ما كان في الحسبان يقوى الهجر أعز انسان / مكتملة

البارت الثالث عشر

البارت الثالث عشر:

&
:
&
بسم الله..استغفرالله.. لاحول ولاقوة الا بالله..سبحان الله
_____

عرفتك صدفه بيوم من بين الاغراب
وغديت بكل يوم ادور عنك واحاتي

قربت منك وقلبي من الحب مرتاب
بسبة بقايا شين التجارب بذكرياتي

لكني فتحت للمحبه بصدري الباب
ولقيت فيك جميع اوصافي ورغباتي

....
في منتصف الليل
مجتمعين حول النار
بعد ماضبطو لهم جلسه حلوه والشاهي والكرك موجودين
مقررين يسهرون يستمتعون بلاجواء قبل النوم
وقفت دانه وهي تقلد حركات دكتورتهم:وقسم كذا يابنات ماهي صاحيه
مسكت دانه لها خشبه وصارت تقلب فيها وشوي تمثل انها تعضها:تشرح وتعض بالقلم تحسون تعيش على اكل الرصاص
ضحكو البنات على تعابير وجهه دانه وهي تعفس بملامحها
محاوله منها تقليد دكتورتها:انا دارسه في امريكاا
واعرف شلون الحياة بذيك الدوله لانه لما كنت في امريكا
كنت بامريكا لانها امريكا "عفست دانه وجهه بقرف وهي تجلس"
والله كذا سدت نفسنا كل شوي امريكا وامريكا مدري مين
قال لها امريكا شي غريب يعني نهايتها دوله
لا راحت ولا جت
ضحكت لمى باستمتاع:يازين سعوديتنه بس
ريم:يوه مثل دكتوري السنه الي فاتت كذا ماكان يسكت
اماني:مستحيل مايمر على الطلاب الجامعيين
مسيرتهم الدراسه دكتور او دكتوره مايقولون هالكلمه
لازم لما انا درست برا
ساره وهي ترشف من الكرك:تبون الصدق
قاطعتها دانه:لا
شرقت لمى بشاهي وهي تكح بضحك على تعبابير ساره
المصدومه بينما فرح اخذت مناديل لها:اخذي فشلتينا
قدام البنت...
ابتسمت ريم لتعليقها:حرام ماتقصد
رفعت دانه علبة المنديل وهي ترميه على فرح:اقول خلي عنك بس
مافي احلا من البساطه وانك تصيرين على طبيعتك
بعدين خلاص صارت من الحزب لازم تشوف الوضع كيف معنا
اماني لدانه:ماشاءالله اول مره يطلع منك كلام سنع
لمى الي كانت تمسح وجها بالمنديل:اتفقق
رفعت دانه اكتافها يغرور:هه اصلا انا كلي سنع وحكم
اصلا يقول لك ارتبطو بالمجانين فالعقلاء مملون جدا
مدت ساره يدها للفطاير بتفهم:حلو يعني معترفه انك مجنونه
سحبت فرح حبتين منديل بملل للمى الي شرقت من الضحك
وللمره الثانيه تحت انظار ريم المصدومه من اجوائهم
لفت لها اماني باحراج:الله يعينك بتتعودين على كذا دايم
ريم والي من اول الجلسه وهي حابه كيف انهم
عاملوها بدون رسميات :بالعكس والله انكم فله
لفت له دانه وهي تناظرها بحب
وترفع يدها تسوي لها قلب:اخخ بس يازينك
والله انك احسن من هنوف مليون مره
كشرت فرح بكره:يا شين الطاري بس
عقدت ريم حواجبها باستغراب "مين هنوف"
اماني ناظرت لدانه بحده وببالها ريم على درايه
بهذا الموضوع:ماله داعي تجيبين طاري طليقته قدام
زوجته
توسعت عيون ريم بتفاجئ لثواني بمحاوله لربط المواضيع
هنوف..؟ طليقته..؟ قدام زوجته!!
"س..سلطان كان متزوج من قبل"
ناظرت ريم للكرك الي بيدها بسرحان
مستحييل كيف ماعرفت بهالموضوع واساسا متى تزوج
بالفتره الي انقطعت فيها عن سلطان
معقوله تزوج فيها..؟
هه وش بك ريم لاترفعين امالك كثير
اكيد بيتزوج ويعيش حياته بنهايه مين انتي
بنسبه له غير عاله اشفق عليها وقرر ينقذها
قاطع سرحانها وتفكيرها العميق صوت دانه المنحرج وبأسف:ريم معليش ماجا ببالي انه طاري طليقته بيضايقك
ردت ريم وهي تدعي المعرفه :لا ياقلبي ماضايقني
بنهايه هذا ماضي وانتهى وماهمني اساسا
غطست فرح يدها بالمويه الي قدامها ثم رفعتها
وهي ترش على دانه اختها:عز الله ماخطيتي بحكمتك
الله يعين زوجك بسس
لفت دانه عليها بغضب:خيير لاتغلطين على رجالي
عاد من زين الي بياخذك الحين نفسيه اكيد مثلك
وقفت فرح وهي تتخصر بعصبيه:وش وشش حبيبتي
الا زوجييي مارضا عليه
حطت ساره الفصفص بينها هي و ريم وببتسامه:ماعليك دوم كذا هم
متعودين عليهم اكلي واضحكي معنا
ناظرت ريم لاماني الي تمسح على شعر لمى بحضنها
بينما لمى تناظر لدانه وفرح بحماس
ابتسمت على وضعهم الغريب
لكن تنهدت بضيقه  بكل مره تقول
الوضع بيتحسن تنصدم بشي جديد عليها
صحيح حياته و هالشي من الماضي
لكن لي مافتح الموضوع معها او قال لها علاقل
عقدت حواجبها بانزعاج بسبب صداع راسها
الي داهمها من تفكيرها الكثير كارهه هالشي فيها
لحد الان تحس بضياع وشعور انه امورها مو مستقره
بكل مره يجيها شعور انه ممكن باللحظه كل ذا يروح
من بعد الخمس سنين الي عاشتها عند عمانها
انكسرت كثير وماصارت ثقتها بناس مثل قبل
وماصارت توثق بزمن وخيباته
مثل ماصار من قبل وكيف تبدلت حياتها بيوم وليله
الخوف والقلق انه هذا يصير مره ثانيه دوم يداهمها
تحتاج تتكلم  وشخص يسمعها تحتاج مين يساعدها ترتب حياتها
لكن ماتثق ولا تعرف كيف تبدا حتى بذا الشي
ببالها انه محد يتحمل هم فوق همه
ومحد بيهتم يسمعها حتى سلطان تخاف بيوم
يمل منها ويتركها...