ما كان في الحسبان يقوى الهجر أعز انسان / مكتملة

البارت السادس والعشرين

البارت السادس والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

وهاتِ دموعكِ اني لكِ بحرٌ
وهاتِ بنفسكِ اذا اردتِ لها وطنً

اني هنا دائماً لأجلكِ ياللعجب يهزمكِ
رمحاً وكتفي دائماً لكِ سندَ

......
في بيت ابو مشاري
بالمجلس الداخلي
تقلب بفنجانها وتناظر بطرف عينها لبنتها
دانه المشغوله بالحلا تاكل وتتقهوه وبحضنها
كان اللاب تتابع لها فلم...اخذت ام مشاري الملعقه واكلت
من الحلا وهي تقلب فيها بتفكير....
نزلت الملعقه ورشفت اخر الفنجان:الا اقول يا دانه
بدون لاتناظر لها تنتظر ردها لكن طولت ولا ردت عليها
لفت تناظر لبنتها الي لابسه سماعات وشكلها
ماتسمعها ابد...تنهدت بضيق:ياعزتي له بس
سحبت المخده وحذفتها على دانه الي فزت
بذعر تناظر لامها:بسم الله وشش ليهه
ام مشاري بضيق:انادي فيك ماتسمعين
خلي عنك مسلسلك وتعالي بسولف عليك
بعدت دانه اللاب بشك:وش عندك..
مسحت ام مشاري على المكان الي بجنبها:ابكك
انتي تعالي واجلسي اول تقهوي معي ماهو بعيد عني
قربت دانه لامها وبيدها صحن الحلا والقهوه
جلست مقابل امها وهي تزيد لها من القهوه:سولفي
يا جعل مايسولف غيرك انفدا ذا الخشهه بسس
ام مشاري وبدون مقدمات:ناصر ولد خالك خطبك
ضربت دانه بالفنجال بصحن بقوه منزلته
وهي تاخذ نفس ناظرت امها ببتسامه:ماشاءالله الله يوفقه
ويهنيه يارب كبر وبيتزوج..
ام مشاري:دانه لاتستهبلين الرجال طالبك بلاسم يبيك
دانه: اي الله يهنيه قولي له ماعندنا بنات لزواج
انا مو موافقه وكانك يا يمه بتغصبيني فا
هذا انا قلت لك اثمي عليك...
تنهدت ام مشاري بعتب:طيب ليه عطيني سبب
ولد اخوي ماينرفض رجال وكفو واعرفه من وهو بزر
دانه:قلتيها تعرفينه من وهو بزر انا مابي من العايله
ماحب لا عيال عم ولا خال ولا خاله ولا عمه ولا هم يحزنون
انا طول عمري احلم انه اعيش مستقله مع شخص جديد
وعايله جديد ماتمنى انه اخذ احد قريب لي وصدقيني
اذا صار وخليتيني اوافق بالغصب فا تراك ظلمتيه
هو قبل لاتظلميني ..ولو سمحتي يمه قفلي الموضوع
وتعذري منهم والله يوفقهم..
قامت دانه ماخذه حلاها معها وجهازها
لحقتها نظرات ام مشاري بضيق:الله يهديك بس
رفعت جوالها تكلم زوجها وتعلمه
براي دانه والي ماكان عاجبها

........
اليوم الثاني
بمجلس الرجال
جالس ابو صالح وقدامه وليد: جدي وقسم بالله
ماكذب عليك جيت اركضضض وامسكه بيديني
تشوف هذول يديني هذول مسكته وطبخناه واكلناه
والله يا انه كان عشن طيب
ابو صالح بتسليك:اي اي انت تصيد..؟ خير ان شاءالله
ضحك هيثم وهو يلف لوليد وجده:هههههه يبه
لي كذا تكسر بالولد...والله هو الي صاده
ابو صالح بستنكار:ابك هذا دجاجه مايصيد تبيه الحين
يصيد ضب بالبر..عيال هالجيل ماهم مثل قبل
وليد ناظر جده بعتب:افا يابو صالح افا تراني طالع عليك
المفروض تقول هذا حفيدي ماهو تكذبني كذا
ضيق ابو صالح عيونه لوليد:منهو الي كاذب عليك
انا محد يشبهني..انت تدري اني اول ماولدتني
امي صدت لهم غزال....
تنهد وليد بملل: جدي خلاص ايام الكذب راحت صدت غزال
وسيارتنه كانت تطير واصيد الطيور ترى كبرنا ماعاد نصدق
رفس ابو صالح وليد:قم وراك بسس...
ناظر لهيثم بستفسار:هيثم الا سلطان وينهه...
هيثم لف لجده:والله يا جدي مدري...بس ان ماخاب
ظني مشغول بشركه تعرفه مدمن شغل
ابو صالح:اييه الله يهديه مايرتاح مغير
ضاغط نفسه بهالشغل ماهو بالخبل الي قدامي
وليد بصدمه:وانا اخو نوره..جدي انا الخبله.؟؟
ابو صالح :نوره مانهو يا الخبل
وليد:نوره اخت السعوديه كلها ياجدي هههههههه