ما كان في الحسبان يقوى الهجر أعز انسان / مكتملة

البارت الثامن والعشرين

البارت الثامن والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

عسى العوض يا احلام الايام قدام
وعسى القدر يكتب سعادة زمنا

.....
اليوم الثاني
في جناح احد فنادق دبي
جالس امام البلكونه وقدامه قهوته وملف اجتماع اليوم
بيده جواله يكلم اخوه ابو رائد :ههههه والله جد..؟
ابو رائد:اي والله امس تقوله لي امها
سلطان رد ببتسامه:يحليله..
ابو رائد: الوكاد اني جيت انشدك عنه دامه خويك
سلطان بجديه:والله يا اخوي تبيها من الاخر..؟
ابو رائد: هالله هالله
سلطان: شدد يدك بيده ولا تفكه..تراه رجال
وما ينخاف على اماني معه..
ابو رائد:ونعم فيه..ودامه خويك واثق فيه
سلطان بضحك: اكيد انا واسطته
ابو رائد:هههههه ايه وانت الصادق وماغلطت
....اخليك اجل تكمل شغلك
سلطان ناظر للملف قبل يسكر:عسى الله يوفق في مابينهم
...فمان الله
نزل جواله واخذ بيده قهوته يرشف منها
وعيونه تتأمل الأجواء ضحك لثواني على سالم
وموضوع زواج:هههه ومايعلم بعد الورع
نزل قهوته ورفع جواله على اتصال سعود:الوو..
سعود:توني صاحي لاتقول رحت للاجتماع..
سلطان بمزح تكلم بجديه:منجدك انت...؟
خلصت الاجتماع ورجعت السعوديه وانت باقي تسأل
كتم ضحكته وهو يسمع اصوات ومتاكد انه سعود
فز من سريره كعادته :احلفف سلطان تستهبلل..!؟؟؟
ليه ماصحيتني مخليني هنا وش اسوي
سلطان رد بضحك:اندري عنك هههههه امزح معك تعال
انا بغرفتي طالب قهوه..تبي اطلب لك..؟
سعود بعتب انسدح:احتاج عصفر تقول لي قهوه...
سلطان نزل قهوته بضحك:ههههههههههههههههههههه لا جد تبي
تنهد سعود لثواني:يالله اطلب على ماروح الحمام
سكر سلطان جواله واخذ قهوته ناوي
يروح يطلب لسعود وحده

......
في بيت ابو رائد
رفعت راسها على دخول امها لغرفتها:اماني
سكرت اماني الفلم الي كانت تتابعه ولفت لامها بانتباه:هلا
جلست ام رائد على سرير مقابل لبنتها:طلع صدق خوي
عمك سلطان..سالم ولد ام سالم
خفف قلب اماني لثواني ولاخر لحظه كانت
تنكر حقيقة هذا الامر لكن طلع هو بلاخير
تحمحمت بخجل:صدق..
ام رائد:ايوا..وابوك اتصل على عمك وسأل
عنه والرجال سمعته زينه ورجال...وانتي
عارفه امه قالت انهم يبونك لكن باقي رايك
بعد ما سألنه وتأكدنه منه..وش قولك
نزلت اماني انظارها ليدها برتباك:ااء..
"همست بخجل" دام عمي مدحه و..انتم راضين
فا انا بعد..م..موافقه
فزت ام رائد لبنتها تحضنها:ياعمريي عمرك
عسى ربي يوفقكم..ياحلو الي بتصير عروس
ضحكت اماني بحراج:يمهه باقي ما ملكنه
بعدت ام رائد عن بنتها:قريب ان شاءالله
يالله انا بطلع ابشر ابوك واتصل علي
ام سالم ابلغها بموافقتنه عشان يحددون
وقت التحاليل....
ناظرت اماني لامها اللين ماطلعت
وسكرت الباب من بعدها..صرخت اماني
بخجل وهي تغطي وجها..:مو صدقه الي يصير
هههههههههههههه خطبني..بس ليييه..!
بعدت يدها وهي تحاول تضبط مشاعرها:احمم
اماني الثقل..عادي تصير وش ناقصك انتي تهبلين