ما كان في الحسبان يقوى الهجر أعز انسان / مكتملة

البارت السابع

البارت السابع:

&
:
&
بسم الله..استغفرالله.. لاحول ولاقوة الا بالله..سبحان الله
_____

ياعذاب الي هقاويه واحلامه كبار
يحسب الدنيا تراعي شعور الطيبين

مايبي العالم يشوفون فيه الانكسار
مبتسم والابتسامات من طبع الحزين

....
بعد مرور اسبوع
انكتب كتابها على غير مالك قلبها
احلامها كانت كثيره ونظرتها كانت متأمله لمستقبلها بذيك الايام
كل الي كان ببالها بتاخذ الي كان بيوم مالك لقلبها
وبتعيش معه حياة حلوه...
اليوم وقبل اسبوع وبعد هالسنين ملكة لكن ماهو له لغيره...

رفعت اللحم الي بالقدر بشويش بما انه حار وترف خافت تتلفه ويخرب شكله
وماتقصر وقتها عمتها بالصراخ
نزلته بشويش بصحن العشا فوق الرز تحديدا
وقفت بعد ماخلصت من اخر صحن وهي تمسك ظهرها بألم من وضعية جلوسها الي كانت غلط
ناظرت للشغاله الي شالت الصحن وراحت تنهدت بتعب وهي تمشي
لاقرب كرسي وتجلس تناظر للمطبخ بسرحان
قبل اسبوع بس كانت ملكتها على عمر ولد عمها ابو ثامر
هه واليوم جالسه وتجهز لعزيمة الرجال بما انه قمر بالجامعه ولمار بالمعهد مافيه غيرها
كرهتهم وكثير صدموها مره باللي سووه ليومها ذا ماقدرت تبرر او تجيب دليل انه ماهي هي الي كانت تكلم
بعد ما ملكوها لعمر نسو الموضوع دام خلاص صارت على ذمت رجال
منطقهم غريب وجدا بنسبه لها
الجامعه؟ وقفت قيدها ماتحس لها نفس تدرس هالكورس مقرره انها تجلس بالبيت تعيد حساباتها
لفت باستغراب للي دخل للمطبخ بسرعه:هيييههه وين المويه جايبيين العشا بدون ال...اوه
وقفت ريم بانزعاج وضيق وهي تصد عنه
ناظر لها عمر بتدقيق وهو يعدل شماغه الي على كتفهه
وكانه دخلت مزاجه:تراني زوجك ولا نسيتي
لفت ريم تناظر له بقرف:لا مع الاسف
مشت متعديته لبرا ناويه تصعد فوق بما انها خلصت شغلها
لف عمر يناظر لها بسرحان ببجامتها وشعرها طويل رابطته على ورا والطرحه حرل رقبتها مسح يده على شنبه:والله ماهي شينه...

....
اليوم الثاني
في منطقه ثانيه
بيت كبير بحجمه محتوي فيه
عايلة الجد ابو صالح
طلعت من المطبخ بسرعه وبيدها الفطور وهي تدخل للمجلس:والله ماتطلع
ناظر لها سلطان بقلة حيله:والله مستعجل
جلست دانه بجنبه وهي تنزل الفطور بضيق:عمي حرام عليك تعبت اسوي لك الفطور
تنهد سلطان وهو يناظر ساعة يده:طيب عشانك بس باكل كم لقمه
ابتسمت دانه وغمازتها الي بخذها اليمين برزت وهي تحط له شاهي بحليب
ناظر لها بسرحان ذكرته فيها غمازاتها الي كانت بخدينها اذا ضحكت
دانه اشرت بيدها لسلطان باستغراب:عمي وين رحت
ناظر لها بضيق: ولا مكان..
مد يده وهو ياخذ الشاهي بالحليب منها
ارتشف منه شوي وجلس ياكل بستعجال لسعود الي ينتظره برا
.....:حياك...حيا الله سعود وراك جالس بسياره
فزت دانه بفزع واستعجال وهي تتخبى ورا سلطان :عميي..
ناظر سلطان لرائد وقبل يدخل:يا ولدد ...روحو وراكم الاهل عندي
صد رائد باحراج وناظر لسعود:هههه شكله انا وياك الي بنجلس بسياره
ضحك سعود على احراج رائد:اجل حياك معي
جلست دانه براحه وايدها على قلبها:والله انك كفو يا سلطان
لف سلطان يناظر لها وهو رافع حاجب واحد:وشو؟؟
ناظرت له دانه برتباك:يووه وش بك نمزح اقصد عمي.. عمي سلطان
وقف سلطان وهو يعدل نسفته:اي عبالي بعد
ناظرت له دانه بضيق:عمي وانت كله مستعجل متى تجلس ونسولف وبعدين ماكلت عدل
طلع سلطان جواله ومفتاح السياره بيده وهو يناظر لها:المرات الجايه ان شاءالله والفطور تحسبين ماعرفك انتي والبنات بتهجمون عليه الحين
ضحكت دانه باحراج:هههههههه خيير من قال
لبس سلطان جزمته وبيد ماسك الباب لف لها وهو يبتسم باستفزاز:دانه
ناظرت له دانه بتوتر:نعم
وقف وهو يلبس ساعة ايده بهدوء:اذا بيوم فكرتي تسوين قروب انتي والبنات وتحشون فيني وتسموني النفسيه حاولي قد ماتقدرين ماتضيفيني فيه
بالغلط طيب؟
بققت دانه عيونها وقلبها يتراعد:هاه قروب؟؟ وش ..دقيقه
طلعت جوالها بسرعه وهي تدخل لقروبهم
وتحديدا الاعدادات جهة اسماء البنات
اماني الحلوه
لمى توأم روحي
سويره
فوفو
عمي سلطان
شهقت بصدمه:يوييلييي متى انضفت بالقروب
لبس سلطان نظارته وهو طالع:من البدايه...
طلع لسعود تارك دانه تتصرف بمصيبتها وبطريقه شاف رائد الي جالس بسيارته:تعال انت يالورع انزل من مكاني
نزل رائد:افا ياعمي سلطان وش طولي وعمري٢١ صرت ورع
سلطان:ويوم انه هذا عمرك مدرعم ماتعرف تطلع صوت قبل تدخل ليه
رائد وهو يتراكا على السياره:والله عاد ماشفت شي وسمعتو صوتي قبل ادخل وانقذت الموقف
سلطان:طيب يالله لايكثر وخر بمشي متاخر على الشغل
رائد:طيب بعد شوي بنجتمع ويا الشباب بالمجلس تجي ولا ماتقدر؟
ركب سلطان سيارته وهو يفتح الشباك:ماتوقع بقدر
ناظر له رائد بحسافه:طيب
ناظر سعود لرائد الي راح لداخل البيت:وش بك متغير منت بسلطان الاولي
حرك سلطان السياره وهو يناظر بهدوء:تصدق ماتصلت
تنهد سعود بضيق:يا رجال البنت كبرت ويومها ملكتها و على ولد عمها ظنك انها بتتصل
زفر سلطان انفاسه وهو يلف لجهة الشركه:مو مرتاح للموضوع ذا بكبره
سعود:الا ارتاح وتأكد خذت رقمك ورمته تراها حرمه متزوجه الحين
ناظر سلطان له بنرفزه:طيب تراك اذيتنه متزوجه ومتزوجه درينا خلاص
ناظر له سعود بصدمه:طيب اعصابك