليان
قربت هند بعناد وهي تاكل قدامها وتطلع اصوات
ونور تدف فيها بعيد عنها:وجع هنددد
ضحكت هند بستمتاع مع ريم :ههههههههههههه احسنن
وقفت نور وهي تشيل باغراضها:بخليك وبروح
رفعت ريم راسها : على وين
ناظرت لها نور وهي تتنهد:للمحاضره تعبت منهم
لكن اليوم خلاص اخر محاضره ب هالكورس
وقفت ريم وهي تقرب لها:ومتى تتخرجين..!
نور:هممم شوفي احتمال كبير الكورس الجاي
اكون خريجه..الا اذا ماضغطت على نفسي
اتخرج صيفي
قاطعتهم هند والي لحد الان جالسه بمكانها:هيه
سلامات كلكم بتتخرجون وتخلوني وبعدين ليه واقفه ريم
نور وبتروح محاضرتها بس انتي ليه
تخصرت نور وهي تناظر لها من فوق:محد قال لك
حولي وسوي وتأخري بختيار تخصصك
ضحكت ريم وهي تدف بنور:روحي لاتتاخرين
وانتي الثانيه انا بمشي خلاص ماعندي شي
وسلطان اساسا ينتظرني برا من خمس دقايق
هند بعتب:ايه عادي اجلسي خمس دقايق ثانيه
الرجال ماعندهم شغل بتروحين تلقينه
يناظر بجواله ولا حس بالوقت
نزلت ريم تاخذ شنطتها وترد توقف:ههههههه ماصدقت اتخرج
تبيني اجلس بعد لا والله بروح البيت احسن انتي خليك
جالسه وتنتظرين وقت محاضرتك
سحبت هند منديل وهي تكور فيه وتحذفه على
ريم بمزح:اييه اضحكي علي وش وراك
تخرجتي..لكن اشوف فيك يوم ياريموه
اول ماتخرج وانتي بعدك تدرسين
بتخصصك الجديد راح استلمك عدل وقتها
زاد ضحك ريم وهي تاشر لها:ههههه يالله باي ياطالبه
طلعت ريم متوجهه للبوابه بينما تناظر بجوالها
رفعته بعد ماتصلت على نوره عمتها ثواني
اللين ردت:مساء الخير..
وصل لها صوت نوره: مساء النور
ريم وهي تناظر للبوابه الي قربت لها:عمه
قلتي لي باذن الله متى يوم ملكتك
نوره:ريم امداك نسيتي بعد خمس ايام
لاتنسين وتعالي...وعندي لك سالفه ماينفع اقولها
بالجوال اذا جيتي ان شاء الله علمتك
وقفت ريم تدور بعيونها على سيارة سلطان
بينما تكلمت بفضول:صار لك كم يوم تقولين كذا
ترى ذبحني الفضول
نوره:ماهو شي حلو للامانه ابد..لكن يمكن بيرضيك شوي
متى ماجيتي قلت لك..."سمعت صوت عمتها ام عادل
البعيد وهي تنادي" ريمم انا بروح مشغوله شوي
اشوفك لما تجين
ابتسمت ريم قبل تسكر:ان شاءاالله يا عروس
بعدت الجوال بضحك بعد ماسمعت عتب عمتها وخجلها
دخلت جوالها بالشنطه وتوجهة لسيارة سلطان
بشوق من امس ما شافته كانت مشغوله
اليوم من الصباح باوراق التخرج
وفي الليل كان هو مشغول بشغل الشركه ولا شافته
او سمعت صوته الا قبل ساعه اتصل وعلمها
انه هو الي بيجي ياخذها من الجامعه
ناظر سلطان بانتباه بعد مانفتح باب سيارته
ودخلت ريم وهي تجلس وتسكر الباب:سلامم
ابتسم سلطان وهو يدخل جواله بجيب ثوبه
ويشغل بسياره:وعليكم السلام..
مد يده ياخذ يد ريم الي كانت بحضنها
قربها له وهو يقبلها عالخفيف ثم نزلها
ولحد الان ماسكها:كيفك وكيف ولدي..؟
ناظرت ريم ليده الي ماسكه بيدها ويمسح عليها
ثم لقدام:بخير الحمدالله انا وبنتك..
وصل لها صوت ضحكته الخفيفه ناظرت له بطرف عينها
بضيق لكن سرحت فيه لثواني كعادته يجذبها
ولا تقدر ماتتأمله..ناظرت قدام بانتباه بعد ماحست
انها طوله تناظر فيه :ا.سلطان
رد سلطان وهو مركز على طريقه:عيونه
ابتسمت ريم بخجل :تسلم عيونك..امم هذا
بعد كم يوم ملكة عمتي ابيك توديني لها
ناظر لها سلطان لثواني ثم لقدام:بس..؟ ابشري
الا هي تدري انك حامل..؟
ريم:لا ماقلت لها انتظر اشوفها اول
بعدين اعلمها..
هز سلطان راسه بتفهم
لفت ريم له :الا صدق سلطان..اعلم اهلك .؟
شد سلطان على يدها بلطف:لا مافضل تقولين الحين
انتظري تكملين شهرين علاقل بعدين قولي
الحين ماشوف له داعي تعلمين
انتبهت ريم لوصولهم للبيت وهي تناظر لسلطان:خلاص اجل
كذا حلو وانا هم اتفق معك من هالناحيه ماكنت
افضل اعلم من بدايته
نزلت ريم مع سلطان
داخلين للبيت : انا بدخل عند مجلس الرجال
باخذ اغراضي ناسيهم
ريم: اوكي
كملت ريم داخله للبيت وقفت بستغراب
بعد مالقت دانه الي جالسه مع ابو صالح: سلام عليكم
ردت دانه بانتباه مع ابو صالح : وعليكم السلام
تقدمت ريم جالسه قريب منهم تناظر بلاوراق
الي بين يدين دانه: وش عندك
رفعت دانه الاوراق: ابد تخرجت
وبتوظف قريب معلمه لكن ابي اغير المدرسه
ماعجبتني قلت مالي غير جدي يضبطني
ريم: ماشاءالله موفقه
دانه: اجمعين..
ابو صالح: ريم يا ابوك حطي لي من الشاهي الي عندك
تركت ريم شنطتها وهي تنزل تاخذ الشاهي: ابشر
مدت له كاسة الشاهي ورجعت مكانها
دخل سلطان وهو يتقدم يسلم على ابوه: اخبارك
ابو صالح: الحمدالله..الا وليد وينه
سلطان وهو يجلس بجنب ابوه: كاشت مع هيثم وسعود
الظاهر مطولين ماهم راجعين الا بعد يومين
ابو صالح بتفهم: اييه اقول انا ماجاني يزعجني مثل عادته
ضحكت دانه: ههههههههه مشتاق لازعاجه يبه
تبي اتصل بهيثم اقول لهم يرجعون
كشر ابو صالح: مهبول اشتاق لازعاجه
وقف ريم وبيدها شنطتها: انا استأذن بصعد ارتاح شوي
لفت دانه لها بعتب:بسامحك بس اليوم
المره الجايه تجلسين معي
ريم ببتسامه:ان شاء الله
تتبع سلطان ريم بعيونه وهي صاعده لفوق
وقف وهو يعدل نسفته: تامر على شي يالغالي
ناظر له ابو صالح: ابد مابي الا سلامتك
باس سلطان راس ابوه وطلع تابع ريم
دانه بضحك: رجعنا انا وانت يا جدي
تنهد ابو صالح وهو يمد يده: عطيني الاوراق
وروحي بيتكم ان شاءالله اغير لك المدرسه
مدت دانه الاوراق بعتب وهي توقف: افا ماتبيني اجلس معك يعني
قلب ابو صالح بلاوراق: والله يا ابوك ادور النوم ماشوف
ردت دانه وهي تلبس عبايتها: اي اذا على كذا اوكي
بينما عند ريم وسلطان
دخل سلطان لجناحهم يدور بعيونه ريم
راح غرفة نومهم وكانت فاضيه عقد حواجبه بستغراب
لكن ارتخت ملامحه بعد ماطلعت من غرفة التبديل
وهي ترخي حبل الروب و تودي شعرها على ورا بهدوء
تمشي جهة السرير جالسه عليه تناظر بسرحان
وبدون لا تنتبه لوجود سلطان
تفكر بالي ببطنها اكيد راح يحتاج
جد او جده من جهة خواله بس مين
تنهدت بضيق تتذكر جدتها وماريا
اشتاقت لهم...ولامها وابوها
مع انها ماعاشت معهم كثير
بعض الاحيان لما تتذكر كيف انها
وكانها مقطوعه من شجره ولا احد تروح له بالعطل
او احد يسأل عنها ويحاتيها بشكل يومي
يحز بخاطرها دمعت عيونها بحزن على حالها
تتمنى عندها اهل يحبونها وتشاركهم فرحها وحزنها
عمتها بتتزوج وبتروح بيصير لها حياتها
رفعت راسها بانتباه لسلطان الي وقف قدامها
رفعت يدها تمسح دمعتها: جيت
حست بيدينه الي حاوطت خدينها رافع وجها له
بينما عاقد حواجبه بستغراب: ليه تبكين
نفت محركه راسها بينما تحس دموعها
بترجع تنزل بضيق من هرموناتها الي ماصارت تساعدها:ولا شي
نزلت راسها بينما لحد الان يدينه حولها
محاوله تخفي ملامحها وصل لها صوته الجدي: ريم..تكلمي
تنهدت ريم بضيق وعيونها غبشت من الدموع
رفعت يدها تحضن سلطان من خصره بينما
راسها بين حضنه:اشتقت لجدتي وماريا
تنهد سلطان وهو يبعدها عن حضنه
وقفها ورد حضنها مخفيها بين احضانه: المفروض تترحمين
عليهم..وانتي تدرين انه ذي الدنيا ومايبقى الا وجهه سبحانه
شدت ريم على حضنه مخبيه وجها بين احضانه ببحه:اشتقت لحياتي
القديمه سلطان..ابي ارجع صغيره
سلطان بمحاولة تلطيف جو:اي وتجلسين تزعجيني انتي
وخوياتك وتسوين مصايب وتهربين عند ماريا
ضحكت ريم بين دموعها لكن زاد بكيها وشهقاتها:ابي ابكي..
تنهد سلطان وهو يمسح على ظهرها: ابكي وفرغي..
الظاهر ولدي لاعب بهرموناتك عدل
وصل له صوت ريم المكتوم ببحه: بنتنا..
ابتسم وهو يمسح على شعرها الطويل:بنتنا ولاتزعلين
بعدت ريم عن حضنه بينما يده لحد الان حول خصرها
تمسح دموعها بينا سلطان يناظرها بتأمل
رفع يده يساعدها تسمح دمعها
بينما اصابع يده تمر تحت عينها ثم خدينها
ناظر بانتباه لرقبتها : دموعك ماقصرت روشتك كلك
مسح نهاية رقبتها بينما عيونه انتبهت لشامتين الصغار
الي تحت رقبتها بهمس:الواحد وده يتوب..بس ماتخلين الواحد يتوب انتي
عقدت ريم حواجبها بستغراب بعد مامسحت كل دموعها:وش
انشد جسمها بصدمه بعد ماقرب سلطان وباس جهة شامتها
لمده شبه طويل
بعد عنها وهو يناظر للي سوا: كذا احلا
ناظرت ريم مكان مايناظر :هاءء سلطانن يا سخيف
عندي ملكه بروح لها لاتستهبللل وش ذاا
ابتسم على جنب وهو يناظر لها :سهله غطي ممتلكاتي
ولا تطلع لاحد
دفته ريم عنها وهي تقرب للمرايه تناظر بتدقيق
رفعت بداية قميصها بحراج بعد مانتبهت كيف كان عاري
من فوق بزياده: اصلا عادي بغطيه بكريم وبلبس الي ابي
بعدت عنه وهي تجلس على سرير ناويه تنام:جد سلطان بنام
شوي لاتزعجني
نزل سلطان ثوبه وهو يعلقه ويتوجه لجهته:حتى انا بنام بعد شوي
سكرت ريم النور الي بجنبها وهي تناظر لسلطان
الي تمدد بجنبها معطيها ظهرها
تنهدت بضيق "قلت لاتزعجني بس مو تبعد كذا"
نادته بعتب:سلطان
سلطان:هممم
ريم:نمت..؟
سلطان:والله لو اني دجاجه..لا ليه
قربت ريم حاضنته من ورا دافنه وجها بظهره:ولدك يبي
كذا مو انا..
لف سلطان لها وهو يبعد يدها ثم يقربها يحضنها من قدام
ببتسامه خبيثه:ولدي يقول نام كذا احسن بابا
ضربت ريم بحراج سلطان الي يضحك: لاتضحك
بعد سلطان مدقق بوجه ريم:وراك تقلبين حمره بسرعه
رفعت ريم يدها لخدها تمسح عليه:مدري
بعد سلطان يدها وهو يمثل الحزن:كنت بنام
لكن تدرين انتي معي نفسك وحام شين احب اكل كل شي احمر
زاد احراج ريم وهي تناظر له: سلطان لاتطقطق
قرب سلطان لخدها ناوي يعضه:ايبااه صار احمر زياده
دفت ريم سلطان وهي تلف للجهه الثانيه:ماعاد ابي احضنك
ابتسم سلطان وهو يمد يده يبعد شعرها عن رقبتها:وش دراك
اني اشتقت لها
جت ريم بتلف بستغراب من قصده لكن حست بقبلته لرقبتها
ويده الي لفت حول خصرها تقربها له اكثر